وڭتۇستىكتە وبلىس اكىمىنىڭ ورىنباسارى تاعايىندالدى

استانا. 6 ءساۋىر. وڭتۇستىك قازاقستان وبلىسى اكىمىنىڭ ورىنباسارى بولىپ جاقىپ بوكەنباەۆ تاعايىندالدى. بۇل تۋرالى otyrar.kz سايتىنا سىلتەمە جاساعان egemen.kz ءتىلشىسى حابارلادى. جاقىپ بوكەنباەۆ 1969 جىلى تۋعان. ءبىلىمى جوعارى, ماماندىعى – ينجەنەر-مەحانيك, بۋحگالتەر-ەكونوميست. ەڭبەك جولىن وڭتۇستىك قازاقستان وبلىسى شىمكەنت قالاسىنداعى «3-ەنەرگوورتالىق» ااق اتقارۋشى ديرەكتورى بولىپ باستاعان. 2002-2005 جىلدارى «3-ەنەرگوورتالىق» ااق باس ديرەكتورىنىڭ ءبىرىنشى ورىنباسارى جانە باس ديرەكتورى, «تۇركىستانەنەرگو» ااق وڭالتۋدى باسقارۋشىسى جانە اتقارۋشى ديرەكتورى, «وڭتۇستىك جارىق» جشس ديرەكتورى, «استانا-فينانس» اق ديرەكتورلار كەڭەسىنىڭ مۇشەسى, «قازاقستاندىق كوممۋنالدىق جۇيەسى» اق-نىڭ پرەزيدەنتى, «Investment Company Capital Management» جشس-ءنىڭ باس ديرەكتورى رەتىندە ەڭبەك ەتكەن. 2009-2013 جىلدارى يندۋستريا جانە ساۋدا مينيسترلىگى ونەركاسىپ كوميتەتى توراعاسىنىڭ ورىنباسارى, يندۋستريا جانە جاڭا تەحنولوگيالار مينيسترلىگى ەلەكتر ەنەرگەتيكاسىن جانە كومىر ونەركاسىبىن دامىتۋ دەپارتامەنتىنىڭ ديرەكتورى, ەلەكتر ەنەرگەتيكاسىن جانە كومىر ونەركاسىبى دەپارتامەنتىنىڭ ديرەكتورى, «كازاقەنەرگوساراپتاما» اق ەلەكتر ەنەرگەتيكاسىن دامىتۋ دەپارتامەنتىنىڭ ديرەكتورى, «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى (كازاقەنەرگياساراپتاما)» اكتسيونەرلىك قوعامىنىڭ باسقارما توراعاسى بولعان. وبلىس اكىمىنىڭ ورىنباسارى جاڭا قىزمەتتە تۇرعىن ءۇي-كوممۋنالدى شارۋاشىلىق, ەنەرگەتيكا, كولىك, تابيعات پايدالانۋ مەن تاريف ساياساتىن, بايلانىس جانە كوممۋنيكاتسيا سالالارىنا جەتەكشىلىك ەتەتىن بولادى. داستان كەنجالين. دەرەك, فوتو: otyrar.kz