قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №129

2015 جىلعى 23 اقپان,  استانا قالاسى تەڭىزدەگى عىلىمي زەرتتەۋلەردى جۇرگىزۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭى 18-بابىنىڭ 12) تارماقشاسىنا سايكەس بۇيىرامىن: 1. قوسا بەرىلىپ وتىرعان تەڭىزدەگى عىلىمي زەرتتەۋلەردى جۇرگىزۋ قاعيداسى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ مۇناي-گاز كەشەنىندەگى ەكولوگيالىق رەتتەۋ, باقىلاۋ جانە مەملەكەتتىك ينسپەكتسيا كوميتەتى زاڭنامادا بەلگىلەنگەن تارتىپپەن: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) قازاقستان رەسپۋبليكاسىنىڭ ادىلەت مينيسترلىگىندە ونىڭ مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە وسى بۇيرىقتى رەسمي جاريالاۋعا «ادىلەت» اقپاراتتىق قۇقىقتىق جۇيەسىنە, سونىمەن بىرگە مەرزىمدى باسپا باسىلىمدارىنا جولدانۋىن; 3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق ونىڭ العاش رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ەنەرگەتيكا ءمينيسترى ۆ.شكولنيك. «كەلىسىلگەن» قازاقستان رەسپۋبليكاسى اۋىل شارۋاشىلىعى ءمينيسترى ______________ا. مامىتبەكوۆ 2015 جىلعى 18 ناۋرىز «كەلىسىلگەن» قازاقستان رەسپۋبليكاسى ءبىلىم جانە عىلىم ءمينيسترى ______________ا. ءسارىنجىپوۆ 2015 جىلعى 5 ناۋرىز «كەلىسىلگەن» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ م.ا. ________________ج.قاسىمبەك 2015 جىلعى 3 ناۋرىز «كەلىسىلگەن» قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى ______________ن.ابىقاەۆ 2015 جىلعى 11 ناۋرىز قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 23 اقپانداعى № 129 بۇيرىعىمەن بەكىتىلگەن تەڭىزدەگى عىلىمي زەرتتەۋلەردى جۇرگىزۋ قاعيداسى 1. جالپى ەرەجەلەر 1. وسى تەڭىزدەگى عىلىمي زەرتتەۋلەردى جۇرگىزۋ قاعيداسى (بۇدان ءارى - قاعيدا) «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابى 49) تارماقشاسىنا سايكەس ازىرلەندى جانە كاسپي مەن ارال تەڭىزدەرىنىڭ قازاقستاندىق بولىگىندە تەڭىزدەگى عىلىمي زەرتتەۋلەردى جۇرگىزۋ ءتارتىبىن ايقىندايدى. 2. تەڭىزدەگى عىلىمي زەرتتەۋلەر جەر قويناۋىن پايدالانۋ جونىندەگى وپەراتسيالاردىڭ تەڭىزگە اسەرىن جانە ولاردىڭ قورشاعان ورتاعا سالدارى مەن بيولوگيالىق ارتۇرلىلىگىن زەرتتەۋ ماقساتىندا جۇرگىزىلەدى. 3. تەڭىزدەگى عىلىمي زەرتتەۋلەر قازاقستاندىق, سونداي-اق شەتەلدىك جەكە جانە زاڭدى تۇلعالار, حالىقارالىق ۇيىمدارمەن جۇزەگە اسىرىلۋى مۇمكىن. 4. قازاقستان رەسپۋبليكاسىنىڭ ەنەرگەتيكا مينيسترلىگى تەڭىزدەگى عىلىمي زەرتتەۋلەر سالاسىنداعى قۇزىرەتتى ورگان (بۇدان ءارى - قۇزىرەتتى ورگان) بولىپ تابىلادى. 5. تەڭىزدە جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە مىناداي تەڭىزدەگى عىلىمي زەرتتەۋلەر جۇزەگە اسىرىلۋى مۇمكىن: 1) ەكولوگيالىق زەرتتەۋلەر (مۇنايدىڭ توگىلۋىن زەرتتەۋ, قورشاعان ورتانى لاستاۋشىلارمەن كۇرەس جونىندەگى ادىستەر مەن تەحنولوگيالاردى ازىرلەۋگە بايلانىستى زەرتتەۋلەر, اۆاريالىق جاعدايلاردى زەرتتەۋ جانە باسقالار); 2) سۋلى ورتانىڭ جانە مۇزدى جاعدايدىڭ گيدروديناميكاسىن زەرتتەۋ; 3) كاسپي تەڭىزى دەڭگەيىنىڭ تەربەلىستەرىن جانە ونىڭ تەڭىزدەگى مۇناي-گاز كاسىپشىلىگى گيدروتەحنيكالىق قۇرىلىستارىنا جانە جاعاداعى مۇناي-گاز ينفراقۇرىلىمىنا تيگىزەتىن اسەرىن