قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى №131

2015 جىلعى 23 اقپان,  استانا قالاسى جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋعا بەرۋ جانە پايدالانۋ قاعيدالارىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭى 18-بابىنىڭ 9) تارماقشاسىنا سايكەس بۇيىرامىن: 1. قوسا بەرىلىپ وتىرعان جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋعا بەرۋ جانە پايدالانۋ قاعيدالارى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ مۇناي-گاز كەشەنىندەگى ەكولوگيالىق رەتتەۋ, باقىلاۋ جانە مەملەكەتتىك ينسپەكتسيا كوميتەتى زاڭنامادا بەلگىلەنگەن تارتىپپەن: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) قازاقستان رەسپۋبليكاسىنىڭ ادىلەت مينيسترلىگىندە ونىڭ مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە وسى بۇيرىقتى رەسمي جاريالاۋعا «ادىلەت» اقپاراتتىق قۇقىقتىق جۇيەسىنە, سونىمەن بىرگە مەرزىمدى باسپا باسىلىمدارىنا جولدانۋىن; 3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق ونىڭ العاش رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ەنەرگەتيكا ءمينيسترى ۆ.شكولنيك. «كەلىسىلگەن» قازاقستان رەسپۋبليكاسى اۋىل شارۋاشىلىعى ءمينيسترى _________ا. مامىتبەكوۆ 2015 جىلعى 18 ناۋرىز «كەلىسىلگەن» قازاقستان رەسپۋبليكاسى قورعانىس ءمينيسترى _________ي.تاسماعامبەتوۆ. 2015 جىلعى 30 ناۋرىز «كەلىسىلگەن» قازاقستان رەسپۋبليكاسى ىشكى ىستەر ءمينيسترى _________ق.قاسىموۆ 2015 جىلعى 4 ناۋرىز «كەلىسىلگەن» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ م.ا _________ج.قاسىمبەك 2015 جىلعى 24 اقپان «كەلىسىلگەن» قازاقستان رەسپۋبليكاسى ۇلتتىق ەكونوميكا ءمينيسترىنىڭ م.ا. _________م.قۇسايىنوۆ 2015 جىلعى 26 ناۋرىز «كەلىسىلگەن» قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى _________ن.ابىقاەۆ 2015 جىلعى 11 ناۋرىز قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 23 اقپانداعى № 131 بۇيرىعىمەن بەكىتىلگەن جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋعا بەرۋ جانە پايدالانۋ قاعيداسى 1. جالپى ەرەجەلەر 1. وسى جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋعا بەرۋ جانە پايدالانۋ قاعيداسى (بۇدان ءارى – قاعيدا) قازاقستان رەسپۋبليكاسىنىڭ «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى, «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى, «ساۋدا ماقساتىندا تەڭىزدە ءجۇزۋ تۋرالى» 2002 جىلعى 17 قاڭتارداعى, «جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ تۋرالى» 2004 جىلعى 9 شىلدەدەگى, «تەحنيكالىق رەتتەۋ تۋرالى» 2004 جىلعى 9 قاراشاداعى, «قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى, «ازاماتتىق قورعاۋ تۋرالى» 2014 جىلعى 11 ساۋىردەگى زاڭدارىنا, قازاقستان رەسپۋبليكاسىنىڭ ەكولوگيالىق جانە سۋ كودەكستەرىنە سايكەس ازىرلەندى. 2. قاعيدا جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق تەڭىزدە جۇرگىزىلەتىن مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋ جانە قولدانۋ ءتارتىبىن ايقىندايدى. 3. وسى قاعيدادا پايدالانىلاتىن نەگىزگى ۇعىمدار: 1) جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى ۋاكiلەتتi مەملەكەتتىك ورگان - جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى باسشىلىقتى, سونداي-اق ءوز وكىلەتتىكتەرى شەگىندە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان; 2) جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق تەڭىزدەگى مۇناي وپەراتسيالارىمەن بايلانىستى وزگە دە وبەكتىلەردى قۇرۋعا, پايدالانۋعا بەرۋگە جانە پايدالانۋعا رۇقسات - بەلگىلى ءبىر ۋچاسكە شەگىندە ءوتىنىش بەرۋشىگە ونىڭ جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق تەڭىزدەگى مۇناي وپەراتسيالارىمەن بايلانىستى وزگە دە وبەكتىلەردى قۇرۋعا, پايدالانۋعا بەرۋگە جانە پايدالانۋعا نيەتىن ىسكە اسىرۋ قۇقىعىن بەرەتىن قۇزىرەتتى ورگاننىڭ رۇقساتى; 3) جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى - جۇزبەلى جابدىقتى (جۇزبەلى