اسكەري قىزمەتشى قىزدار كاماز جۇرگىزەدى

جاقىندا ەلىمىز بويىنشا ايەل اسكەري قىزمەتشىلەرگە كاماز ءاۆتوموبيلدى تەحنيكاسىن جۇرگىزۋدى ۇيرەتۋ بويىنشا ساباقتار وتكىزىلە باستادى. ونىڭ العاشقى ساباعى 83205 اسكەري ءبولىمىنىڭ بازاسىندا ءوتتى. ساباقتار جاۋىنگەرلىك دايارلىق جوسپارىنا سايكەس ايىنا ءبىر رەت پراكتيكالىق ساباقتارعا اۋىسىپ وتىرادى. قارۋلى كۇشتەردە وسى ساباقتارعا جاۋاپتى اسكەريلەردىڭ ءبىرى 83205 ءا/ب كومانديرى پولكوۆنيك ايدار ابدراحماننىڭ ايتۋىنشا, ءاربىر اسكەري قىزمەتشى جىنىسىنا قاراماستان, جاۋىنگەرلىك تەحنيكانى جۇرگىزە الۋى ءتيىس. ايەل اسكەري قىزمەتشىلەر ەرلەرمەن قاتار بارلىق پراكتيكالىق سا­باقتاردى ورىندايدى. بۇل سوعىس كەزىندە ايەلدەردىڭ تەحنيكانى جۇرگىزۋى ءۇشىن قاجەت. بۇگىندە ايەل اسكەري قىزمەت­شىلەردىڭ جاۋىنگەرلىك دايارلىعىنا جاقسى باعا بەرىلۋدە.  ولار ەرلەرمەن بىرگە جاۋىنگەرلىك دايارلىق باع­دار­لاماسىن مەڭگەرۋدە. نازىك جان­دارعا كاماز سياقتى اۋىر تەح­نيكاعا  وتىرىپ, ونىڭ اۋىر ءرو­لىن ۇستاۋ وڭاي ەمەس. دەگەنمەن, 83205 اسكەري ءبولىمىنىڭ ارۋلارى وزدە­رىنىڭ پراكتيكالىق ماشىقتارى مەن جاۋىنگەرلىك دايارلىقتارىن كورسەتتى. – مەن قارۋلى كۇشتەردە 13 جىلدان بەرى قىزمەت اتقارىپ كەلە­مىن. كۇن سايىن بىزدە جاۋىنگەرلىك ازىرلىكتى ارتتىرۋ بويىنشا سا­باقتار وتكىزىلەدى. جاڭا جىلدان باستاپ ءبىز كاماز جاۋىنگەرلىك تەح­نيكاسىن جۇرگىزۋدى ۇيرەنە باستادىق. باسىندا قيىن بولدى. ءبىز ساز بالشىقتى جەردە جۇرگىزدىك. بىراق مەن ماشينانى تەز يگەرىپ الدىم. ماعان كاماز-دى جۇرگىزۋ وتە ۇنايدى. مەنىڭ ويىمشا, اسكەردە ءاربىر اسكەري قىزمەتشى ۇرىس تەحنيكاسىن جۇرگىزە الۋى ءتيىس, – دەدى 83205 ءا/ب اسكەري قىزمەتشىسى, اعا لەيتەنانت گۇلدەن اليەۆا. داستان كەنجالين, «ەگەمەن قازاقستان»