الەۋمەتتىك جەلىلەردە deepfake تەحنولوگياسى ارقىلى ءبىر بانكتىڭ باسشىسىنىڭ بەينەسى قولدانىلعان جالعان بەينەروليك تارالىپ جاتىر. وندا ازاماتتارعا Halyk+ اتتى ينۆەستيتسيالىق پلاتفورما ارقىلى ءىرى كولەمدە تابىس تابۋ مۇمكىندىگى ۇسىنىلاتىنى ايتىلعان.
مينيسترلىك رەسمي تۇردە مۇنداي پلاتفورمانىڭ جوق ەكەنىن جانە تارالىپ جاتقان اقپاراتتىڭ تولىق جالعان ەكەنىن مالىمدەدى. مۇنداي الاياقتىق ارەكەتتەر ازاماتتاردىڭ قارجىسىن جوعالتۋىنا اكەلۋى مۇمكىن.
ساق بولىڭىز: الاياقتار مەديتسينا قىزمەتكەرى رەتىندە حابارلاسا باستادى
ۆەدومستۆونىڭ مالىمەتىنشە, بەلگىسىز ونلاين-پلاتفورمالار ارقىلى ينۆەستيتسيا سالۋ ۇسىنىستارى جوعارى تاۋەكەلمەن بايلانىستى. قارجىلىق وپەراتسيالاردى تەك بانكتەردىڭ رەسمي بولىمشەلەرىنە جەكە جۇگىنۋ ارقىلى جۇزەگە اسىرۋ ۇسىنىلادى.
ىشكى ىستەر مينيسترلىگى ازاماتتاردى:
- الەۋمەتتىك جەلىلەردەگى كۇماندى ۆيدەولار مەن جازبالارعا سەنبەۋگە;
- بەلگىسىز سىلتەمەلەرگە وتپەۋگە;
- جەكە دەرەكتەردى بوگدە تۇلعالارعا بەرمەۋگە;
- اقپاراتتى تەك رەسمي دەرەككوزدەردەن تەكسەرۋگە شاقىرادى.
مۇنداي ماتەريالدار انىقتالعان جاعدايدا نەمەسە الاياقتاردىڭ قۇربانى بولعان كەزدە, ازاماتتارعا دەرەۋ قۇقىق قورعاۋ ورگاندارىنا جۇگىنۋ ۇسىنىلادى.
«نەسيەڭىزدىڭ مارتەبەسى جاڭارتىلدى»: ۇلتتىق بانك الاياقتاردىڭ جاڭا ايلاسى تۋرالى ەسكەرتتى