بۇرعىلاۋ قوندىرعىسىن) قۇرۋ جونىندەگى جۇمىستاردى ورىنداۋعا ارنالعان مەردىگەرلىك شارتىن جاساعان جەكە, زاڭدى تۇلعا نەمەسە بىرلەستىك (كونسورتسيۋم), قۇرىلىپ جاتقان كەمەنىڭ يەسى; 4) قورعانىس سالاسىنداعى ۋاكىلەتتى ورگان-قورعانىس سالاسىنداعى مەملەكەتتىك ساياساتتى جۇزەگە اسىراتىن ورتالىق اتقارۋشى ورگان; 5) قورشاعان ورتانى قورعاۋ سالاسىنداعى ۋاكiلەتتi ورگان - قورشاعان ورتانى قورعاۋ جانە تابيعات پايدالانۋ سالاسىنداعى باسشىلىقتى جانە سالاارالىق ۇيلەستiرۋدi جۇزەگە اسىراتىن ورتالىق اتقارۋشى ورگان, سونداي-اق ونىڭ اۋماقتىق ورگاندارى; 6) قۇزىرەتتى ورگان - مۇناي جانە گاز سالاسىنداعى ۋاكىلەتتى ورگان; 7) مەملەكەتتىك شەكارانى قورعاۋدى قامتاماسىز ەتۋ سالاسىنداعى ۋاكىلەتتى ورگان - قازاقستان رەسپۋبليكاسىنىڭ «قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى زاڭىنا سايكەس قازاقستان رەسپۋبليكاسىنىڭ مەملەكەتتىك شەكاراسىن قورعاۋدى جانە كۇزەتۋدى جۇزەگە اسىراتىن مەملەكەتتىك ورگان; 8) مەردىگەر - تەڭىز قۇرىلىستارىن قۇرۋ جانە ولاردى قولدانۋ پروتسەسى كەزىندە تەحنيكالىق الىپ ءجۇرۋ جونىندەگى جۇمىستاردى ورىنداۋعا ارنالعان مەردىگەرلىك شارتىنا سايكەس جەر قويناۋىن پايدالانۋشى تارتقان جەكە نەمەسە زاڭدى تۇلعا; 9) ونەركاسىپتىك قاۋىپسىزدىك سالاسىنداعى ۋاكىلەتتى ورگان - ونەركاسىپتىك قاۋىپسىزدىك سالاسىندا باسشىلىقتى جانە سالاارالىق ۇيلەستىرۋدى, مەملەكەتتىك ساياساتتى ازىرلەۋدى جانە ىسكە اسىرۋدى جۇزەگە اسىراتىن ورتالىق اتقارۋشى ورگان; 10) ءوتىنىش بەرۋشى - تەڭىز قۇرىلىستارىن سالۋعا نەمەسە ورنالاستىرۋعا رۇقساتىن الۋ ءۇشىن قۇزىرەتتى ورگانعا ءوتىنىش بەرەتىن تۇلعا; 11) تەڭىز قۇرىلىستارىن پايدالانۋ - تەڭىز قۇرىلىستارىن ماقساتى بويىنشا پايدالانۋ ءۇشىن تەحنيكالىق شارالار جيىنتىعى; 12) سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ سالاسىنداعى ۋاكىلەتتى ورگان - ەلدى مەكەندەر شەگىنەن تىس جەرلەردە سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ سالاسىنداعى باسقارۋ مەن باقىلاۋ فۋنكتسيالارىن جۇزەگە اسىراتىن مەملەكەتتىك ورگان; 13) تەڭىز قۇرىلىستارى - جاساندى ارالداردى, بوگەتتەردى, قوندىرعىلاردى, تەڭىزدە مۇناي وپەراتسيالارىن جۇرگىزۋگە ارنالعان جىلجىمايتىن جانە جۇزبەلى جابدىقتى قوسا العاندا, تەڭىزدە بولاتىن قولدان جاسالعان قۇرىلىستار; 14) تەڭىز قۇرىلىستارىن سالۋ (قۇرۋ) - تەڭىز قۇرىلىستارىنىڭ جاڭالارىن جوبالاۋ (تۇرعىزۋ) جانە (نەمەسە) قولدانىستاعىلارىن وزگەرتۋ (كونسترۋكتسيالاردى كەڭەيتۋ جانە قۇراستىرمالارىن وزگەرتۋ) جونىندەگى قىزمەت. قاعيدادا قولدانىلاتىن وزگە ۇعىمدار «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى زاڭىنداپايدالانىلاتىن ۇعىمدارعا سايكەس كەلەدى. 2. جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋعا بەرۋ جانە پايدالانۋ ءتارتىبى پاراگراف 1. تەڭىز قۇرىلىستارىن قۇرۋ, پايدالانۋ جانە قولدانۋ ءۇشىن رۇقساتتاردى الۋ 4. ءوتىنىش بەرۋشى وسى قاعيداعا 1-قوسىمشاعا سايكەس نىسان بويىنشا بەرىلەتىن جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق تەڭىزدەگى مۇناي وپەراتسيالارىمەن بايلانىستى وزگە دە وبەكتىلەردى قۇرۋعا, پايدالانۋعا بەرۋگە جانە پايدالانۋعا رۇقسات (بۇدان ءارى - رۇقسات) الۋ ءۇشىن قۇزىرەتتى ورگانعا: 1) وسى قاعيداعا 2-قوسىمشاعا سايكەس نىسان بويىنشا جەر قويناۋىن پايدالانۋشىنىڭ نەمەسە جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشىنىڭ قولى قويىلعان رۇقسات الۋعا ءوتىنىشتى (بۇدان ءارى - ءوتىنىش); 2) وسى قاعيداعا 3-قوسىمشاعا سايكەس مالىمەتتەر نىسانىن جولدايدى. 5. ءوتىنىش بەرۋشى وسى قاعيدانىڭ 4-تارماعىندا كوزدەلگەن مالىمەتتەردى تولىق بەرمەگەن جاعدايدا, قۇزىرەتتى ورگان ءۇش جۇمىس كۇنى ىشىندە ءوتىنىشتى قاراماستان كەرى قايتارادى. جەتىسپەگەن مالىمەتتەر قوسا بەرىلگەن ءوتىنىشتى قاراۋ مەرزىمى قۇزىرەتتى ورگان ءوتىنىش بەرۋشىنىڭ قايتادان بەرىلگەن ءوتىنىشىن العان ساتتەن باستاپ ەسەپتەلەدى. 