بالالارعا اليمەنتتەردى جانە وتباسىن كۇتىپ-باعۋدىڭ باسقا دا نىساندارىن ءوندىرىپ الۋدىڭ حالىقارالىق ءتارتىبى تۋرالى كونۆەنتسيانى جانە اليمەنتتىك مىندەتتەمەلەرگە قولدانىلاتىن قۇقىق تۋرالى حاتتامانى راتيفيكاتسيالاۋ تۋرالى
2007 جىلعى 23 قاراشادا گااگادا جاسالعان بالالارعا اليمەنتتەردى جانە وتباسىن كۇتىپ-باعۋدىڭ باسقا دا نىساندارىن ءوندىرىپ الۋدىڭ حالىقارالىق ءتارتىبى تۋرالى كونۆەنتسيا جانە اليمەنتتىك مىندەتتەمەلەرگە قولدانىلاتىن قۇقىق تۋرالى حاتتاما وسى زاڭعا 1 جانە 2-قوسىمشالارعا سايكەس مالىمدەمەلەرمەن جانە ەسكەرتپەمەن قوسا راتيفيكاتسيالانسىن.
قازاقستان رەسپۋبليكاسىنىڭ پرەزيدەنتى
ن.نازارباەۆ
استانا, اقوردا, 2016 جىلعى 9 ءساۋىر
№ 492-V قرز
------------------------------------------------------
2016 جىلعى 9 ساۋىردەگى قازاقستان رەسپۋبليكاسىنىڭ № 492-V قرز زاڭىنا 1-قوسىمشا
بالالارعا اليمەنتتەردى جانە وتباسىن كۇتىپ-باعۋدىڭ باسقا دا نىساندارىن ءوندىرىپ الۋدىڭ حالىقارالىق ءتارتىبى تۋرالى كونۆەنتسياعا مالىمدەمەلەر بالالارعا اليمەنتتەردى جانە وتباسىن كۇتىپ-باعۋدىڭ باسقا دا نىساندارىن ءوندىرىپ الۋدىڭ حالىقارالىق ءتارتىبى تۋرالى كونۆەنتسيانىڭ (بۇدان ءارى – كونۆەنتسيا) 63-بابىنا سايكەس قازاقستان رەسپۋبليكاسى مىناداي مالىمدەمەلەر جاسايدى: 1) شەشىمدى تانۋ جانە ورىنداۋ تۋرالى مالىمدەمەگە قاتىستى كونۆەنتسيانىڭ 23 (2) – (11)-بابىنىڭ ەرەجەلەرىنە قاراماستان, كونۆەنتسيانىڭ 24-بابىندا كوزدەلگەن تانۋ جانە ورىنداۋ ءراسىمى قولدانىلاتىن بولادى; 2) كونۆەنتسيانىڭ 30 (7)-بابىندا كوزدەلگەن اليمەنتتەر تۋرالى كەلىسىمدى تانۋ جانە ورىنداۋ تۋرالى مالىمدەمە قازاقستان رەسپۋبليكاسىنىڭ ورتالىق ورگانى ارقىلى عانا بەرىلۋى مۇمكىن. 3) كونۆەنتسيانىڭ 44 (1)-بابىنا سايكەس سۇراۋ سالۋشى مۇشە مەملەكەتتەردىڭ كەز كەلگەن مالىمدەمەلەرى جانە ىلەسپە قۇجاتتارى قازاقستان رەسپۋبليكاسىنىڭ اۋماعىندا, ەگەر ولار ءتيىستى تۇردە كۋالاندىرىلعان قازاق جانە (نەمەسە) ورىس تىلدەرىندەگى اۋدارماسىمەن بىرگە بەرىلسە, ورىندالۋعا قابىلدانادى. 2016 جىلعى 9 ساۋىردەگى قازاقستان رەسپۋبليكاسىنىڭ № 492-V قرز زاڭىنا 2-قوسىمشا بالالارعا اليمەنتتەردى جانە وتباسىن كۇتىپ-باعۋدىڭ باسقا دا نىساندارىن ءوندىرىپ الۋدىڭ حالىقارالىق ءتارتىبى تۋرالى كونۆەنتسياعا مالىمدەمە بالالارعا اليمەنتتەردى جانە وتباسىن كۇتىپ-باعۋدىڭ باسقا دا نىساندارىن ءوندىرىپ الۋدىڭ حالىقارالىق ءتارتىبى تۋرالى كونۆەنتسيانىڭ 62 جانە 44 (3)-باپتارىنا سايكەس قازاقستان رەسپۋبليكاسى ورتالىق ورگاندار اراسىندا وزگە حابارلامالاردى جۇزەگە اسىرعان كەزدە فرانتسۋز ءتىلىن قولدانۋدان باس تارتادى. مۇنداي وزگە حابارلامالار قازاق جانە (نەمەسە) ورىس تىلدەرىندە نە اعىلشىن تىلىندە جۇزەگە اسىرىلادى.
