جولاۋشىلار اۆتوبۋسى قۇزعا قۇلاپ, 25 ادام مەرت بولدى

استانا. 18 ءساۋىر. ءۇندىستاننىڭ سولتۇستىك-باتىسىندا جولاۋشىلار اۆتوبۋسى قۇزعا قۇلاپ, 25 ادام مەرت بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. اۆتوبۋس ىشىندە 40 ادام بولعان. The Times of India باسىلىمى ولاردىڭ وپەرا انشىلەرى ءارى دەۆگار ايماعىنداعى كونتسەرتتەن كەيىن رادجاستان شتاتىنا قاراي باعىت الىپ, كەتىپ بارا جاتقانىن حابارلادى. زارداپ شەككەندەر اۋرۋحاناعا جەتكىزىلدى. دارىگەرلەر 10 ناۋقاستىڭ جاعدايى تىم اۋىر ەكەنىن مالىمدەدى. الدىن الا بولجام بويىنشا كولىك جۇرگىزۋشىسى بۇرىلىستا رۋلگە يە بولا الماعان. قازىر وقيعا ورنىندا تەرگەۋ امالدارى ءجۇرىپ جاتىر. ايتا كەتەيىك, ءۇندىستان الەمدەگى جول اپاتى ءجيى بولاتىن ەلدەردىڭ اراسىندا ءبىرىنشى ورىندا تۇر. رەسمي مالىمەتتەر بويىنشا, بۇل مەملەكەتتە جىلىنا 150 مىڭنان استام ادام كولىك اپاتىنان قازا تابادى. ايان ءابدۋالي. دەرەك: تاسس. فوتو: 24.kz.