زاڭ وندىرىسكە الىندى

كەشە كونستيتۋتسيالىق كەڭەس پرەزيدەنت نۇرسۇلتان نازار­باەۆ­تىڭ اتا زاڭعا وزگەرىستەر مەن تولىقتىرۋلار ەنگىزۋ جونىندەگى پارلامەنت قابىلداعان زاڭنىڭ كونستيتۋتسياعا سايكەستىگىن قاراۋ تۋرالى ءوتىنىشىن وندىرىسكە الدى. كونستيتۋتسيالىق كەڭەس مۇشە­لە­رىنىڭ وتىرىسىن توراعانىڭ ءمىن­دەتىن اتقارۋشى نيكولاي بەلورۋكوۆ اشىپ, جۇرگىزىپ وتىردى. كونس­تيتۋتسيالىق كەڭەسكە ۇندەۋ­لەر مەن قارارلاردىڭ ءتۇسۋ, قارا­لۋ ءتارتىبى, قاجەتتى قۇجاتتاردىڭ ءتىزىلىمى, تالاپ ەتىلەتىن فورماسى مەن مازمۇنى جانە وندىرىسكە قا­بىلداۋ قاجەت­تى­لىگى تۋرالى بايان­دا­مانى كونستي­تۋتسيالىق كەڭەس­تىڭ مۇشەسى ۆيكتور مالينوۆسكي جاسادى. ءسوزىن قو­رىتا كەلگەندە ول پرەزيدەنت نۇر­سۇل­تان نازار­باەۆتىڭ ءوتىنىشى كونس­تيتۋتسيالىق كەڭەستىڭ قاراۋىنا تولىق سايكەس ەكەنىن اتاپ ءوتتى. وسىدان كەيىن ەلباسى نۇرسۇلتان نازارباەۆتىڭ 14 قاڭتاردا تۇسكەن ءوتىنىشىن قا­راستىرۋ ءۇشىن كەڭەس ءۇزىلىس جاريالاپ, جابىق وتىرىسقا كەتتى. كونستيتۋتسياعا ەنگىزىلگەن ءوز­گە­رىستەر مەن تولىقتىرۋلاردى قا­راستىرعان وسى زاڭ پارلامەنت پا­لاتالارىنىڭ بىرلەسكەن وتىرى­سىندا ءبىراۋىزدان قابىلدانىپ, پرەزيدەنت نۇرسۇلتان نازار­باەۆ­تىڭ قول قويۋىنا ۇسىنىلعان بو­ل­ا­تىن. ول تۇڭعىش پرەزيدەنت ن.نا­زارباەۆتىڭ پرەزيدەنتتىك وكى­لەت­تىگىن رەفەرەندۋم ارقىلى ۇزار­تۋ مۇمكىنشىلىگىن كوزدەيدى. ەل­باسى بۇل زاڭعا بىردەن قول قوي­ماي, ونىڭ كونستيتۋتسياعا ءساي­كەس­تىگىن قاراس­تىرۋ ءۇشىن كونس­تي­تۋتسيالىق كە­ڭەس­تىڭ قاراۋىنا جىبەرگەن ەكەن. جابىق وتىرىستان سوڭ كونس­تيتۋتسيالىق كەڭەستىڭ بارلىق ءمۇ­شەلەرى قول قويعان قاۋلىنى جي­نالعان ساراپشىلار مەن مامان­دار­دىڭ جانە باق وكىلدەرىنىڭ ال­دىن­دا توراعانىڭ مىندەتىن ات­قارۋشى نيكولاي بەلورۋكوۆ جا­ريا­لادى. ول پرەزيدەنت ن.نا­زارباەۆتىڭ اتا زاڭعا وزگەرىستەر مەن تولىقتىرۋلار ەنگىزۋ ءجو­نىندەگى زاڭنىڭ كونستي­تۋ­تسياعا سايكەستىگىن قاراستىرۋ ءجو­نىندەگى ءوتىنىشىنىڭ ءبىراۋىزدان كونستي­تۋ­تسيالىق وندىرىسكە قابىل­دان­عانىن ايتتى. ءبىز اتا زاڭنىڭ 72-بابى 2-تارماعى 1-تارماقشا­سى­نىڭ جانە كونستيتۋتسيالىق كەڭەس جونىندەگى كونستيتۋتسيالىق زاڭنىڭ 22 جانە 25-باپتارىن باسشىلىققا الا وتىرىپ, وسىنداي قاۋلى قا­بىلدادىق, دەدى ول. كونستيتۋتسيالىق كەڭەس مۇن­داي ءوندىرىستى زاڭ بويىنشا ءبىر اي مەرزىمىندە قاراپ, شەشىم شىعارادى. بىراق زاڭنىڭ وزەك­تىلىگى مەن قو­عامدىق-ساياسي تۇر­عىدان ماڭىزدى­لىعىن ەسكەرىپ, ونى بۇل مەرزىمنەن ەرتەرەك قا­راستىرىپ, شەشىم قا­بىلداۋى مۇمكىن, دەدى توراعانىڭ مىندەتىن اتقارۋشى. قازىردىڭ وزىندە مەملەكەتتىك ورگانداردىڭ وكىلدەرى اراسىنان كونستيتۋتسيالىق ءوندىرىستى ءجۇر­گى­زۋگە قاتىسۋشىلار توبىن اي­قىن­داۋ, سونداي-اق قاجەتتى قۇجاتتار مەن وزگە دە ماتەريالداردى جي­ناقتاۋ مەن زەردەلەۋ جونىندەگى دايىندىق جۇمىستارى باستالىپ كەتكەنى بەلگىلى بولدى. بۇل ىسكە ءارتۇرلى پىكىردەگى مامانداردىڭ كەڭىنەن قاتىسۋى قامتاماسىز ەتىلىپ, ولاردىڭ ۇسى­نىستارىنىڭ تو­لىققاندى تال­دانۋ­ىن قامتاماسىز ەتۋ ماقساتىندا وتاندىق جانە شەتەلدىك بىلىكتى سا­راپشىلار قاتىساتىن بولادى. جاقسىباي سامرات.