بانكوماتتى 3 سەكۋندتا ۇپتەگەن

ۇرى مەن ونىڭ ارىپتەسى قولعا ءتۇستى الماتىدا بانك تەرمينالىنىڭ قابىرعاسىن نەبارى 3 سەكۋندتا قاقىراتا ويىپ, بار سومانى دورباعا سالىپ ۇلگەرگەن جاس جىگىت قىلمىس الەمىندەگى رەكوردتىق كورسەتكىشكە قول جەتكىزدى... الاي­دا, بۇل گيننەستىڭ رەكوردتار كىتابىنا كىرۋ ءۇشىن بولعان باسەكەلەستىك جارىس ەمەس ەدى. قيمىلىنا كوز ىلەسپەس اككى ۇرى سوندايلىق تەز قيمىل تانىتقانىنا قاراماستان, دۇكەننىڭ قىراعى كۇزەتشىلەرىنىڭ قۇرىعىنا ءتۇستى. پوليتسيا دا ۋاقىتتى كوپ سوزباي, «رەكوردشىنىڭ» دۇكەن الدىندا توسىپ تۇرعان ارىپتەسىنىڭ قولىنا كىسەن سالدى. ەندى قىلمىسكەرلەر تەمىر تور­دىڭ ارجاعىندا 5 جىل جازاسىن وتەيدى. قالاداعى بارلىق تەرمي­نال­دارعا يەلىك جاسايتىن بانك وكىل­دەرى سوڭعى ەكى جىلدا الماتىدا ءدال وسىعان ۇقساعان 86 توناۋدىڭ بولعانىن ايتادى. كۇنى كەشە الەۋمەتتىك جە­لى­لەرگە سالىنعان ەكى بەينە-ءۇزىن­دىگە قاتىستى Kaspi Bank-ءتىڭ باس­پاسوز ورتالىعى بانكومات­تار ارقىلى جاسالعان ەسەپ ايى­رى­سۋدىڭ كليەنتتەرگە, سونداي-اق, تەرمينال يەلەرىنە زالالى تيمەيتىنى تۋرالى مالىمدەدى. مالىمدەمەدە «سوڭعى اپتادا بول­عان قاراقشىلىق ەكى شابۋىلدا 750 مىڭ تەڭگە قولدى بولدى. الايدا, بۇل ارادا كليەنتتەردىڭ ەسەپ ايىرىسۋ وپەراتسياسى ۇر­لىققا دەيىن جاسالعانى قا­پەرگە الىنادى. بانك مۇلكىنىڭ قيراۋى مەن بانك شىعىندارىن وتەۋ, ۇستالعان ۇرىلاردى جازالاۋ قازاق­ستان رەسپۋبليكاسىنىڭ زاڭ­دارى اياسىندا جۇرگىزىلدى», – دەلىنگەن. سوڭعى كەزدە الماتىدا ارقيلى ۇرلىق جاساۋ ءورشىپ تۇر... تالعات ءسۇيىنباي, «ەگەمەن قازاقستان». الماتى.