بەيبىتشىلىك ەستافەتاسى جاستار قولىندا

قازاقستان باسشىسى ءوز مانيفەسىندە جەر بەتىندە بەيبىتشىلىكتى ساقتاۋعا جانە جاڭا الەمدىك سوعىستار قا­تەرىنىڭ الدىن الۋعا قاتىستى مەملەكەتتەر باسشىلارى مەن بارلىق ەلدەر حالقىنا ۇندەۋ تاستادى. ءححى عاسىردا ادامزات ءوزىن ءوزى ميليتارسىزداندىرۋ باعىتىنا قاراي باتىل قادام جاساۋى ءتيىس. ەندى قايتىپ ونداي مۇمكىندىك بولمايدى. ويتپەگەن جاعدايدا ءبىزدىڭ پلانەتامىز ادامدارى جوق وراسان زور راديواكتيۆتى ماتەريالدار قوقىسىنىڭ ءۇيىن­دىسىنە اينالماق. ءبىزدىڭ پلانەتامىز تاڭعاجايىپ, بۇدان وزگە ونداي دۇنيە بىزدە جوق جانە بولماق تا ەمەس. سون­دىقتان ادامزاتقا جاپپاي قام­تيتىن «ءححى عاسىر: سوعىسسىز الەم» باعدارلاماسى قاجەت. بۇل جاھاندىق ستراتەگيا سوعىس ۆيرۋسى مەن داۋ-جانجالدار­دى جويۋ بو­يىنشا ۇلتتاردىڭ كەلىسىلگەن جانە جاۋاپكەرشىلىكتى ءىس-قيمىلدارىن ايقىنداۋى ءتيىس... كەز كەلگەن قازىرگى زامانعى سوعىستا جەڭىم­پاز بولمايدى جانە بولۋعا دا ءتيىس ەمەس, وندا ءبارى دە جەڭىلىس تابادى. بۇل ەسكەرتۋ سوزدەر ءبىرىنشى كەزەكتە ءوزىمىز جاڭا بۋىن دەپ اتايتىن قازىرگى بالالار مەن جاستارعا قاتىستى. وسى عاسىردا ءومىر سۇرەتىن جانە اتالارى مەن اكەلەرى سالىپ بەرگەن جول بويىنشا بەيبىتشىلىك ەستافەتاسىن الىپ جۇرەتىن دە سولار بولماق. ءوز­دەرىنىڭ تابيعاتىنا قاراي بالالار ەرەسەك ادامداردان گورى وزگە ەلدەردەگى زامانداستارىمەن دوس بولۋعا كوبىرەك ۇمتىلادى. بۇعان مەنىڭ ءوزىمىزدىڭ حالىقارالىق سكاۋتتىق ۇيىم جۇمىسىنداعى تاجىريبەم ارقىلى دا كوزىم جەتتى. وندا دجامبوري دەپ اتالاتىن سلەتتەر تۇراقتى تۇردە وتكىزىلىپ تۇرادى. ولار ءتۇرلى ەلدەردىڭ جاستارىن بىرەگەي يدەيا استىنا بىرىكتىرەتىن ەڭ ءىرى مادەني جانە ءبىلىم بەرۋ ءىس-شاراسى بولىپ تابىلادى. وعان ونداعان مەملەكەت­تەن سكاۋتتار كەلىپ, بىرلەسە وتىرىپ ءتۇرلى ءىس-شارالار وتكىزەدى. ال ولاردىڭ نەگىزىندە بۇكىل پلانەتا جاستارىنىڭ دوستىعى, ءبىر-بىرىنە شىنايى قۇرمەت جانە سوعىسقا دەگەن قارسىلىق جاتىر. 2005 جىلى قازاقستاننىڭ سكاۋت­تارى گەرمانياداعى دجامبوريدە بولدى. ال 2014 جىلى ولار سونداي سلەتتى وزدەرىندە وتكىزۋگە قول جەتكىزدى. وعان الەمنىڭ 30-عا تارتا ەلىنەن 500-دەن استام جاس­تار قاتىستى. ءبىزدىڭ قازاقستاندى كوشپەلىلەردىڭ ۇلى مادەنيەتى رەتىندە تانىستىرۋ تۋرالى يدەيامىز دا ءدال سول كەزدە تۋىندادى. بۇل ءىس-شارالار قازاقستان ءۇشىن حالىقارالىق اۋقىمداعى بەدەلدى جاستار وقيعاسى بولدى. سونىمەن بىرگە, ول, ءسوز جوق, ەكسپو-2017 قارساڭىندا ءبىزدىڭ ەلىمىزدىڭ تۋريستىك تارتىمدىلىعىنا ءوزىنىڭ وڭ ىقپالىن تيگىزدى. جاستار قازاقستان پرەزي­دەنتىنىڭ مانيفەسى سياقتى جاق­سى جانە گۋمانيزم يدەياسىن اسەرلى جانە تۋرا ماعىناسىندا قابىلدايدى. سوندىقتان دا, وسىناۋ بەيبىتشىلىككە دەگەن مەملەكەتارالىق ۇندەۋدىڭ پلانەتا جاستارىنىڭ زور جەتىستىگىنە اينالۋى ماڭىزدى. مەن قازىرگى ۋاقىتتا الەمدىك داعدارىسقا بايلانىستى ەل ەكونوميكاسىنداعى جاعدايدىڭ كۇردەلى ەكەنىن تۇسىنە­مىن. دەگەنمەن, استانادا الەم جاستارىنىڭ فورۋمىن وتكىزىپ, وندا ولاردىڭ «عاسىرلار بويى سوعىس ءورتى تۇتانباسىن!» دەگەن ۇران تاستاۋى ورىندى ءىس بولار ەدى.  ۆيكتور دەيمۋند, قازاقستان سكاۋتتار قوزعالىسى ۇيىمىنىڭ پرەزيدەنتى  پاۆلودار