ميسسياسىنىڭ اياقتالۋىنا وراي قابىلدادى

كەشە قازاقستان پارلامەنتى سەناتىنىڭ توراعاسى قاسىم-جومارت توقاەۆ برازيليانىڭ ەلشىسى فرەدەريكو س.دۋكە ەسترادا مەيەردى ونىڭ ءبىزدىڭ ەلىمىزدەگى ديپلوماتيالىق ميسسياسىنىڭ اياقتالۋىنا بايلانىستى قابىلدادى, دەپ حابارلادى پارلامەنت سەناتىنىڭ ءباسپاسوز قىزمەتى. ق.توقاەۆ ەكى ەل اراسىنداعى قاتىناستاردى نىعايتۋعا قوسقان قوماقتى ۇلەسى ءۇشىن ديپلوماتقا العىس ايتتى. «قازاقستان مەن برا­زيليا قارىم-قاتىناستارى تۇسىنىستىك پەن ءوزارا سەنىمگە نەگىزدەلگەن. بۇگىندە قازاقستان مەن برازيليا ارىپتەس ەلدەر بولىپ تابىلادى», – دەدى سەنات ءتور­اعا­سى جانە «قازاقستان مەن برازيليا پرەزيدەنتتەرى مەملەكەتتىك ساپارلارىنىڭ ەكىجاقتى ىنتى­ماق­تاستىقتىڭ باسىم باعىتتارىن بەلگىلەۋدە ايرىقشا ءمانى بار, بۇل قا­تىناستار ساۋدا-ەكونوميكالىق جانە گۋمانيتارلىق بايلانىس­تار­دى كەڭەيتۋگە ىقپال ەتتى», – دەدى ق.توقاەۆ. ق.توقاەۆتىڭ پىكىرىنشە, ەكى ەل پارلامەنتتەرى اراسىنداعى بايلا­نىس­تاردى بەلسەندىلەندىرۋ ساياسي ءۇن­قاتىسۋدىڭ ماڭىزدى بولىگى بولادى. كەزدەسۋ بارىسىندا ق.توقاەۆ تاسقىن سۋ وقيعالارىنا وراي برازيليا حالقىنا جانە قازا بول­عاندار مەن زارداپ شەككەندەردىڭ وتباسىلارىنا كوڭىل ايتتى.