ورال. 5 ءساۋىر. بۇگىن باتىس قازاقستان وبلىسىنىڭ ورتالىعى – ورال قالاسىندا Volkswagen Passat B4 ماركىلى اۆتوموبيل ورتەنىپ كەتتى. بۇل تۋرالى zhaikpress.kz-كە سىلتەمە جاساعان egemen.kz ءتىلشىسى حابارلادى.
كەلەڭسىز وقيعا سارايشىق كوشەسىندەگى №11 مەكتەپ ايالداماسى ماڭىندا بولدى. ءورت ءسوندىرۋشىنىڭ ايتۋىنشا, يەسى كولىگىن جول جيەگىنە قويىپ, ءوزى باسقا جاقتا جۇرگەن كەزدە ءورت شىققان.
وقيعا ورنىنا تەز جەتكەن ءورت سوندىرۋشىلەر ارنايى كوبىك ارقىلى ءورتتى سوندىرگەنىمەن, كولىكتىڭ ءىشى قاس-قاعىم ساتتە تولىق جانىپ كەتتى. سالدارىنان اتالعان كوشەدە كولىك كەپتەلىسى تىركەلىپ, اكىمشىلىك پوليتسيا قىزمەتكەرلەرى جول قوزعالىسىن قالپىنا كەلتىرۋ جۇمىستارىن جۇرگىزۋگە ءماجبۇر بولدى.
ازىرگە ءورتتىڭ شىعۋ سەبەبى بەلگىسىز. قازىرگى تاڭدا ونى انىقتاۋ ءۇشىن ءتيىستى شارالار قولعا الىندى.
تەمىر قۇسايىن.
دەرەك: zhaikpress.kz.
فوتو: mgorod.kz.
