جوبانى ىسكە اسىرۋعا Kazakh Tourism Development كومپانياسى جاۋاپتى. كومپانيانىڭ باس اتقارۋشى ديرەكتورى ەرجان ەركىنباەۆ كۋرورتتا شامامەن 5000 جاڭا جۇمىس ورنى اشىلاتىنىن ايتتى. ونىڭ سوزىنشە, بۇل جوبا وڭىردەگى ءىرى جۇمىس بەرۋشىلەردىڭ بىرىنە اينالىپ, الماتى قالاسىندا شاعىن جانە ورتا بيزنەستىڭ دامۋىنا سەرپىن بەرەدى.
جوبا اياسىندا ءارتۇرلى دەڭگەيدەگى جالپى ۇزىندىعى 60 شاقىرىم بولاتىن شاڭعى تراسسالارىن سالۋ, سونداي-اق تاۋلىگىنە 10 مىڭنان استام ادامدى قابىلداي الاتىن 16 جاڭا بۋىندى اسپالى جول ىسكە قوسۋ كوزدەلگەن. بۇل ينفراقۇرىلىم كۋرورتتىڭ قولجەتىمدىلىگىن ارتتىرىپ, تۋريستىك اعىمدى جىل بويى تۇراقتاندىرۋعا مۇمكىندىك بەرەدى.
شىمبۇلاق پەن ەۋرازيانىڭ ايگىلى كۋرورتتارى جاسىل حارتياعا قول قويدى
تاۋ-شاڭعى كۋرورتىن دامىتۋ بارىسىندا ەكولوگيالىق تالاپتارعا ايرىقشا ءمان بەرىلەدى. ESG قاعيداتتارىنىڭ اشىق ساقتالۋى قامتاماسىز ەتىلىپ, كومىرقىشقىل گازىنىڭ شىعارىندىلارىن باقىلاۋ جۇيەسى ەنگىزىلەدى. جوبا اۋماعى ىلە-الاتاۋى مەملەكەتتىك ۇلتتىق تابيعي پاركى جەرىنىڭ شامامەن 1002 گەكتارىن, ياعني 0,5 پايىزدان كەم بولىگىن قامتيدى. سونىڭ ىشىندە 20 گەكتار اۋماقتا كۋرورتتىق اۋىل سالۋ جوسپارلانىپ وتىر.
وتاندىق تۋريزمگە سالىنعان ينۆەستيتسيالار كولەمى 1,2 ترلن تەڭگەدەن استى
ەرجان ەركىنباەۆتىڭ ايتۋىنشا, جوبا عىلىمي نەگىزگە سۇيەنە وتىرىپ جۇزەگە اسادى.
ء«بىز قۇرىلىس جۇرگىزىلەتىن اۋماقتا جەرگىلىكتى فلورا مەن فاۋناعا كەشەندى زەرتتەۋ جۇرگىزۋ ءۇشىن وتاندىق عىلىمي ينستيتۋتتارمەن تىعىز جۇمىس ىستەيمىز. باستى ۇستانىمىمىز – قۇرىلىستى جەدەل باستاۋ ەمەس, الدىمەن عىلىمي ساراپتامادان ءوتۋ. ماقساتىمىز كوك-جايلاۋ شاتقالىنىڭ تابيعاتىن بارىنشا ساقتاي وتىرىپ, ونى حالىققا قولجەتىمدى ەتۋ. مۇمكىندىگى شەكتەۋلى ازاماتتار, قارتتار مەن وتباسىلار بالالارىمەن بىرگە تۇمسا تابيعاتتى ەش كەدەرگىسىز تاماشالاي الۋى ءتيىس», دەدى ول.
كومپانيا باسشىسى Almaty Superski جوباسىن تەك تاۋ-شاڭعى كۋرورتى رەتىندە عانا ەمەس, تۋريزم مەن بۇقارالىق سپورتتى دامىتۋعا, ەكونوميكانىڭ جاڭا تىرەكتەرىن قالىپتاستىرۋعا باعىتتالعان كەشەندى باستاما رەتىندە باعالادى.
جوبا الماتى تاۋ كلاستەرىنىڭ وزەگىنە اينالىپ, قازاقستاننىڭ تاۋ ءتۋريزمى سالاسىندا حالىقارالىق دەڭگەيدە تانىلاتىن برەند قالىپتاستىرۋعا جول اشادى. بۇل ءوز كەزەگىندە ەلدىڭ جاھاندىق تۋريستىك نارىقتاعى بەدەلىن نىعايتۋعا مۇمكىندىك بەرەدى.