زەرتتەۋ جانە بولجامداۋ; 4) عىلىمي-زەرتتەۋ ماقساتىندا مۇناي وپەراتسيالارى مەن بۇرعىلاۋدى جۇرگىزۋدىڭ سۋ استى ادىستەرىن ازىرلەۋگە باعىتتالعان زەرتتەۋلەر; 5) تەڭىز اياسىندا ءتۇرلى قۇرىلىس ماتەريالدارىنىڭ جاي-كۇيىن زەرتتەۋگە باعىتتالعان زەرتتەۋلەر; 6) سۋ استى كابىلدەرى مەن قۇبىرلارىن توسەۋ جوباسىن (جوبالارىن) ازىرلەۋدىڭ عىلىمي قامتاماسىز ەتىلۋىنە باعىتتالعان زەرتتەۋلەر; 7) كاسپي تەڭىزىنىڭ قازاقستاندىق سەكتورىندا جاساندى ارالدار, قۇرىلىستار مەن قوندىرعىلار جاساۋ جوباسىن (جوبالاردى) ازىرلەۋدىڭ عىلىمي قامتاماسىز ەتىلۋىنە باعىتتالعان زەرتتەۋلەر; 8) گيدروگرافيكالىق, گەوفيزيكالىق, گيدروبيولوگيالىق, يحتيولوگيالىق جانە گەوتەحنيكالىق زەرتتەۋلەر; 9) جەر قويناۋىن پايدالانۋ جونىندەگى وپەراتسيالارعا بايلانىستى وزگە دە عىلىمي زەرتتەۋلەر. 2. تەڭىزدەگى عىلىمي زەرتتەۋلەردى جۇرگىزۋ ءتارتىبى 6. تەڭىزدەگى عىلىمي زەرتتەۋلەردى جۇرگىزۋگە مۇددەلى تۇلعالار جۇمىستاردى جۇرگىزۋدىڭ باستالۋى جونىندە قۇزىرەتتى ورگانعا مىنالاردى: 1) تەڭىزدە عىلىمي زەرتتەۋلەر جۇرگىزۋدىڭ سيپاتى مەن ماقساتى تۋرالى اقپاراتتى; 2) تەڭىزدەگى عىلىمي زەرتتەۋلەردى جۇرگىزۋ جوسپارلاناتىن اۋداننىڭ گەوگرافيالىق كوورديناتتارىن, كورسەتىلگەن اۋداندارعا باراتىن جانە كەرى قايتاتىن مارشرۋتتاردى; 3) زەرتتەۋ جۇرگىزەتىن كەمەلەردىڭ العاشقى كەلەتىن جانە تۇپكىلىكتى كەتەتىن بولجامدى كۇندەرى, قاتىستىرىلاتىن كەمەلەر مەن ءجۇزىپ جۇرەتىن قۇرالداردىڭ تۇرلەرى, عىلىمي جابدىقتاردى ورنالاستىرۋ جانە شىعارۋ مەرزىمدەرىن قامتيتىن حابارلاما جىبەرەدى. 7. تەڭىزدەگى عىلىمي زەرتتەۋلەردى جۇرگىزۋگە مىناداي جاعدايلاردا رۇقسات بەرىلمەيدى: 1) قازاقستان رەسپۋبليكاسىنىڭ ۇلتتىق قاۋىپسىزدىگىنە قاۋىپ توندىرسە نەمەسە ءتوندىرۋى مۇمكىن بولسا; 2) قورشاعان تەڭىز اياسىن قورعاۋ, تابيعي رەسۋرستاردى ساقتاۋ, سونداي-اق تەڭىزدەردىڭ سۋ رەسۋرستارىن كەشەندى پايدالانۋ تالاپتارىمەن ۇيلەسپەيتىن بولسا; 3) قازاقستان رەسپۋبليكاسىنىڭ اۋماعىندا تىيىم سالىنعان جابدىقتى, قوندىرعىلاردى نەمەسە ءىس-قيمىلداردى قامتيتىن بولسا; 4) قازاقستان رەسپۋبليكاسىنىڭ تەڭىز اكۆاتورياسىنىڭ قازاقستاندىق بولىگىندە ءوزىنىڭ ەگەمەندى جانە ايرىقشا قۇقىقتارىن جۇزەگە اسىرۋدا جۇرگىزەتىن قىزمەتىنە كەدەرگى كەلتىرەتىن بولسا; 5) جاساندى ارالداردى, قوندىرعىلاردى جانە قۇرىلىستاردى سالۋدى, قولدانۋدى نەمەسە پايدالانۋدى قامتيتىن بولسا. 8. حابارلامانى العاننان كەيىن قۇزىرەتتى ورگان بەس جۇمىس كۇنى ىشىندە ونى جەر قويناۋىن زەرتتەۋ جانە پايدالانۋ, مەملەكەتتىك شەكارانى قورعاۋدى قامتاماسىز ەتۋ, سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ جانە جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى ۋاكىلەتتى ورگاندارعا جىبەرەدى. 9. تەڭىزدەگى عىلىمي زەرتتەۋلەردى جۇرگىزۋ ناتيجەلەرى تۋرالى ەسەپ ءوتىنىش بەرۋشىمەن قۇزىرەتتى ورگانعا جىبەرىلەدى, ول ونى بەس جۇمىس كۇنى ىشىندە جەر قويناۋىن زەرتتەۋ جانە پايدالانۋ, عىلىم, سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ جانە جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى ۋاكىلەتتى ورگاندارعا جولدايدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 24 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10798 بولىپ ەنگىزىلدى.