6. قۇزىرەتتى ورگان مالىمەت نىسانى قوسا بەرىلگەن ءوتىنىشتى العاننان كەيىن ءتورت جۇمىس كۇنى ىشىندە ولاردى قورعانىس, مەملەكەتتىك شەكارانى قورعاۋدى قامتاماسىز ەتۋ, سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ جانە جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى ۋاكىلەتتى ورگاندارعا جىبەرەدى, ولار جەتى جۇمىس كۇنى ىشىندە تەڭىز قۇرىلىسىن كورسەتىلگەن گەوگرافيالىق كوورديناتالارى اۋدانىندا سالۋدىڭ نەمەسە ورنالاستىرۋدىڭ مۇمكىندىگىن نەمەسە مۇمكىن ەمەستىگىن كەلىسەدى. 7. قۇزىرەتتى ورگان وسى قاعيدانىڭ 6-تارماعىندا كوزدەلگەن ۋاكىلەتتى ورگانداردىڭ جاۋاپتارىن العاننان كەيىن ءتورت جۇمىس كۇنى ىشىندە ءوتىنىشتى قاراپ, رۇقسات بەرەدى نەمەسە ونى بەرۋدەن باس تارتادى. 8. قۇزىرەتتى ورگان وسى قاعيدانىڭ 6-تارماعىندا كوزدەلگەن ۋاكىلەتتى ورگانداردىڭ بىرەۋىنىڭ تەرىس جاۋابى بولسا, سونداي-اق پايدالانۋشى نەمەسە جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى دايەكسىز مالiمەتتەردى قامتيتىن قۇجاتتاردى ۇسىنعان جاعدايدا رۇقسات بەرۋدەن باس تارتادى. ەسكەرتۋلەردى (بولعان جاعدايدا) الىپ تاستاعاننان كەيىن رۇقساتتى الۋ وسى قاعيدانىڭ 5, 6, 7-تارماقتارىنا سايكەس جۇزەگە اسىرىلادى. 9. جەر قويناۋىن پايدالانۋشى (مەردىگەر) نەمەسە جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى قايتا ۇيىمداستىرىلعان جانە (نەمەسە) اتاۋى وزگەرگەن جاعدايدا مەملەكەتتىك تىركەۋ (قايتا تىركەۋ) تۋرالى انىقتامانى العان ساتتەن باستاپ ءبىر اي مەرزىم ىشىندە كورسەتىلگەن مالىمەتتەردى راستايتىن ءتيىستى قۇجاتتاردىڭ كوشىرمەسىمەسىن قوسا رۇقساتتى قايتا رەسىمدەۋ تۋرالى ەركىن تۇردە ءوتىنىش بەرەدى. قۇزىرەتتى ورگان جەر قويناۋىن پايدالانۋشى (مەردىگەر) نەمەسە جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى ءتيىستى ءوتىنىشىن جولداعان كۇننەن باستاپ ون جۇمىس كۇنى ىشىندە وسى قاعيدانىڭ 6-تارماعىندا قاراستىرىلعان شارانى ساقتاماي-اق رۇقساتتى قايتا رەسىمدەيدى. پاراگراف 2. تەڭىزدەگى مۇناي وپەراتسيالارىمەن بايلانىستى تەڭىز قۇرىلىستارىن جوبالاۋ 10. تەڭىز قۇرىلىستارىن جوبالاۋ كەزىندە وسى قاعيدانىڭ 1-تارماعىندا كورسەتىلگەن قازاقستان رەسپۋبليكاسىنىڭ زاڭنامالارى ساقتالادى. 11. تەڭىز قۇرىلىستارىن جوبالاۋ جەر قويناۋىن پايدالانۋشىلاردىڭ (مەردىگەرلەردىڭ) باستاماسى بويىنشا جانە قارجىسى ەسەبىنەن جەر قويناۋىن پايدالانۋعا ارنالعان كەلىسىمشارتتىڭ شەڭبەرىندە جۇزەگە اسىرىلادى. بەلگىسىز تۇلعالار شەڭبەرى, سونىمەن بىرگە جەر قويناۋىن پايدالانۋشىلار قولدانۋ ءۇشىن ارنالعان تەڭىز قۇرىلىستارىن - جۇزبەلى جابدىقتى (جۇزبەلى بۇرعىلاۋ قوندىرعىسىن) جوبالاۋ جەر قويناۋىن پايدالانۋعا ارنالعان كەلىسىمشارتسىز, ازاماتتىق-قۇقىقتىق كەلىسىم نەگىزىندە جۇزەگە اسىرىلادى. 12. سالۋعا نەمەسە ورنالاستىرۋعا جاتاتىن تەڭىز قۇرىلىسىن ورنالاستىرۋ ورنىن تاڭداۋ تەڭىز قۇرىلىسىن قاۋىپسىز سالۋدى جانە پايدالانۋدى قامتاماسىز ەتۋ ماقساتىندا تەڭىز ءتۇبى ۋچاسكەسىنە تولىق گەوتەحنيكالىق زەردەلەۋ جۇرگىزىلگەننەن كەيىن جۇزەگە اسىرىلادى. 13. تەڭىز قۇرىلىسىن سالۋعا ارنالعان ۋچاسكەنى زەردەلەۋ كەزىندە جەر قويناۋىن پايدالانۋشى (مەردىگەر) مىنالاردى جۇزەگە اسىرادى: 1) قۇبىرجولداردىڭ, كابىلدىڭ جانە باسقا دا وبەكتىلەردىڭ بار-جوعىن زەرتتەۋ; 2) جوسپارلانىپ وتىرعان قاۋىپسىزدىك دارەجەسىنە سايكەس تەڭىز قۇرىلىسىن جوبالاۋ ءۇشىن قاجەتتى تەڭىز ءتۇبىنىڭ جاعدايى تۋرالى ينجەنەرلىك-گەولوگيالىق دەرەكتەر; 3) تەڭىز قۇرىلىسىن ورنالاستىرۋ ورنىن تاڭداۋدى قامتاماسىز ەتۋ بەلگىلەنگەن, اسىرەسە كەمە جايعا كىرەبەرىستەردەگى بەلگىلەنگەن ناۆيگاتسيالىق جولداردان, سونداي-اق ءداستۇرلى بالىق اۋلاۋ ورىندارىنان, ءوسiمiن مولايتۋ, جايىپ سەمىرتۋ جانە بالىقتاردىڭ ءورىس اۋدارۋى ءۇشىن اسا باعالى ۋچاسكەلەرىنەن جانە بالىق شارۋاشىلىعى ءۇشىن اسا باعالى ماڭىزى بار باسقا سۋ جانۋارلارىنان تىس جەردە جۇرگىزۋ. 14. جۇمىس جوبالارى ساۋلەت, قالا قۇرىلىسى جانە قۇرىلىس قىزمەتى سالاسىنداعى قازاقستان رەسپۋبليكاسىنىڭ زاڭناماسىندابەلگىلەنگەن تارتىپپەن كەلىسىلەدى, بەكىتىلەدى جانە مەملەكەتتىك ساراپتامادان وتەدى. 