«استانا بالەت»

قىزىلجارلىقتاردى عاجايىپ بي ونەرىمەن تاڭداي قاقتىردى «استانا بالەت» تەاترى تۇڭعىش رەت گاسترولدىك ساپارمەن قىزىلجار وڭىرىندە بولىپ, «استانا بالەت GALA» اتتى اۋقىمدى باعدارلاما ۇسىندى. ءبىرىنشى كۇنى ونەرسۇيەر قاۋىم مىڭ بۇرالعان ءبيشى­لەردىڭ قاتىسۋىمەن كلاسسيكالىق حورەوگرافيانى, سپەكتاكلدەردەن ۇزىندىلەر تاماشالادى. «جاناسۋ», «ارۋلار شە­رۋى», «كاليفورنيالىق كوكنار», «شىعىس الاۋى», تاعى باسقا حورەوگرافيالىق مينيا­تيۋرالار زور ىقى­لاسپەن قابىلداندى. بەلگيالىق حورەوگراف ريكاردو امارانتەنىڭ «Gaia» قويىلىمىندا جەر شارىنىڭ جاراتىلۋى جايلى ءاپسانا جۇمباق سىرعا تولى تابيعاتتىڭ قۇبىلىستارىمەن شەندەستىرۋ ارقىلى شىنايى بەينەلەنىپ, سىرلى اۋەنگە ۇلاسقان كوركەم ساتتەرگە تولى بولدى. ەكىنشى كۇنى جۇرتشىلىق نازارىنا تەاتردىڭ ۇزدىك قويىلىمدارىنان قۇرالعان ديۆەرتيسمەنت ۇسىنىلدى. مۇندا كلاسسيكالىق, قازىرگى زامان جانە ۇلتتىق بي مانەرلەرى كەرەمەت ۇيلەسىم تاۋىپ, قازاقستاندىق بالەت ونەرىنىڭ قۇدىرەتى, جەتكەن جەتىستىكتەرى مەن باعىندىرعان بەلەستەرى پاش ەتىلدى. «الەم» بالەتى كورەرمەندەردى ەرەكشە كۇيگە بولەپ, باستى ءرولدى سومداعان نازەركە احمەتتىڭ ونەرىنە ەرەكشە قول سوقتى. – جاس ونەر ۇجىمىنىڭ الەمدىك بالەت ونەرىنىڭ شى­ڭىن باعىندىرۋعا دەگەن ۇمتىلىسى شەتەلدىڭ تالعامپاز كورەرمەندەرى تاراپىنان دا لايىقتى باعالانىپ كەلەدى. وعان ونداعان مەملەكەتتەردە گاسترولدىك ساپارلاردا بولعانىمىزدا كوزىمىز انىق جەتتى. وسى جولى «الەم» العاشقى كوپشىلىك سپەكتاكلىنەن «Gaia» اتتى سوڭعى تۋىندىعا دەيىن قازاقستاندىق, رەسەي­لىك, امەريكالىق حو­رەو­گرافتاردىڭ باتىل ەكسپەريمەنتتەرىنىڭ جە­تىستىكتەرىن, وتكەن عاسىر­لارداعى مول مۇرا مەن ءححى عاسىرداعى كوزتارتار قويىلىمداردى ۇسىندىق,–دەدى باق وكىلدەرىنە بەرگەن سۇحباتىندا حورەوگرافيالىق ۇجىمنىڭ باس رەجيسسەرى مۇكارام اۆاحري. پەتروپاۆولدىقتار ەكى كۇن بويى سۇلۋ سازبەن كوم­كەرىلگەن بي عالاماتىن تاماشالادى.  ومىر ەسقالي, «ەگەمەن قازاقستان». پەتروپاۆل. سۋرەتتى تۇسىرگەن تالعات تانىباەۆ.