جەمقورلىقتىڭ الدىن الۋ ماڭىزدى

كەشە مادەنيەت جانە سپورت ءمينيسترى ارىستانبەك مۇحامەدي ۇلى جانە سىبايلاس جەمقورلىققا قارسى ۇلتتىق بيۋرو توراعاسىنىڭ ورىنباسارى اليك شپەكباەۆتىڭ قاتىسۋىمەن مەملەكەتتىك ورگانداردا سىبايلاس جەمقورلىق ارەكەتتەرىنىڭ الدىن الۋ جانە بولدىرماۋ ماسەلەلەرى بويىنشا سەلەكتورلى جينالىس ءوتتى. ونىڭ جۇمىسىنا مينيسترلىك كومي­تەتتەرى جانە دەپارتامەنتتەرىنىڭ باسشىلارى, ۆەدومستۆولىق باعىنىشتى ۇيىمداردىڭ جەتەكشىلەرى جانە استا­نا, الماتى قالالارى مەن ايماق اكىم­دىكتەرى سالالىق بولىمدەرىنىڭ وكىلدەرى قاتىستى. ۆەدومستۆو باسشىسى ا. مۇحامە­دي­ ۇلى مادەنيەت جانە سپورت مي­نيسترلىگى مەن وعان قاراستى ۇيىمداردا سىبايلاس جەمقورلىق فاكتىلەرىنە توسقاۋىل قويۋ جانە بولدىرماۋ بويىن­شا جۇرگىزىلىپ جاتقان جۇمىس تۋرالى باياندادى. ال ۇلتتىق بيۋرو توراعاسىنىڭ ورىنباسارى ا. شپەكباەۆ الەمدەگى ەڭ قاۋىپتى كەسەل بولىپ تابىلاتىن سىبايلاس جەمقورلىقپەن كۇرەستىڭ وزەكتىلىگى مەن كۇردەلىلىگىنە توقتالدى. بۇل باعىتتا ءتيىمدى جۇمىس جۇرگىزۋ ءۇشىن بارلىق جاعداي جاسالىپ, ءتيىستى قۇقىقتىق بازا قۇرىلعان. 2016 جىلى 59 زاڭ, سونىڭ ىشىندە سىبايلاس جەمقورلىققا قارسى كۇرەس تۋرالى زاڭ قابىلدانىپ, 2015-2025 جىلدارعا ارنالعان. سىبايلاس جەمقورلىققا قارسى ستراتەگيا ىسكە قوسىلدى. ول سىباي­لاس جەمقورلىقتى بولدىرماۋ, ىشكى جانە سىرتقى قاۋىپتەردى ساراپتاۋ, سىبايلاس جەمقورلىققا قارسى ءبىلىم بەرۋ جانە تاربيەلەۋ, ت.ب. ينستيتۋتتاردى كوزدەيدى. سونىمەن قاتار, ا. شپەكباەۆ ءما­دەنيەت جانە سپورت ۇيىمدارى مەن  مەكەمە باسشىلارىنىڭ نازارىن سالاداعى سىبايلاس جەمقورلىقتى جويۋ بويىنشا ءىس-ارەكەتتەردى قاتاڭ باقىلاۋعا الىپ, سىبايلاس جەمقورلىق قاۋىپتەرىن الدىن الۋ مەن ەسكەرتۋ ءۇشىن بارلىق شارالار جۇرگىزۋ جانە سالا قىزمەتكەرلەرى اراسىندا تۇسىندىرمە جۇمىستاردى تۇراقتى تۇردە جۇرگىزۋدىڭ ماڭىزدىلىعىنا اۋداردى, دەپ حابارلادى مادەنيەت جانە سپورت مينيسترلىگىنىڭ ءباسپاسوز قىزمەتى.