15. تەڭىز قۇرىلىستارىن سالۋدى نەمەسە قايتا جاڭارتۋدى جوبالاۋ الدىندا قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى زاڭناماسىنا سايكەس ينجەنەرلىك (ينجەنەرلىك-گيدروگرافيالىق, گەودەزيالىق, گەولوگيالىق, گيدرومەتەورولوگيالىق) ىزدەنىستەر جۇرگىزىلەدى. 16. ينجەنەرلىك ىزدەنىستەر ناتيجەلەرى جۇمىس جوبالارىندا قابىلداناتىن شەشىمدەردى نەگىزدەۋ ءۇشىن جانە جۇمىستاردى جوبالاۋدى, قاۋىپسىز جانە ساپالى جۇرگىزۋدى ۇيىمداستىرۋ ءۇشىن قولدانىلادى. 17. جوبالاۋ قۇجاتتاماسىنىڭ قۇرامىنا مىنالار كىرەدى: 1) قورشاعان تابيعي ورتانىڭ جاي-كۇيىن جوبالاۋ الدىنداعى (بازالىق) باعالاۋ; 2) تەڭىز قۇرىلىسىن سالۋعا جوسپارلانعان قورشاعان تابيعي ورتاعا اسەرىن باعالاۋ قازاقستان رەسپۋبليكاسىنىڭ زاڭناماسىندا كوزدەلگەن قالا قۇرىلىسى جانە قۇرىلىستى جوبالاۋ ساتىلارىن ەسكەرە وتىرىپ, دايەكتى تۇردە جۇزەگە اسىرىلادى; 3) ىقتيمال داعدارىستى (اۆاريالىق) جاعدايلاردى تالداۋ, ولاردىڭ الدىن الۋ جانە جۇمىس ىستەيتىن پەرسونال مەن تەڭىزدە مۇناي وپەراتسيالارىن جۇرگىزۋگە بايلانىستى تەڭىز قۇرىلىستارىنداعى اۆاريالىق (ىقتيمال داعدارىستى) اسەر ەتۋ ايماعىندا تۇراتىن تۇرعىنداردى قورعاۋ جونىندەگى ءىس-شارالار; 4) كەلەڭسىز سالداردىڭ الدىن الۋ جونىندەگى شارالاردى (تابيعي ەكولوگيالىق جۇيەلەر مەن بيورەسۋرستاردى قوسا العانداعى تابيعات رەسۋرستارىنىڭ جويىلۋى, توزۋ, زاقىمدانۋى جانە تاۋسىلۋى) قوسا العاندا, تابيعاتتى قورعاۋ شارالارىنىڭ كەشەنى بويىنشا ۇسىنىستارى, ۇڭعىمانى باقىلاۋعا الۋى, سۋ قويمالارىنىڭ بيورەسۋرستارىنا جاسالعان زارداپتارىنىڭ ورنىن تولتىرۋى; 5) ونەركاسىپ قاۋىپسىزدىگى, ءورت قاۋىپسىزدىگىن قامتاماسىز ەتۋ, وندىرىستىك سانيتاريا جانە جۇمىس ىستەۋشى پەرسونالدىڭ ەڭبەگىن قورعاۋ, سونداي-اق تەڭىزدەگى اۆاريالار مەن ولاردىڭ سالدارىن جويۋعا مامانداندىرىلعان وزگە دە ۇيىمداردى تارتۋ ماسەلەلەرى; 6) قاعيدانىڭ 13-تارماعىنا سايكەس تەڭىز قۇرىلىسىن سالۋعا ارنالعان ۋچاسكەنى زەرتتەۋ ناتيجەلەرى. 18. جەر قويناۋىن پايدالانۋشى (مەردىگەر) نەمەسە جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى تەڭىز قۇرىلىسىن سالۋدى (مونتاجداۋدى) جانە پايدالانۋدى جۇزەگە اسىرعانعا دەيىن حالىقتى حاباردار ەتۋدى جانە قوعامدىق پىكىردى ەسەپكە الۋدى قازاقستان رەسپۋبليكاسى ەكولوگيالىق زاڭناماسىنىڭ تالاپتارىنا سايكەس قامتاماسىز ەتەدى. پاراگراف 3. تەڭىز قۇرىلىستارىن سالۋ (مونتاجداۋ) 19. تەڭىز قۇرىلىستارىن سالۋ (مونتاجداۋ) وسى قاعيدانىڭ 1-تارماعىندا كورسەتىلگەن قازاقستان رەسپۋبليكاسىنىڭ زاڭناماسى تالاپتارىنا سايكەس جۇزەگە اسىرىلادى. 20. تەڭىز قۇرىلىستارىن سالۋدى (مونتاجداۋدى) اياقتاعان سوڭ جەر قويناۋىن پايدالانۋشى (مەردىگەر), جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى, جۇزبەلى جابدىقتىڭ يەسى (جۇزبەلى بۇرعىلاۋ قوندىرعىسىنىڭ كەمەۇستاۋشىسى) ولاردى قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى زاڭناماسىنا سايكەس قۇزىرەتتى ورگان قۇراتىن تەڭىز قۇرىلىستارىن پايدالانۋعا قابىلداۋ جونىندەگى مەملەكەتتىك قابىلداۋ كوميسسياسىنا ۇسىنۋدى قامتاماسىز ەتەدى. كەلەسى جۇزبەلى بۇرعىلاۋ قوندىرعىلارىن مونتاجداۋ بويىنشا جۇمىستار ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ اۋماقتىق بولىمشەسى وكىلىنىڭ قاتىسۋىمەن, جەر قويناۋىن پايدالانۋشى قۇرعان كوميسسيامەن جۇزەگە اسىرىلادى. 21. تەڭىزدە مۇناي وپەراتسيالارىن جۇرگىزۋ, سونىمەن بىرگە جۇزبەلى بۇرعىلاۋ قوندىرعىلارى ءۇشىن جۇزبەلى جابدىقتى مەملەكەتتىك قابىلداۋ كوميسسياسىنا ۇسىنۋ: 1) جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى تەڭىزگە شىعاردىڭ الدىندا, قازاقستان رەسپۋبليكاسىنىڭ تەرريتورياسىندا ورنالاسقان العاشقى پايدالانۋعا بەرىلگەن كەزدە ۆەرفتەردەگى قۇرىلىستى بىتىرگەن سوڭ ءبىر رەت; 2) جۇزبەلى جابدىقتىڭ يەسى (جۇزبەلى بۇرعىلاۋ قوندىرعىسىنىڭ كەمەۇستاۋشىسى) نەمەسە وعان ۋاكىلەتتى تۇلعا باسقا مەملەكەتتەر ايماعىندا قۇرىلعان جانە شەتەل مەملەكەتتەرىنىڭ كەمە تىزىلىمدەرىندە تىركەلگەن تەڭىزدەگى بەلگىلەنگەن ۋچاسكە (كەلىسىمشارت ايماعى) شەگىندە مونتاجدى