فوتو: Molly Riley/White House/Global Look Press
كولۋمبيا وكرۋگىنىڭ پروكۋرورى جانين پيررونىڭ مالىمەتىنشە, 31 جاستاعى لوس-اندجەلەس تۇرعىنى كوۋل توماس اللەنگە اتىس قارۋىن زاڭسىز قولدانۋدىڭ ەكى ەپيزودى جانە فەدەرالدى وفيتسەرگە شابۋىل جاساۋ بابى بويىنشا ايىپ تاعىلعان. تەرگەۋ تاراپى ونىڭ ارەكەتى ادەيى جانە بارىنشا زيان كەلتىرۋگە باعىتتالعانىن اتاپ ءوتتى.
زەلەنسكي: ترامپ فاكتورى ۋكرايناعا تولىق قاۋىپسىزدىك كەپىلى بولا المايدى
كۇدىكتى Washington Hilton قوناقۇيىندەگى كۇزەت بەكەتىنەن ءوتىپ, شولاق مىلتىق, تاپانشا جانە بىرنەشە پىشاقپەن قارۋلانعان كۇيدە ىشكە كىرگەن. تەرگەۋ دەرەكتەرىنە سايكەس, قولدانىلعان قارۋلار 2023 جانە 2025 جىلدارى زاڭدى تۇردە ساتىپ الىنعان. قۇقىق قورعاۋ ورگاندارى ونىڭ جالعىز ارەكەت ەتكەنى تۋرالى نۇسقانى قاراستىرىپ وتىر.
ايتا كەتەيىك, وتكەن سەنبى كۇنى ۆاشينگتوندا وتكەن جۋرناليستەرگە ارنالعان كەش بارىسىندا اتىس داۋىسى ەستىلگەن بولاتىن. وقيعاعا بايلانىستى كۇدىكتى سول ساتتە ۇستالدى.
سوت پروتسەسى 27 ءساۋىر, دۇيسەنبى كۇنى وتەدى.
