جوباعا قاتىسۋشىلار بارلىعى 40-تان استام پىكىر قالدىرىپ, ەشقايسى قولداۋ بىلدىرمەگەن. 22 پايدالانۋشى قارسى داۋىس بەرگەن.
مينيستر: زەينەتاقى شەگىنە قاتىستى وزگەرىستەر الداعى ايدا بەكىتىلۋى مۇمكىن
تالقىلاۋعا قاتىسۋشىلار قۇجاتتا شەكتەردى ەسەپتەۋ ادىستەمەسى مەن ناقتى وزگەرىستەر تولىق كورسەتىلمەگەنىن ايتىپ, بۇل قوعامدا اشىقتىققا قاتىستى سۇراق تۋعىزعانىن اتاپ ءوتتى. كەي ازاماتتار زەينەتاقى جۇيەسىندەگى تابىستىلىق ينفلياتسيادان تومەن ەكەنىن, ال وزگەرىستەر سالىمشىلارعا قوسىمشا اۋىرتپالىق تۇسىرەتىنىن ايتتى. سونداي-اق ەرەجەلەردىڭ كۇرت وزگەرۋى حالىقتىڭ سەنىمىنە كەرى اسەر ەتۋى مۇمكىن دەگەن پىكىرلەر ايتىلدى.
زەينەتاقى جيناقتارىن باسقارۋشى كومپانيالارعا قاتاڭ تالاپتار قويىلدى
الايدا ەڭبەك جانە حالىقتى الەۋمەتتىك قورعاۋ مينيسترلىگى بۇل وزگەرىستەر ۇزاق مەرزىمدى پەرسپەكتيۆادا زەينەتاقى جۇيەسىنىڭ تۇراقتىلىعىن قامتاماسىز ەتۋ ءۇشىن قاجەت ەكەنىن مالىمدەدى.
رەسمي دەرەككە سايكەس, سوڭعى بەس جىلدا حالىق بجزق-دان شامامەن 5 ترلن تەڭگە كولەمىندە قاراجاتتى مەرزىمىنەن بۇرىن العان. ونىڭ ىشىندە 20-35 جاس ارالىعىنداعى ازاماتتاردىڭ ۇلەسى شامامەن 1 ترلن تەڭگەنى قۇرايدى.
