ءبىر شاڭىراقتىڭ ءۇش «التىن بەلگىسى»

ەركىن مۋسين وبلىستىق مەملەكەتتىك مۇراعاتتىڭ اۋدانداعى فيليالىنىڭ ديرەكتورى. زيبا­گۇل جەڭگەي ەكەۋى ومىرگە ەكى قىز, ءبىر ۇل اكەلىپ, ولارعا سانالى تاربيە بەرىپ, ءوسىردى. – ءبىزدىڭ لاريسا, گاۋھار ەسىم­دى ەكى قىزىمىز, نۇركەن ات­تى ۇلى­مىز بار. زايىبىم زيبا­گۇل ءتار­بيەلى وتباسىنان شىققان قىز. ءۇي شارۋاسىندا بولعاندىق­تان, بالا­لاردىڭ ساباعىنا, ءتار­تىبىنە كوبىنە نازار سالاتىن دا سول. قىز بالا اناسى ارقىلى ءومىر­دى تاني­دى. ال ەر بالا اكەسىنىڭ سال­ماقتى ءسوزىن ەستىپ, سابىرلى ءىسىن كورىپ ءوسۋى كەرەك دەپ ويلايمىن. ءبىزدىڭ وتباسى­نىڭ بالا تاربيە­سىندەگى باستى با­عىتى وسىنداي, – دەيدى ول. ونەگەلى وتباسىنداعى بالالار­دىڭ بارلى­عى دا مەكتەپتى «ال­تىن بەلگىمەن» اياقتاپتى. تۇڭ­عى­شى لاريسا 2005 جىلى اق­توبە قالاسىنداعى م.قۇ­سايىنوۆ اتىن­­داعى دارىندى بالالار مەكتەبىن بىتىرگەن. ۇبت ناتيجەسىندە 105 بالعا قول جەتكىزىپ, «التىن بەلگىگە» يە بو­لىپتى. مەملەكەتتىك ءبىلىم گران­تى نەگىزىندە اس­تاناداعى ل.گۋميلەۆ اتىن­داعى ەۋرازيا ۇلتتىق ۋنيۆەرسيتەتىنە وقۋعا ءتۇسىپ, ونى دا قىزىل ديپلوممەن تامامداعان. قازىر لاريسا ەلوردادا جاۋاپتى قىزمەت ات­قارادى. ورتانشى بالا­سى نۇركەن 2006 جىلى №2 مەكتەپ-گيمنازيا­نى ءبىتىرىپ, ۇبت قورى­تىن­دىسىندا 110 بالل جيناعان. ول دا گرانت ارقىلى الماتىداعى قازاق-بريتان تەحنيكا­لىق ۋنيۆەرسيتەتىنە وقۋعا ءتۇسىپ, وقۋ ورنىن وتكەن جىلى ءتامامداپتى. ال كەنجە قىزى گاۋھار ءبىلىم ورداسىن 2010 جىلى ءبىتىرىپتى. ۇبت-دان 122 بالل جي­ناعان ول مەملەكەتتىك گرانت نەگىزىندە اپاسى لاريسا وقى­عان ءبىلىم ور­داسىنا حالىقارالىق قۇقىق ما­مان­­د­ىعى بويىنشا وقۋعا ءتۇسىپ­تى. جو­­عارى وقۋ ورنىنا ءتۇس­كەن تالاپ­كەر­لەردىڭ ءتىزىمى جاريا­لان­­عان «ەگەمەن قازاقستان» گازەتىنەن قىزىنىڭ اتى-ءجونىن كورگەندە ەر­كىن­نىڭ قۋا­نىشىندا شەك بولماپتى. – كىشى قىزىمىزدىڭ دا ىرگەلى وقۋ ورنىندا ءبىلىم الاتىنىن كورىپ, قاتتى قۋاندىق. جالپى, ءوزىم دە, باۋىرلارىم دا مەكتەپتى جاقسى ۇلگەرىممەن بىتىرگەنبىز. با­لا­لارى­مىزدىڭ جەتىستىككە جەتۋى­نىڭ نەگىزى – التىن ۇيا مەكتەبى مەن ۇستاز­دارى­نىڭ ەسەلى ەڭبەگى جانە ۇنەمى بىلىممەن باسەكەلەسۋگە قۇش­تار بالا­لارى­مىزدىڭ ىزدەنىسىنىڭ جەمىسى دەپ ويلايمىز. ال اتا-انانىڭ بالا­لارىن قاداعالاۋى – وزگەرمەس زاڭدىلىق, بالا الدىن­داعى اسىل بورىشى, – دەيدى وتاعاسى. ەركىن مۋسين قولى قالت ەتسە سپورتپەن شۇعىلدانادى. ءۇيى مەن جۇمىس ورنىنىڭ اراسى ەكى شاقىرىمداي بولسا دا جاياۋ جۇرەدى. سپورتتى سۇيەتىن ازامات 2007 جىلدان باستاپ ەكى جىل قاتارىنان اۋدانداعى مەملەكەتتىك قىزمەتكەرلەر ارا­سىن­دا پرە­زيدەنتىمىزدىڭ سالامات­تى ءومىر سالتىن قالىپتاستىرۋ باعدارلا­م­اسىن جۇزەگە اسىرۋ باعىتىندا وتكىزىلەتىن «پرەزيدەنتتىك قا­شىق­تىق – دەنساۋلىققا اپارار جول» سايىسىندا جۇگىرۋ­دەن ءبىرىنشى ورىنعا يە بولىپتى. فۋتبول, شاحمات ويىندارىن جاق­سى كورەتىن ول وسى سپورت ءتۇر­لەرىنەن دە بىرنەشە رەت وبلىستىق, اۋدان­دىق سايىستارعا قاتىسىپ, جە­ڭىم­پاز اتانىپتى. ءتىپتى, توقسا­نىن­شى جىلداردىڭ باسىندا ءۇش جىل قاتارىنان كاراتەمەن شۇ­عىل­دانعان ەكەن. «ءار ادام بوس ۋاقىتىن سپورتقا ارناسا, سالا­مات­تى ءومىر سالتىن ۇستاۋ دەگەنىمىز وسى ەمەس پە»,— دەيدى ول. مۇحتار مىرزالين, جۋرناليست. اقتوبە وبلىسى, شالقار اۋدانى. __________________________ سۋرەتتە: ەركىن ورمان ۇلى بالالارىمەن بىرگە.