بىتىرگەن سوڭ العاشقى پايدالانۋعا بەرىلگەن كەزدە قامتاماسىز ەتىلەدى. بۇل رەتتە, كاسپي تەڭىزىنىڭ قازاقستاندىق سەكتورى شەگىندە جۇزبەلى جابدىقتىڭ (جۇزبەلى بۇرعىلاۋ قوندىرعىسىنىڭ), سونىمەن بىرگە مەملەكەتتىك قابىلداۋ شاراسىنان وتكىزىلگەن جۇزبەلى بۇرعىلاۋ جابدىقتىڭ (جۇزبەلى بۇرعىلاۋ قوندىرعىسىنىڭ) كەلەسى پايدالانۋ كەزىندە, ورنالاسقان جەرىن اۋىستىرۋ (باسقا جەرگە اپارۋ) جاعدايىندا, وسى تارماققا سايكەس كاسپي تەڭىزىنىڭ قازاقستاندىق سەكتورىنداعى ءاربىر ۋچاسكەسىندە پايدالانۋعا بەرىلگەن كەزدە وسى قاعيدانىڭ 20-تارماعىندا قاراستىرىلعان قايتا وتكىزۋ شاراسىن كاسپي تەڭىزىنىڭ قازاقستاندىق سەكتورىنداعى سول كۇنتىزبەلىك جىلدا كەيىنگى بۇرعىلاۋ نۇكتەلەرىندە قاجەت ەتىلمەيدى. جۇزبەلى جابدىقتى (جۇزبەلى بۇرعىلاۋ قوندىرعىسىن) پايدالانۋعا مەملەكەتتىك قابىلداۋ كوميسسياسىنىڭ العاشقى قابىلداۋدان كەيىن كەلەسى مونتاجداۋ جانە جۇرگىزۋ بويىنشا جۇمىستارى قازاقستان رەسپۋبليكاسىنىڭ ونەركاسىپتىك قاۋىپسىزدىك سالاسىنداعى زاڭناماسىنىڭ تالاپتارىنا سايكەس جۇزەگە اسىرىلادى. 22. جەر قويناۋىن پايدالانۋشى (مەردىگەر) ادامداردىڭ قاۋىپسىزدىگىنە قاتار توندىرمەۋ, كەمەنىڭ جۇزۋىنە نەمەسە بالىق اۋلاۋعا كەدەرگى كەلتىرمەۋ ءۇشىن تەڭىز قۇرىلىستارىنا ولاردىڭ تەڭىزدەگى ورنالاسقان جەرى تۋرالى ەسكەرتۋ جونىندەگى ءتيىستى قۇرالداردى قامتاماسىز ەتەدى. 23. تەڭىز قۇرىلىستارىنىڭ اينالاسىندا قاۋىپسىزدىك ايماقتارى بەلگىلەنىپ, ءاربىر سىرت شەگى نۇكتەسىنەن بەس ءجۇز مەتردەن اسپايتىن قاشىقتىقتا سوزىلىپ جاتادى. 24. تەڭىزدە مۇناي قويمالارىن نەمەسە رەزەرۆۋارلارىن سالۋعا جانە پايدالانۋعا, مۇنايدى تىكەلەي تەڭىز قۇرىلىستارىنان تانكەرمەن تاسىمالداعان كەزدە مۇنايدى ۋاقىتشا (جيىرما كۇننەن اسىرماي) ساقتاۋدى قوسپاعاندا, تەڭىز قۇرىلىستارىندا مۇناي ساقتاۋعا جانە جيناۋعا تىيىم سالىنادى. پاراگراف 4. تەڭىز قۇرىلىستارىن پايدالانۋ جانە قولدانۋ 25. تەڭىز قۇرىلىستارىن پايدالانۋ مەملەكەتتىك قابىلداۋ كوميسسياسىنىڭ ءتيىستى وبەكتىنى (وبەكتىلەردى) قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى سالاسىنداعى زاڭناماسىنا سايكەس پايدالانۋعا قابىلداۋ تۋرالى اكتىسى بولعان جاعدايدا جۇزەگە اسىرىلادى. 26. تەڭىز قۇرىلىسى پايدالانۋعا بەرىلگەننەن كەيىن ونى قولدانۋ تۇرعىنداردىڭ دەنساۋلىعى مەن قورشاعان ورتاعا قاۋىپ توندىرمەيتىن تەحنيكالار مەن تەحنولوگيالاردى پايدالانۋ ارقىلى جۇزەگە اسىرىلادى. 27. قازاقستان رەسپۋبليكاسىنىڭ سۋ زاڭناماسىنا سايكەس سۋ قورعاۋ ايماقتارى مەن بەلدەۋلەرىندە قۇرىلىس, ءتۇبىن تەرەڭدەتۋ, جارۋ جانە وزگە دە جۇمىستار جەرگىلىكتى اتقارۋشى ورگاندار بەلگىلەگەن ايماقتار مەن بەلدەۋلەردى پايدالانۋ رەجيمىن ساقتاي وتىرىپ جۇزەگە اسىرىلادى. 28. تەڭىز قۇرىلىستارىن پايدالانۋدى باستاۋ الدىندا جەر قويناۋىن پايدالانۋشى (مەردىگەر) اۆاريالىق-قالپىنا كەلتىرۋ جانە جوندەۋ جۇمىستارىن جۇرگىزۋدىڭ ىشكى ءتارتىبىن, سونداي-اق ولاردى پايدالانۋ ۇدەرىسىندە تەڭىز قۇرىلىستارىندا داعدارىستى (اۆاريالىق) جاعدايلار تۋىنداعان جاعدايدا جۇمىس ىستەيتىن پەرسونال مەن تەڭىز قۇرىلىسىنىڭ قولدانىلۋ ايماعىندا تۇراتىن تۇرعىنداردى كوشىرۋ جوسپارىن ازىرلەيدى جانە بەكىتەدى. 29. تەڭىز قۇرىلىستارىن پايدالانۋ ۇدەرىسىندە داعدارىستا (اۆاريالىق) جاعدايلار تۋىنداعان كەزدە اۆاريالىق-قالپىنا كەلتىرۋ جانە جوندەۋ جۇمىستارىن جۇرگىزۋ بويىنشا ىشكى ءتارتىبى قازاقستان رەسپۋبليكاسىنىڭ ازاماتتىق قورعاۋ سالاسىنداعى زاڭناماسىنىڭ تالاپتارىن ساقتاۋمەن جۇزەگە اسىرىلادى. 30. تەڭىز قۇرىلىستارىن پايدالانۋ ۇدەرىسىندە داعدارىستى (اۆاريالىق) جاعدايلار تۋىنداعان جاعدايدا كوشىرۋ جوسپارى قازاقستان رەسپۋبليكاسىنىڭ ازاماتتىق قورعاۋ سالاسىنداعى زاڭناماسىنىڭ تالاپتارىن ساقتاۋمەن جۇزەگە اسىرىلادى. 31. تەڭىز قۇرىلىستارىن پايدالانۋدى باستاۋ الدىندا جەر قويناۋىن پايدالانۋشى (مەردىگەر) ولاردى پايدالانۋ ۇدەرىسىندە مەملەكەتتىك ورتكە قارسى قىزمەت ورگاندارىمەن كەلىسىلگەن, تەڭىز قۇرىلىستارىن ورتتەن قورعاۋدى قامتاماسىز ەتۋ ءتارتىبىن ازىرلەيدى جانە بەكىتەدى. تەڭىز قۇرىلىستارىن ورتتەن قورعاۋدى قامتاماسىز ەتۋ ءتارتىبى ولاردى پايدالانۋ ۇدەرىسىندە جىل سايىن قايتا كەلىسىلەدى جانە قايتا بەكىتىلەدى. 