ەگىندىكول اۋدانىنا جاڭا اكىم تاعايىندالدى

اقمولا. 6 ءساۋىر. اقمولا وبلىسىنىڭ اكىمى سەرگەي كۋلاگيننىڭ وكىمىمەن, قازاقستان پرەزيدەنتى اكىمشىلىگىنىڭ جانە اۋداندىق ءماسليحات دەپۋتاتتارىنىڭ كەلىسىمى نەگىزىندە ەگىندىكول اۋدانىنىڭ اكىمى بولىپ ناريمان يحسان ۇلى تولەپوۆ تاعايىندالدى. بۇل تۋرالى egemen.kz ءتىلشىسى حابارلادى. ناريمان تولەپوۆ 1967 جىلى تۋعان. تسەلينوگراد اۋىل شارۋاشىلىعى ينستيتۋتىن عالىم اگرونوم ماماندىعى بويىنشا بىتىرگەن. ەڭبەك جولىن 1992 جىلى تورعاي وبلىسى جانگەلدى اۋدانى قىزىل اسكەر سوۆحوزى جاستار كوميتەتىنىڭ توراعاسى بولىپ باستاعان. ول ءار جىلدارى تورعاي, قوستاناي وبلىستارىنىڭ اۋىل شارۋاشىلىعى جۇيەسىندە قىزمەت اتقاردى. 2007 جىلعى تامىزدان قوستاناي وبلىسى قوستاناي اۋداندىق ءماسليحاتىنىڭ حاتشىسى. 2009 جىلعى قاراشادان باستاپ قوستاناي وبلىسى جانگەلدى اۋدانىنىڭ اكىمى بولدى. ال 2014 جىلعى جەلتوقساننان اقمولا وبلىسى بۋراباي اۋدانىنىڭ اۋىل شارۋاشىلىعى ءبولىمىنىڭ باسشىسى بولىپ جۇمىس جاسادى. 2015 جىلعى ماۋسىمنان اقمولا وبلىسىنىڭ جەردىڭ پايدالانىلۋى مەن قورعالۋىن باقىلاۋ باسقارماسىنىڭ باسشىسى. باقبەرگەن امالبەك. دەرەك, فوتو: egemen.kz.