استانا. 5 ءساۋىر. الماتىدا وتەتىن قىسقى ۋنيۆەرسيادانىڭ باستالۋىنا 300 كۇن قالدى. بۇگىن جارىسقا تىركەلۋدىڭ العاشقى كەزەڭى اياقتالدى. ازىرشە ءدۇبىرلى دوداعا 64 ەل قاتىساتىنىن راستادى. ال جالپى جارىسقا 2 000-نان استام ستۋدەنت سپورشىلار قاتىسادى دەپ كۇتىلۋدە. بۇل تۋرالى egemen.kz ءتىلشىسى حابارلادى.
قولدا بار دەرەكتەرگە قاراعاندا, ۋنيۆەرسيادانىڭ رەسمي سايتىندا جۇرگىزىلگەن اككرەديتاتسيانىڭ ءبىرىنشى كەزەڭىندە 64 مەملەكەتتىڭ ستۋدەنتتىك سپورت فەدەراتسيالارى وتىنىشتەرىن جىبەرگەن.ولاردىڭ اراسىندا ەۋروپادان 36 ەل, سولتۇستىك جانە وڭتۇستىك امەريكادان 5 مەملەكەت, ازيادان 17 ەل, افريكادان 4 ەلدىڭ سپورت فەدەراتسيالارى جانە وكەانيا ەلدەرىنەن اۆستراليا مەن جاڭا زەلانديا بار.
اتاپ ايتقاندا, كەلەسى جىلى الماتىعا گەرمانيا, شۆەيتساريا, نورۆەگيا, ۇلىبريتانيا, فرانتسيا, لاتۆيا, پولشا, رەسەي, سلوۆاكيا, يتاليا, شۆەتسيا, گرۋزيا, اۆستريا, ۆەنگريا, فينليانديا, چەحيا, تۇركيا, ۋكراينا, يسپانيا, سلوۆەنيا, بەلارۋس, حورۆاتيا, ەستونيا, رۋمىنيا, ماكەدونيا, بوسنيا جانە گەرتسەگوۆينا, بولگاريا, ازەربايجان, سەربيا, ليتۆا, ارمەنيا, نيدەرلاندى, بەلگيا, پورتۋگاليا, يزرايل, چەرنوگوريا, اقش, كانادا, برازيليا, ارگەنتينا, چيلي, جاپونيا, قىتاي, قازاقستان, وڭتۇستىك كورەيا, موڭعوليا, اۋعانستان, قىتاي تايپەيى, تۇركىمەنستان, تايلاند, قىرعىزستان, ليۆان, سيانگان (قىتاي), تاجىكستان, ءباا, پاكىستان, يران, نەپال, وڭتۇستىك-افريكا رەسپۋبليكاسى, ۋگاندا, ماداگاسكار, گامبيانىڭ ستۋدەنت سپورتشىلارى كەلەدى.
داستان كەنجالين.
دەرەك, فوتو: almaty2017.com
