جاھاندىق سەرپىلىس تۋدىرعان باستاما

مەملەكەتتىك حاتشى گۇلشارا ابدىقالىقوۆانىڭ تورايىمدىعىمەن سەمەي يادرولىق سىناق پوليگونىنىڭ جابىلۋىنىڭ 25 جىلدىعىنا ارنالعان «يادرولىق قارۋسىز الەم قالىپتاستىرۋ» اتتى حالىقارالىق كونفەرەنتسياعا دايىندىق ماسەلەلەرى جونىندە كەڭەس ءوتتى, دەپ حابارلادى قازاقستان پرەزيدەنتىنىڭ ءباسپاسوز قىزمەتى. كەڭەسكە پرەزيدەنت اكىمشىلىگى, ۇكىمەت, پارلامەنت سەناتىنىڭ اپپاراتى, ۋاكىلەتتى مەملەكەتتىك ورگاندار باسشىلىعىنىڭ وكىلدەرى قاتىستى. گ.ابدىقالىقوۆا مەملەكەت باس­­شىسىنىڭ العاشقى جارلىق­تارىنىڭ ءبىرى سەمەي يادرولىق سىناق پوليگونىن جابۋ تۋرالى شەشىم بولعانىن اتاپ ءوتتى. قازاقستان پرەزيدەنتى تاۋەل­سىز­دىكتىڭ 25 جىلى بويى جاھاندىق ياد­رولىق قارۋسىزدانۋ جانە ونى تاراتپاۋ ماسەلەلەرىنە ەرەكشە كوڭىل ءبولىپ كەلەدى. قازاقستان پرەزيدەنتىنىڭ بۇل سا­لاداعى باستامالارى 2016 جىل­عى 31 ناۋرىز بەن 1 ءساۋىر ارالىعىندا ۆاشينگتون قالاسىندا (اقش) وتكەن يادرولىق قاۋىپسىزدىك ءجونىن­دەگى سامميتتە جاھاندىق سەرپى­لىس تۋدىردى. مەملەكەت باسشى­سى «الەم. ءححى عاسىر» اتتى ماني­فەست جاريالاپ, ول بۇۇ باس اس­سامبلەياسىنىڭ جانە بۇۇ قاۋىپسىز­دىك كەڭەسىنىڭ رەسمي قۇجاتى مارتە­بەسىنە يە بولدى. قۇجاتتا بارشا ادام­زاتتىڭ مۇددەسىن قورعايتىن وزەك­تى تاقىرىپتار بويىنشا قازاق­ستاننىڭ ناقتى ۇستانىمى ايقىندالعان. سەمەي يادرولىق سىناق پوليگو­نىنىڭ جابىلۋىنا ارنالعان حالىق­ارالىق كونفەرەنتسيا قازاقستان تاۋەلسىزدىگىنىڭ 25 جىلدىعى اياسىن­دا وتەتىن بولادى. مەملەكەتتىك حاتشى كەڭەس قورى­تىندىسى بويىنشا مەملەكەتتىك ور­گاندارعا بىرقاتار تاپسىرما بەردى.