ورگە باستار ون جىل

وسكەمەندە «بيزنەستىڭ جول كارتاسى–2020» باعدارلاماسىن ىسكە اسىرۋ ماسەلەلەرىنە ارنالعان رەسپۋبليكالىق كەڭەس بولىپ ءوتتى وبلىسقا كەلگەن پرەمەر-مي­نيستردىڭ ورىنباسارى ەربول ورىن­باەۆ بىردەن اتباسىن «ازيا اۆتو» اكتسيونەرلىك قوعامىنا بۇردى. مۇن­دا بۇل كۇندەرى زاۋىتتىڭ تەحنوپاركىن جاڭارتۋ جۇمىستارى قىزۋ ءجۇرىپ جاتىر. قازىردىڭ وزىندە شەتەل كولىكتەرىنىڭ وننان استام ءتۇرى شىعارىلىپ جاتىر. ە.ورىنباەۆ «بيزنەستىڭ جول كارتاسى-2020» بوي­ىنشا مۇندا قوسىمشا قارجى بولىنەتىنىن تىلگە تيەك ەتتى. بۇدان كەيىن قوناقتار «شىعىس» ماشينە جاساۋ زاۋىتى, شىعىس قازاقستان جىلىجاي كەشەنىندە بولىپ, ات­قارىلىپ جاتقان ىستەرمەن تانىستى. ودان كەيىن د. سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ «ىرگەتاس» ينجەنەرلىك لابوراتوريا­سىنىڭ تۇساۋكەسەرىنە قاتىستى. شقمتۋ-ءدىڭ «التاي» اتتى تەحنوپاركىندە وتكەن ەلىمىزدەگى ىرگەلى كاسىپورىنداردىڭ كورمەسىنە كاسىپ­ورىن­دار شىعاراتىن بۇيىمدار قويىلعان. ە.ورىنباەۆ باستاعان توپ وڭتۇستىك قازاقستان وبلىسى, جامبىل, قاراعاندى, پاۆلودار, ماڭعىستاۋ, اتىراۋ, باسقا دا وڭىرلەردىڭ شىعاراتىن تاۋارلارىن قىزىعا تاماشالادى. كورمەنى ارالاپ بولعان سوڭ, ۆيتسە-پرەمەر, اقپارات قۇرالدارىنىڭ وكىلدەرىنە سۇحبات بەردى. «بيزنەستىڭ جول كارتاسى-2020» باعدارلاماسىن ىسكە اسىرۋعا ارنال­عان رەسپۋبليكالىق كەڭەس جۇمى­سىنا مۇددەلى مينيسترلىكتەردىڭ, وبلىستار مەن الماتى قالالارى اكىمدىكتەرىنىڭ, «دامۋ» كاسىپ­كەر­لىكتى دامىتۋ قورىنىڭ, قازاقستان قارجىگەرلەرى قاۋىمداستىعىنىڭ, «قازاقستان كاسىپكەرلەرى فورۋمى», «اتامەكەن» وداعى» بىرلەستىكتەرى­نىڭ, بانكتەر جانە باسقا دا قۇرى­لىمدارىنىڭ وكىلدەرى قاتىستى. كەڭەستى ەكونوميكالىق دامۋ جانە ساۋدا ءمينيسترى جانار ايتجانوۆا اشىپ, كەڭەستە تالقىلاناتىن ماسە­لەلەرگە توقتالا كەتتى. اتاپ ايتقاندا, «بيزنەستىڭ جول كار­تاسى-2020» باعدارلاماسى وتكەن جىلدىڭ ءساۋىر ايىندا باستالىپ, ول جاڭا بيزنەس باستامالارىن قولداۋ, كاسىپكەرلىك سەكتورىن جانداندىرۋ, ەكسپورتقا باعىتتالعان وندىرىستەردى قولداۋ ءۇش باعىتىندا جۇرگىزىلگەن. شىعىس قازاقستان وبلىسى بۇل باعدارلامانى جۇزەگە اسىرۋدا كوش باستاپ كەلەدى. اتالعان ءۇش باعىت بويىنشا كەندى التايعا 17 تاپسىرىسقا سۋبسيديا ءبولىنىپ, 18,9 ملرد. تەڭگە كولەمىندە نەسيە بەرىلمەك. ال بۇل قارجى ماشينە جاساۋ, قاعاز ءوندىرىسى, ەلەكتر قوندىر­عىلارى, دەنساۋلىق ساقتاۋ جانە باسقا سالالار بويىنشا جۇزەگە اسىرىلماق. بۇل جايلى ءوڭىر باسشىسى بەردىبەك ساپارباەۆ ايتا كەلىپ, ەلباسى ن.نازارباەۆتىڭ قامقورلىعى ناتيجەسىندە وتكەن ەكى جىل ىشىندە «جول كارتاسى» بويىنشا ەلىمىزدە مىڭداعان جوبالار جۇزەگە اسىرىلىپ, ونداعان مىڭ جۇمىس ورنى اشىلعانى جايلى حاباردار ەتتى. پرەمەر-ءمينيستردىڭ ورىنبا­سارى ە.ورىنباەۆ اتالمىش باع­دار­لامانىڭ بولاشاعى زور ەكەنىنە توقتالدى. ەلىمىزدىڭ ەكونوميكاسىن ورگە باستىرار ون جىلدا بارلىق اي­ماقتاردا كۇشتى كاسىپورىندار مەن قۋاتتاردىڭ ىسكە قوسىلاتىنى, ولاردا ونداعان مىڭ جۇمىس ورىن­دا­رىنىڭ اشىلاتىنى نازاردا بولدى. وڭداسىن ەلۋباي. شىعىس قازاقستان وبلىسى.