32. اۆاريالىق-قالپىنا كەلتىرۋ جۇمىستارىن جۇرگىزۋدىڭ ىشكى ءتارتىبى, سونداي-اق تەڭىز قۇرىلىستارىن پايدالانۋ ۇدەرىسىندە داعدارىستى (اۆاريالىق) جاعدايلار تۋىنداعان جاعدايداعى كوشىرۋ جوسپارى جىل سايىن قايتا كەلىسىلەدى جانە قايتا بەكىتىلەدى. 33. تەڭىز قۇرىلىستارىن پايدالانۋدى باستاۋ الدىندا جەر قويناۋىن پايدالانۋشى (مەردىگەر) قورشاعان تابيعي ورتانىڭ جاعدايىن (ەكولوگيالىق مونيتورينگ) جانە جۇرگىزىلەتىن مۇناي وپەراتسيالارىن ىشكى (وندىرىستىك) باقىلاۋدى جۇزەگە اسىرۋدىڭ قورشاعان ورتانى قورعاۋدىڭ اۋماقتىق ورگاندارىمەن كەلىسىلگەن ءتارتىبىن ازىرلەيدى جانە بەكىتەدى. قورشاعان تابيعي ورتانىڭ جاعدايى مەن جۇرگىزىلەتىن مۇناي وپەراتسيالارىن ىشكى (وندىرىستىك) باقىلاۋدى جۇزەگە اسىرۋ ءتارتىبى قازاقستان رەسپۋبليكاسىنىڭ ەكولوگيالىق كودەكسىنە سايكەس جىل سايىن قايتا كەلىسۋگە جانە قايتا بەكىتۋگە جاتادى. 34. جەر قويناۋىن پايدالانۋشى (مەردىگەر) نەمەسە جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى: 1) كوتەرۋ جانە بەكىتۋ; 2) ءتۇسىرۋ جانە باستاپقى قورىتۋ; 3) ءجۇزۋ ۇستىندە قۇراستىرۋ; 4) سۇيرەتۋ; 5) ىسكە قوسۋ جانە تىك كوتەرۋ; 6) سۋعا باتىرۋ; 7) تىرەكتەردى ورناتۋ; 8) مونتاجداۋدان كەيىن تۇتاس قۇرىلىستىڭ قۇرىلىمدىق بەرىكتىگى مەن تۇتاستىعى سياقتى جۇمىستاردى جۇرگىزۋ كەزىندە تەڭىزدەگى مۇناي وپەراتسيالارى ءۇشىن پايدالانىلاتىن قۇرىلىستاردىڭ قۇرىلىمدىق بەرىكتىگىنىڭ السىرەۋىنە جول بەرمەۋ ءۇشىن شارالار قابىلدايدى. 35. تەڭىز وپەراتسيالارىن جۇرگىزۋ كەزىندە پايدالانىلاتىن بارلىق تەڭىز قۇرىلىستارىنىڭ قۇرىلىمدىق پارامەترلەرى جۇيەلى تۇردە تەكسەرىلۋگە جانە تەحنيكالىق قىزمەت كورسەتىلۋگە جاتادى. 36. بوگدە كەمەلەرگە تەڭىز قۇرىلىسىنىڭ قاۋىپسىزدىك ايماقتارى شەگىنە كىرۋگە شەك قويىلادى. تەڭىزدەگى مۇناي وپەراتسيالارىن قولدايتىن تەڭىز جانە اۋە كەمەلەرى قاۋىپسىزدىك ءۇشىن ۇنەمى بورتتا بولىپ جاۋاپ بەرەتىن تەڭىز قۇرىلىسىنىڭ پەرسونالىن قاۋىپسىزدىك ايماعىنا ءوزىنىڭ كىرۋ جانە بۇعان تەڭىز قۇرىلىسىنىڭ باسشىسىنان ءتيىستى رۇقسات الۋ نيەتى تۋرالى حاباردار ەتەدى. 37. جەر قويناۋىن پايدالانۋشى (مەردىگەر) ءدال كوورديناتالاردى كورسەتە وتىرىپ, تەڭىز قۇرىلىسىنىڭ ورنالاسۋ ورنىن قازاقستان رەسپۋبليكاسى قارۋلى كۇشتەرىنىڭ اسكەري-تەڭىز كۇشتەرى باسقولباسشىنىڭ باسقارماسى مەن تاياۋداعى پورتتىڭ باسشىلىعىنا حابارلايدى. 38. مۇناي مەن گازدى بارلاۋعا جانە وندىرۋگە ارنالعان تەڭىز كەمەلەرى, ونىڭ ىشىندە جۇزبەلى بۇرعىلاۋ قوندىرعىلارى تەڭىزدە ءجۇزۋدىڭ قاۋىپسىزدىك تالاپتارىنا ساي كەلۋى ءتيىس جانە قازاقستان رەسپۋبليكانىڭ ۇكىمەتى تانىعان بىلىكتىلىك قوعامدارىنىڭ بىرىندە كۋالاندىرىلۋعا جاتادى. 39. جەر قويناۋىن پايدالانۋشى (مەردىگەر) نەمەسە جۇزبەلى جابدىقتى (جۇزبەلى بۇرعىلاۋ قوندىرعىسىن) الۋعا تاپسىرىس بەرۋشى جۇمىستاردى ورىنداۋعا ارنالعان جابدىق پەن تەحنيكالىق قۇرالداردىڭ, سونداي-اق ەكولوگيالىق قاۋىپسىزدىكتى جانە قورشاعان ورتانى لاستانۋدان قورعاۋدى قامتاماسىز ەتۋشى قۇرالداردىڭ, ولاردىڭ بەكىتىلگەن جوبالىق شەشىمدەرگە سايكەستىگىن بەلگىلەۋ ماقساتىندا ولاردى تەكسەرۋ ءۇشىن قازاقستان رەسپۋبليكاسىنىڭ «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى جانە «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» 2011 جىلعى 6 قاڭتارداعى زاڭدارىندا بەلگىلەنگەن تارتىپتە قۇزىرەتتى ورگان مەن ۋاكىلەتتى ورگانداردىڭ لاۋازىمدى تۇلعالارىنا تەڭىز قۇرىلىستارىنا كەدەرگىسىز كىرۋىن جانە تەكسەرۋدى قاجەتتى تۇسىندىرۋلەرمەن قامتاماسىز ەتەدى. 40. تەڭىز قۇرىلىستارىن پايدالانۋدان شىعارۋ (جويۋ) جەر قويناۋى جانە جەر قويناۋىن پايدالانۋ تۋرالى قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى. تەڭىز قۇرىلىستارىن پايدالانۋدان شىعارۋ (جويۋ) تۋرالى شەشىم قۇزىرەتتى ورگانمەن كەلىسىلەدى. 