استانا. 5 ءساۋىر. بۇگىن استاناداعى №56 مەكتەپ-ليتسەيدىڭ وقۋشىلارى مەن وقىتۋشىلار قۇرامى وليمپيادا چەمپيوندارىمەن كەزدەستى. بۇل تۋرالى جۋرناليست نازىم قايراتتىڭ اقپارى بويىنشا egemen.kz ءتىلشىسى حابارلادى.
وليمپيادا چەمپيوندارى ەرماحان ىبىرايىموۆ پەن يۋري مەلنيچەنكو دەنەشىنىقتىرۋ ساباعىنا قاتىستى. وندا 9-12 جاستاعى وقۋشىلار العاش رەت سپورتتىق جاتتىعۋلاردى وليمپيادا چەمپيوندارىمەن بىرگە جاسادى.
بۇل ساباق استانا قالاسى سالاماتتى ءومىر سالتىن قالىپتاستىرۋ ورتالىعىنىڭ ۇيىمداستىرۋىمەن «فيزكۋلت-ۋرا!» الەۋمەتتىك جوباسىنىڭ اياسىندا وتكىزىلدى. شارانىڭ ماقساتى– جاڭا فيتنەس تەحنولوگيالاردى قولدانا وتىرىپ, وسكەلەڭ ۇرپاقتىڭ بويىنا سالاماتتى ءومىر سالتىنا قالىپتاستىرۋ, سپورتقا دەگەن قىزىعۋشىلىعىن ارتتىرۋ.
وسى شاراعا قاتىسىپ, ونىڭ باسى-اياعىنا دەيىن بولعان جاس ارىپتەسىمىز نازىم قايراتتىڭ ايتۋىنشا, اتالعان شارا تولىق ءبىر وقۋ جىلىن قامتيتىن بولادى. الداعى كەزدە مۇنداي سپورت ساباقتارىن قالانىڭ باسقا دا مەكتەپتەرى ۇيىمداستىرادى. اتاپ ايتقاندا, وليمپيادا چەمپيوندارى استانانىڭ 5 مەكتەبىندە 25 سپورت ساباعىن ۇيىمداستىرۋدى ماقسات ەتىپ وتىر.
«بۇل شارا الدا كەلە جاتقان دەنساۋلىق كۇنىنە وراي جوسپارلانعان. بۇدان بولەك 7 ءساۋىر كۇنى "زدوروۆايا 5-مينۋتكا" اكتسياسى دا وتەدى. وعان مەديتسينالىق جانە مەديتسينالىق ەمەس مەكەمەلەر قاتىسىپ, سالاماتتى ءومىر سالتىن ناسيحاتتايتىن كۇندى ەرەكشە وتكىزگىسى كەلەدى», دەيدى نازىم قايرات.
«كەزدەسۋدە وليمپيدا چەمپيونى ەرماحان ىبىرايىموۆپەن اڭگىمەلەسكەنىمدە, ول قازىرگى تاڭدا بالالار مەن جاسوسپىرىمدەردىڭ سپورتقا دەگەن بەلسەندىلىگى تومەندەپ بارا جاتقانىن, تەلەفوندارعا تەلمىرىپ, پلانشەتتەردى جاعالاعان جەتكىنشەكتەردىڭ سپورتقا دەگەن قىزىعۋشىلىعى كۇن ساناپ كەمىپ وتىرعانىن ايتىپ, وسىنداي جوبالاردىڭ ءجيى-ءجيى قولعا الىنۋى كەرەكتىگىن ەسكەرتتى. ال «استانا» پرەزيدەنتتىك كاسىبي سپورتتىق كلۋبىنىڭ سپورت مەنەدجەرى يۋري مەلنيچەنكو ءوز كەزەگىندە دەنەشىنىقتىرۋ ساباعىنىڭ, ونىڭ جۇيەسى مەن ادىستەمەسىنىڭ وتە ماڭىزدى ەكەندىگىن اتاپ ءوتتى. سونداي-اق, ول وزگە دە ارىپتەستەرىمەن بىرگە وسى ءبىر شارانى قولداي وتىرىپ, ارنايى ۋاقىت ءبولىپ, جيناعان تاجىريبەلەرىمەن بولىسۋگە دايىن ەكەندىگىن مالىمدەدى. بۇل رەتتە ولارعا «Worldclass» فيتنەس-كلۋبىنىڭ كومەككە كەلەتىنىن دە جەتكىزدى», دەيدى جاس ارىپتەسىمىز.
«يگى باستامانىڭ بۇل تەك باسى عانا. دەنساۋلىق كۇنىنە وراي بيىل باس قالانىڭ بارلىق ەمحانالارى مەن اۋرۋحانالارىندا ءبىر ساتتە دەنە شىنىقتىرۋ جاتتىعۋلارى جاسالماق. بۇعان قوسا ەلىمىزدىڭ بارلىق وڭىرلەرىندە ءتۇرلى فلەشموبتار, جاپپاي جۇگىرۋ جانە وزگە دە سالاۋاتتى ءومىر سالتىن ناسيحاتتاۋ اكتسيالارى جوسپارلانىپ وتىر مەنىڭ ساباقتان بىلگەنىم وسى», دەيدى نازىم قايرات.
داستان كەنجالين.
دەرەك: جۋرناليست نازىم قايرات.
فوتو: «استانا» پرەزيدەنتتىك كاسىبي سپورتتىق كلۋبى.
