استانا. 18 ءساۋىر. ەكۆادوردا جويقىن جەر سىلكىنىسىنەن قازا تاپقاندار سانى 272 ادامعا جەتتى. سونداي-اق, 2 مىڭعا جۋىعى ءتۇرلى دەڭگەيدە جاراقات الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«رەسمي تۇردە وپات بولعانداردىڭ سانى 272 ادام. تابيعات اپاتىنان ۇلكەن شىعىن كەلدى. سوڭعى 67 جىل ىشىندە ەلىمىزدە مۇنداي جاعداي بولماعان ەدى. دەگەنمەن ءزىلزالانىڭ زاردابى مامانداردىڭ بولجامىنداي اۋقىمدى بولمادى», – دەيدى مەملەكەت پرەزيدەنتى رافاەل كوررەا.
قازىر قۇتقارۋشىلار مەن ءورت سوندىرۋشىلەر قيراندى استىندا قالعان تۇرعىنداردى قۇتقارۋ جۇمىستارىمەن اينالىسۋدا. الدىن الا مالىمەت بويىنشا, ۇگىتىندى استىندا ءتىرى قالعانداردىڭ سانى كوبىرەك بولۋى مۇمكىن.
وتكەن جەكسەنبى كۇنى ەل پرەزيدەنتى مانابي پروۆينتسياسىنداعى مانتا قالاسىنا كەلگەن. ءدال وسى ايماقتا 16 ءساۋىر كۇنى 7,8 باللدىق جەر سىلكىنىسى بولدى. بۇل قالادا 1979 جىلدان بەرى مۇنداي قۋاتتى ءزىلزالا بولماعان. تىنىق مۇحيتىنىڭ قاسىندا ورنالاسقان پروۆينتسيادا تابيعات اپاتىنان ۇلكەن شىعىن كەلدى. كوپتەگەن عيماراتتار, كوپىرلەر قيراپ, تۇرعىندار جارىقسىز, بايلانىسسىز قالدى. ەكۆادوردا رافاەل كوررەانىڭ نۇسقاۋىمەن توتەنشە جاعداي رەجىمى جاريالاندى.
ماماندار ماگنيتۋداسى 7,8 باللدى قۇراعان جەر سىلكىنىسىنەن كەيىن تاعى دا 180-نەن استام ءدۇمپۋ بولعانىن مالىمدەدى.
ايان ءابدۋالي.
دەرەك, فوتو: تاسس.
