قاۋىپتى دەرتكە قارسى تاعى ءبىر امال

قوستانايدا ونكولوگيالىق ەمحانا اشىلدى. بۇرىن ەمحانا مەن ديسپانسەر ءبىر عيماراتتىڭ ىشىندە ورنالاسقاندىقتان, ناۋقاستارعا اسا قولايلى بولمايتىن. وندا دارىگەرلەر كۇنىنە 70 ادامنىڭ ورنىنا 300 ادامدى قابىلدايتىن. ەندى جاڭا ەمحانانىڭ قۋاتتى­لىعى دا وسىنشا ناۋقاستى قا­بىل­داۋعا لايىقتالدى. ەمحا­نانىڭ التى قاباتى دا زاماناۋ­ي مەديتسينالىق قۇرال-جاب­دىق­تارمەن جابدىقتالعان. ولار گەرمانيادان, جاپونيادان, رە­سەيدەن اكەلىندى. اراسىندا قازاق­ستاندىق جابدىقتار دا بار. ەمحانانىڭ جاڭا عيماراتى ونكولوگيالىق ديسپانسەرمەن جال­عاستىرىلعان. ءتىپتى, ەمحانانىڭ سىرتىنان اربادا وتىرعان, جالپى, ءجۇرۋى قيىن جانداردىڭ جوعارى قاباتتارعا كوتەرىلۋى ءۇشىن ارنايى كوتەرگىش تە سالىنعان. – جاڭا ەمحانادا ناۋقاستارعا ەمحا­نالىق قىزمەتتىڭ بارلى­عى كورسەتىلەدى. مۇندا ەندوسكو­پيالىق بولىمشە, وعان قوسا بار­لىق زەرتحانالار, ساۋلە دياگنوس­تيكاسى ءبولىمى ورنالاسقان. ناۋ­قاس­تارعا دا, دارىگەرلەرگە دە وتە قولايلى جاعداي جاسالعان, – دەيدى ەمحانانىڭ باس دارىگەرى ەلىك دوسجانوۆ. باس دارىگەردىڭ ايتۋىنشا, قوستاناي ءوڭىرى قاتەرلى اۋرۋعا شالدىققاندار سانى جونىنەن ەلىمىزدە الدىڭعى ورىنداردىڭ بىرىنەن سانالادى. «قازاقستاندا ونكولوگيالىق كومەكتى دامىتۋ» باعدارلاماسى ىسكە قوسىلعان 2012 جىلدان بەرى قوستاناي وبلىسىندا وبىردان وپات بولعاندار سانى ءار مىڭ ادامعا شاققاندا 109-دان 95,4 ادامعا دەيىن ازايدى. اۋرۋدىڭ باستاپقى ساتىسىندا انىقتالۋى سوڭعى بەس جىلدا 30 پايىزعا ارتتى. ال بەس جانە ودان دا كوپ جىل ءومىر سۇرەتىندەر سانى 49,6-دان 51,9 پايىزعا دەيىن ءوستى. وبلىستىق دەنساۋلىق ساقتاۋ باسقارماسىنىڭ مالىمەتىنە جۇگىنسەك, جىل سايىن 130 مىڭ ادام ونكولوگيالىق اۋرۋلارعا قارسى سكرينگتەن وتكىزىلەدى. وبلىس اكىمى ارحيمەد مۇحام­بەتوۆ جاڭا ونكولوگيالىق ەمحانانى ارالاپ كوردى. ول ەمحانا ۇجىمىمەن كەزدەسىپ, جاڭا قونىسقا قۇتتى بولسىن ايتتى. – ونكولوگيالىق ديسپانسەردى قارجىلاندىرۋ جىل سايىن جاقسارىپ كەلەدى. ەگەر 2012 جىلى وبلىستا دەنساۋلىق ساقتاۋدىڭ وسى سالاسىنا بيۋدجەتتەن 900 ميلليون تەڭگەدەن ءسال اساتىن قارجى بولىنسە, بيىل ول 2,5 ميلليارد تەڭگەگە جەتكىزىلدى, – دەدى ارحيمەد بەگەجان ۇلى. ايماق باسشىسى وبلىستىق دەنساۋلىق ساقتاۋ باسقارماسى باسشىسى مەن ەمحانانىڭ باس دارىگەرىنە وبلىس بويىنشا كادر ماسەلەسىن جاقسارتۋدى تاپسىردى. وبلىستىڭ كوپتەگەن اۋداندارىندا ونكولوگ دارىگەر جوق. ونكولوگيالىق جاڭا ەمحانا ادام ءومىرىن ۇزارتۋ مەن ساق­تاۋ جولىندا وبىرعا قارسى تاعى ءبىر امال ەكەنى ايقىن. ول ادام­داردىڭ ەرتە باستان كورىنىپ, پروفيلاكتيكالىق شارالاردى جۇزەگە اسىرۋىن قالىپتاستىرۋعا, «اۋرۋعا ەم ىزدەگەنشە, اۋىرمايتىن جول ىزدەۋىنە» دە قىزمەت ەتەتىن بولادى. ءنازيرا جارىمبەتوۆا, «ەگەمەن قازاقستان». قوستاناي.