ەفيوپيادا لاڭكەستەردىڭ شابۋىلىنان 208 ادام قازا تاپتى

استانا. 18 ءساۋىر. ەفيوپيانىڭ باتىس ايماعىندا لاڭكەستەردىڭ شابۋىلىنان 208 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. ەفيوپيا مەن سۋدان ەلدەرىنىڭ شەكارالاس ايماعىنداعى گامبەلا پروۆينتسياسىندا قارۋلى توپ تۇرعىندارعا شابۋىل جاسادى. بايلانىس ءمينيسترى گەتاچۋ رەدانىڭ ايتۋىنشا, سودىرلار وڭتۇستىك سۋدان ايماعىنان باسىپ كىرىپ, بەيبىت تۇرعىندارعا وق جاۋدىرعان. مەرت بولعانداردىڭ اراسىندا ايەلدەر مەن بالالار دا بار. وسىعان دەيىن لاڭكەستىك ارەكەتتەن 140 ادامنىڭ قازا تاپقانى حابارلانعان بولاتىن. سونداي-اق, بايلانىس ءمينيسترى 208 ادامنىڭ اجال قۇشىپ, 75 تۇرعىننىڭ ءتۇرلى دەڭگەيدە جاراقات العانىن ايتتى. قاسكويلەردىڭ تاعى 108 بالانى تۇتقىنعا الىپ, 2 مىڭ باس مالدى ايداپ اكەتكەنى بەلگىلى بولدى. ۇكىمەت اسكەرى قاقتىعىس كەزىندە 60 ەكسترەميستىڭ كوزىن جويدى. ايان ءابدۋالي. دەرەك: ريا «نوۆوستي». فوتو: 24.kz.