41. تەڭىز قۇرىلىسىن پايدالانۋدان شىعارۋ (جويۋ) تۋرالى شەشىمدى قۇزىرەتتى ورگانمەن كەلىسكەننەن كەيىن جەر قويناۋىن پايدالانۋشى (مەردىگەر) تەڭىز قۇرىلىسىن پايدالانۋدان شىعارۋ (جويۋ) جونىندەگى جۇمىستى كوزدەيتىن تاراتۋ جوباسىن ازىرلەيدى جانە بەكىتەدى. جەر قويناۋىن پايدالانۋشى (مەردىگەر) بەكىتكەن تەڭىز قۇرىلىسىن پايدالانۋدان شىعارۋعا (جويۋعا) ارنالعان تاراتۋ جوباسى تەڭىز قۇرىلىسىن پايدالانۋدان شىعارۋ (جويۋ) جونىندەگى جۇمىستى جۇزەگە اسىرۋدى باستاۋعا رۇقسات الۋ ءۇشىن نەگىز بولىپ تابىلادى. 42. تەڭىز قۇرىلىسىن پايدالانۋدان شىعارۋ (جويۋ) جۇمىستارىن اياقتاۋ مۇددەلى مەملەكەتتىك ورگاندار وكىلدەرى, جەر قويناۋىن پايدالانۋشى (مەردىگەر) جانە اۆتورلىق قاداعالاۋدى جۇزەگە اسىراتىن جوبالى مەكەمە وكىلىنىڭ قاتىسۋىمەن قۇزىرەتتى ورگان قۇرعان كوميسسيامەن قارالادى. 43. تەڭىز قۇرىلىسىن پايدالانۋدان شىعارۋ (جويۋ) كوميسسيانىڭ وڭ ۇسىنىمى نەگىزىندە جۇزەگە اسىرىلادى. 44. تەڭىز قۇرىلىستارىن پايدالانۋدان شىعارۋ (جويۋ) بويىنشا جۇمىسى اياقتالعاننان جانە بۇل تۋرالى اكتىگە قول قويعاننان كەيىن جەر قويناۋىن پايدالانۋشى (مەردىگەر) تاۋەلسىز ساراپشىلاردىڭ قاتىسۋىمەن قورشاعان تابيعي ورتانىڭ جاعدايىن باعالاۋدى ورىندايدى. 45. تەڭىز قۇرىلىسىن پايدالانۋدان شىعارعاننان (جويعاننان) كەيىن قورشاعان تابيعي ورتانىڭ جاي-كۇيىن باعالاۋ اكتىسىن قورشاعان ورتانى قورعاۋ, سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ جانە جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى ۋاكىلەتتى ورگاندارى قازاقستان رەسپۋبليكاسى ەكولوگيالىق زاڭناماسىنا سايكەس بەكىتەدى. جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋ جانە قولدانۋ قاعيداسىنا 1-قوسىمشا نىسان جاساندى ارالداردى, بوگەتتەردi, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتiلەردi قۇرۋعا, پايدالانۋعا جانە قولدانۋعا رۇقسات ءنومىرى: بەرىلگەن كۇنى بەرىلگەن جەرى: _________________________________________________________________________________________بەرىلدى (جەكە تۇلعانىڭ ت.ا.ءا., زاڭدى تۇلعانىڭ اتاۋى) _______________________________________________________________________________________________ (تەڭىز قۇرىلىستارى, وبەكتىلەرى اۋماعىنىڭ كوورديناتالارى) _______________________________________________________________________________________________ (تەڭىز قۇرىلىسىنىڭ, وبەكتىنىڭ اتاۋى (ماركاسى) _______________________________________________________________________________________________ (تەڭىز قۇرىلىستارىن, وبەكتىلەرىن سالۋ مەرزىمى) _______________________________________________________________________________________________ (تەڭىز قۇرىلىستارىن, وبەكتىلەرىن پايدالانۋ شارتتارى) مەملەكەتتىك ۋاكىلەتتى ورگانداردىڭ كەلىسۋى: باسشى (ۋاكiلەتتi تۇلعا): تەگi, اتى, اكەسiنiڭ اتى (بولعان جاعدايدا) ەلەكتروندىق-تسيفرلىق قولتاڭبا جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋ جانە قولدانۋ قاعيداسىنا 2-قوسىمشا نىسان جاساندى ارالداردى, بوگەتتەردi, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتiلەردi قۇرۋعا, پايدالانۋعا جانە قولدانۋعا رۇقسات الۋعا ءوتىنىش (قايدا) ________________________________________________________________________________________ (ۋاكiلەتتi ورگاننىڭ تولىق اتاۋى) (كىمنەن) ______________________________________________________________________________________ (جەكە تۇلعانىڭ تەگi, اتى, اكەسiنiڭ اتى (بولعان جاعدايدا), جسن, زاڭدى تۇلعانىڭ تولىق اتاۋى, ورنالاسقان جەرىنىڭ مەكەنجايى, بسن, بايلانىس دەرەكتەرى (تەلەفون, فاكس, ەلەكتروندىق پوشتا) ______________________________________________________ (تەڭىز قۇرىلىسىنىڭ, وبەكتىنىڭ اتاۋى (ماركاسى) _______________________________________________________________________________________________ _______________________________________________________________________________________________ (تەڭiز قۇرىلىستارىن سالۋ نەمەسە ورنالاستىرۋ بويىنشا مۇناي وپەراتسيالارىن