جەتى – قاسيەتتى سان

وتكەن دۇيسەنبى كۇنى كەشكى سا­عات جەتىدە اتىراۋدان ورال اۋە­جايىنا جەتىنشى قىسقى ازيا وي­ىندارىنىڭ الاۋى كەلىپ جەتتى. بۇعان دەيىن قازاقستاننىڭ التى قالاسىن ارالاپ وتكەن الاۋدى جەتىنشى بولىپ قارسى الۋ باقىتى با­تىسقازاقستاندىقتارعا بۇيىر­دى. جەتى حالقىمىزدىڭ ۇعىمى مەن نانىم-تۇسىنىگىندە كيەلى ءارى قاسيەتتى سان. مۇنى الاۋ ەستا­فە­تاسى وكىلدەرىن جىلى جۇزبەن قار­سى العان قالا جۇرتشىلىعى مەن ءوڭىردىڭ سپورتسۇيەر قاۋىمى جاق­سى ىرىمعا جورىدى. اقجايىققا ايالداعان ازيادا الاۋىنىڭ جەتى سانىنا قاتىستى تۇستارى تەك وسىمەن تۇسالمايدى. الاۋ قۇتىسىن الىپ جۇگىر­گەن­دەر­دىڭ باعىتى جايىق جاعاسىنداعى جەڭىس الاڭىن قوسا ەسەپتەگەندە ور­ال قالاسىنىڭ ارتىق تا ەمەس, كەم دە ەمەس تۇپ-تۋرا جەتى كوشە­سىن قامتىدى. بۇلار پۋگاچەۆ, دوس­تىق, ەۋرازيا, قۇرمانعازى, ءمان­شۇك مامەتوۆا جانە ىقسانوۆ كو­شەلەرى. نە دە بولسا, ەستافەتانى جەتى سانىنا تۋرالايىق دەگەن وي ونى ۇيىمداستىرۋشىلاردىڭ ءۇش ۇيىقتاسا تۇستەرىنە دە كىرمەپتى. مۇنى سايكەستىلىك دەيسىز بە, تىلەك­تەردىڭ توعىسۋى دەيسىز بە, قالاي دەسەڭىز دە جەتى سانى اقجايىققا اياق باسقان ازيادا الاۋىنىڭ ەنشىسىندەي كورىندى. وسى مەرەيلى شاراعا بايلا­نىس­تى جايىق جاعالاۋىنداعى جە­ڭىس الاڭىنا جينالعان مىڭدا­عان قالا تۇرعىندارى الدىندا باتىس قازاقستان وبلىسىنىڭ اكى­مى باقتىقوجا ىزمۇحامبەتوۆ قۇت­تىق­تاۋ تىلەگىن بىلايشا جەتكىزدى. – بىرنەشە عاسىرلىق تاريحى بار قازاق ەلىنىڭ كونە دە جاڭا قالاسى ورالدا اق وليمپيا الاۋى تۇڭعىش رەت تۇتانىپ وتىر. استانا مەن الماتىداعى قىسقى ازيا ويىندارىنىڭ اشىلۋىنا ساناۋلى كۇندەر قالدى. بۇل تەك سپورتسۇيەر قاۋىم عانا ەمەس, بارلىق رەسپۋبليكا جۇرتشىلىعى ءۇشىن وتە جاۋاپتى شاق. حالقىمىز بەن ءور­كەنيەتتەر اراسىنداعى ءوزارا ءتۇسى­نىستىكتى سپورت ارقىلى تەرەڭدە­تۋگە بولادى. بۇل رەتتە تورىمىزگە ەنگەلى وتىرعان ازيادا ويىندارى دا ەلەۋلى ءرول اتقارماق. ىسكە ءسات! بۇدان سوڭ سالتاناتتى شەرۋدى باستاۋ ءۇشىن ورتاعا الاۋ ساقشى­لا­رى شاقىرىلدى. الاۋ ەستافەتاسى ديرەكتسياسى باسشىسىنىڭ ورىن­با­سارى