جۇرەكتىڭ ەكىنشى ءومىرى

وسىدان بىرنەشە كۇن بۇ­رىن قازاقستاندىق ءتورت اۋىر حالدەگى ادامعا دونورلىق ور­گاندارىن اۋىستىرۋ وتاسى جاسالدى. وسى وقيعاعا باي­لانىستى ترانسپلانتولوگ تالعات حايداروۆ پەن وب­لىستىڭ باس نەۆرولوگى ماك­شاريپ مارتازانوۆ «اقمولا مەديا ورتالىعىندا» بريفينگ وتكىزدى. جۋرناليستەرمەن باس­قوسۋدىڭ كوكشەتاۋدا وتكى­زى­لۋىنىڭ وزىندىك سىرى بار ەدى. ءويت­كەنى, جۇرەك تالماسىنا ۇشىراعان الپىس جاستاعى قا­لا تۇرعىنىنىڭ ەتجاقىن تۋىس­تارى ترانسپلانتاتسياعا رۇق­ساتىن بەرگەن. دونورلىق ورگانداردى الۋعا استانالىق دارىگەرلەر بريگاداسى ارنايى كەلگەن. ال, تىكەلەي الماستىرۋ استانا قالاسىنداعى ونكولوگيا جانە ترانسپلانتاتسيا ورتالىعىندا جۇزەگە اسىرىلىپتى. وبلىستىڭ باس نەۆرولوگى ماكشاريپ مارتازانوۆ سىرقات­تىڭ اۋرۋحاناعا وتە اۋىر جاع­دايدا جەتكىزىلگەنىن ايتادى. ءارى قاراي ءومىر ءسۇرۋى مۇمكىن دە ەمەس ەكەن. ايتكەنمەن, ونى بار كۇش-مۇمكىندىكتى جۇمىلدىرىپ ەمدەگەن. ءتىپتى, مي جۇمىسى توق­تاعان كەزدە دە. ەندى بۇل ءجۇ­رەك­تىڭ ەكىنشى ءومىرى الماتى قا­لاسى تۇرعىنىنىڭ كەۋدەسىندە جالعاسۋدا. ءدال وسىنداي جاعداي 2015 جىلدىڭ قىركۇيەك ايىندا ورىن الىپ, كوكشەتاۋ قالاسى تۇرعىنىنىڭ جۇرەگى الماستىرىلدى. وسىنداي ءساتتى تاعاتسىزدانا توسقان قىز بالاعا وتا ءۇندىستاندا جاسالعان. باقبەرگەن امالبەك, «ەگەمەن قازاقستان». اقمولا وبلىسى. سۋرەتتە: دارىگەر م.مارتازانوۆ.