جۇزەگە اسىرۋ قاجەتتىلىگىنىڭ سەبەبى مەن نەگىزدەمەسى) _______________________________________________________________________________________________ (جوسپارلانعان تەڭىز قۇرىلىسىنىڭ نە وسىنداي تەڭىز قۇرىلىسىن سالۋ جونىندەگى جۇرگىزىلەتىن جۇمىستاردىڭ سيپاتى, مەرزىمى مەن ورنالاساتىن جەرى) _______________________________________________________________________________________________ ________________________________________________________ (قوسا بەرىلىپ وتىرعان قۇجاتتار تىزبەسى) ۇيىمنىڭ باسشىسى (لاۋازىمى) ______________ _________________ (قولى) (ت.ا.ءا.) 20__ج. «___» ____________ جاساندى ارالداردى, بوگەتتەردى, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتىلەردى قۇرۋ, پايدالانۋ جانە قولدانۋ قاعيداسىنا 3-قوسىمشا جاساندى ارالداردى, بوگەتتەردi, قۇرىلىستار مەن قوندىرعىلاردى, سونداي-اق مۇناي وپەراتسيالارىمەن بايلانىستى وزگە دە وبەكتiلەردi قۇرۋعا, پايدالانۋعا جانە قولدانۋعا رۇقسات الۋعا مالىمەت نىسانى 1. تەڭىز قۇرىلىسىن سالۋ ماقساتى, ءمانى مەن نەگىزى _____________________________________________________________________________________________________________________________________________________. 2. كەلىسىمشارتتىق اۋماق شەگىندە قۇرىلاتىن تەڭىز قۇرىلىسىنىڭ گەوگرافيالىق كوورديناتالارىنىڭ نەگىزدەمەسى: 1) ەندىگى _____________________________________________________________________________________; 2) ۇزاقتىعى ___________________________________________________________________________________. 3. تەڭىز قۇرىلىسىن قۇرۋ جونىندەگى جۇمىستاردى ورىنداۋ كەزىندە پايدالانىلۋى بولجاناتىن كەمە جانە وزگە دە ءجۇزۋ قۇرالدارى تۋرالى اقپارات: 1) كەمە جانە وزگە دە ءجۇزۋ قۇرالدارىنىڭ سانى_______________________________________________________; 2) كەمە جانە وزگە دە ءجۇزۋ قۇرالدارىنىڭ اتاۋى ______________________________________________________. 4. تەڭىز قۇرىلىسىن قۇرۋدى باستاۋ جانە اياقتاۋ كۇنى ____________________________________________________. 5. تەڭىز قۇرىلىسىن پايدالانۋ كەزىندە قولدانىلاتىن بايلانىس قۇرالدارى (راديوتاراتقىشتىڭ قۋاتى, جيىلىكتەر, وزگە دە مالىمەتتەر) تۋرالى اقپارات ____________________________________________________________. 6. تەڭiز قۇرىلىسىن سالۋ نەمەسە ورنالاستىرۋ كەزىندەگى جوسپارلانعان ءىس-شارالار: 1) تەحنيكالىق سۋمەن جابدىقتاۋدىڭ تۇيىق جۇيەلەرىن, جۇزگىش نەمەسە تۇراقتى تازارتۋ قۇرىلىستارى مەن قۇرامىندا مۇناي بار سۋدى جانە باسقا دا زياندى زاتتاردى قابىلداۋعا ارنالعان قۇرالدار جاساۋدى قوسا العاندا, قورشاعان ورتاعا ىقتيمال زالالدىڭ الدىن الۋ نەمەسە ازايتۋ جونىندە ____________________________________________________________________________________________________________________________________; 2) تەڭىز قۇرىلىسىندا اۆاريالىق جاعدايلاردى بولدىرماۋ جانە جويۋ جونىندە ________________________________________________________________________________________________________________________________; 3) تەڭىزدە ءجۇزۋدىڭ جانە ۇشاق اپپاراتتارى ۇشۋىنىڭ قاۋىپسىزدىگىن قامتاماسىز ەتۋ جونىندەگى, سونداي-اق بالىقتار جانە باسقا دا سۋ جانۋارلارى مەكەندەيتiن ورتانى, ولاردىڭ كوبەيۋ جاعدايلارىن, ءورiس اۋدارۋ جولدارىن جانە شوعىرلانعان جەرلەرiن ساقتاۋ جونىندە ________________________________________________________________. 7. تەڭىز قۇرىلىسىن بولجامدى ورنالاستىرۋ ورنىنىڭ نەگىزگى گيدرولوگيالىق جانە گيدروگەولوگيالىق سيپاتتامالارى, كوتەرىلگەن سۋدى, جىبەرىلەتىن سارقىندى سۋلاردى, الىناتىن جەراستى سۋلارىن الۋدىڭ جانە (نەمەسە) پايدالانۋدىڭ بولجاناتىن كولەمى __________________________________________________________________________________________________________________________________________________________________. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10900 بولىپ ەنگىزىلدى.