سيريادا لاڭكەستىك ارەكەتتەن 14 ادام قازا تاپتى

استانا. 6 ءساۋىر. سيريانىڭ الەپپو قالاسىنداعى شەيح-ماكسۋد اۋدانىندا لاڭكەستەردىڭ ارەكەتىنەن 14 بەيبىت تۇرعىن مەرت بولدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. سودىرلار اتالعان ايماقتى زىمىرانمەن اتقىلاعان. سالدارىنان ءۇش تۇرعىن ءۇي قيراپ قالدى. تەررورلىق شابۋىلدان تاعى 50-دەن استام ادام ءتۇرلى دەڭگەيدە جاراقات الىپ, اۋرۋحانالارعا جەتكىزىلدى. قازا تاپقانداردىڭ سانى ءالى دە ارتۋى مۇمكىن دەگەن بولجام بار. قازىرگى كەزدە وقيعا ورنىندا قۇتقارۋشىلار توبى قىزمەت ەتۋدە. لاڭكەستىك ارەكەتتى كىمدەردىڭ جاساعانى ازىرگە بەلگىسىز. الايدا, كۋاگەرلەردىڭ ايتۋىنشا, بۇل جولعى قاندى ىسكە «دجەبحات ان-نۋسرا» ۇيىمىنىڭ قاتىسى بولۋى مۇمكىن. ايتا كەتەيىك, وسى جىلدىڭ اقپان ايىنىڭ سوڭىنا تامان باشار اساد ۇكىمەتى مەن وپپوزيتسيالىق كۇشتەردىڭ اراسىندا بەيبىت كەلىسىم ورناعان. الايدا, بۇل كەلىسىمنىڭ اتالعان لاڭكەستىك ۇيىمعا ەش قاتىسى جوق. وسىعان بايلانىستى وتكەن ايدا ۇكىمەت اسكەرى ارنايى وپەراتسيا كەزىندە جۇزگە جۋىق ەكسترەميستىڭ كوزىن جويعان. ايان ءابدۋالي. دەرەك: ريا «نوۆوستي». فوتو: 24.kz.