سارسەن قۇرانبەك الاۋ جا­عىلعان قۇتىنى باتىس قازاقستان وبلىسىنىڭ اكىمى باقتىقوجا ءىز­مۇ­حامبەتوۆكە تاپسىردى. سول ءسات­تە ول ساحنا تۇعىرىنان ءتۇستى دە, الاۋدى الىپ بەلگىلەنگەن باعىت بويىنشا پۋگاچەۆ كوشەسىنىڭ بو­يىمەن جۇگىرە جونەلدى. وبلىس باس­شىسى ەستا­فەتا­نى بۇدان سوڭ بەلگىلەنگەن قا­شىقتىقتا ءوزىن كۇتىپ تۇرعان با­تىس قازاقستان وبلىسىنىڭ پروكۋ­رو­رى جاقسىلىق بايتۇقباەۆقا بەر­دى. الاۋ شەرۋشىلەرى وسىدان سوڭ بىرىنە-ءبىرى جال­عاسىپ كەتە باردى. تۇسكە دەيىن جانە تۇستەن كەيىن وتكىزىلگەن الاۋ ەستافەتاسىنىڭ ەكى كەزەڭىنە 60 الاۋگەر قاتىسىپ, 12 شاقىرىمدى جۇگىرىپ ءوتتى. ول­اردىڭ اراسىندا سپورتشىلار مەن ونەر جۇلدىزدارى, مادەنيەت قاي­راتكەرلەرى, ساياساتكەرلەر مەن بيۋدجەت قىزمەتكەرلەرى بار. الاۋ­گەر­لەردىڭ اراسىنان ءبىز قازاقتىڭ اق­ىن قىزى اقۇشتاپ باقتىگە­رە­ەۆا مەن ءانشى-كومپوزيتور, قازاق­ستان­نىڭ حالىق ءارتىسى ەسكەندىر حا­سان­عاليەۆتى كەزدەستىرىپ قال­دىق. اپا­مىز بەن اعامىز كوڭىلدى. جاس­تار­عا جاقسى تىلەكتەرىن ايتىپ جاتىر. الاۋ ەستافەتاسىنىڭ قورىت­ىن­­دىسى كەشكە مۇز سپورتى ساراي­ىن­دا ءوتتى. ول ءساندى دە ءماندى, كورىكتى دە كەلىستى, اسقاق تا ايشىقتى مەرەكەگە اينالدى. ونىڭ وسىنداي بيىك تالعام دەڭگەيىندە ۇيىم­داس­تىرىلۋىنا باتىس قازاقستان وب­لىس­تىق سپورت جانە دەنەشىنىق­تىرۋ باسقارماسىنىڭ باستىعى ءمۇ­سىلىم وڭداعانوۆتىڭ ۇلكەن ءۇل­ەس قوسقانىن ايتا كەتكەن ءجون. قازاقستاننىڭ جەتىنشى قالاسىندا وتكىزىلگەن الاۋ ەستافەتاسىنىڭ سوڭى سامبو كۇرەسىنەن بىرنەشە دۇركىن ازيا چەمپيونى, الەم كۋبوگى كەزەڭىنىڭ جەڭىمپازى مەدەت وڭداعانوۆتىڭ قولىنا ءتيدى. ول مۇز الاڭىن اينالىپ ءوتىپ الاۋقۇتىنى جاقتى. اقجايىققا الاۋ ەستافەتاسى كەلگەن كۇنى بيىلعى قىستا تۇڭ­عىش رەت اقشا قار جاۋىپ تۇرعىن­داردى قۋانىشقا كەنەلتتى. بۇل ول­اردىڭ كوپتەن كۇتىپ جۇرگەن قارى ەدى. يا, بۇل جاي ازيادا ەمەس, اق ازيادا عوي. ەندەشە, مۇنىڭ دا جەتى سانى سەكىلدى وتە جاقسى نى­شان ەكەنىنە تالاس بولماسا كەرەك. تەمىر قۇسايىن. باتىس قازاقستان وبلىسى. ––––––––––––––––––– سۋرەتتى تۇسىرگەن رافحات حالەلوۆ.