اتوم ەنەرگەتيكاسى جونىندەگى حالىقارالىق اگەنتتىكتىڭ (ماگاتە) مالىمدەمەسى

اتوم ەنەرگەتيكاسى جونىندەگى حالىقارالىق اگەنتتىكتىڭ (ماگاتە) قازاقستان اۋماعىنداعى تومەن بايىتىلعان ۋران بانكىنە قاتىستى اقش, ءباا, گەرمانيا, جاپونيا, يوردانيا, قازاقستان, كانادا, قىتاي, يسپانيا, ماجارستان, نورۆەگيا, وڭتۇستىك كورەيا, ۇلىبريتانيا, فيليپپين, فينليانديا, فرانتسيا, چەحيا جانە شۆەتسيا كوشباسشىلارىنىڭ بىرلەسكەن

مالىمدەمەسى

وتىن تسيكلىنىڭ باستاپقى كەزەڭىندە مۇشە مەملەكەتتەرگە قوسىمشا كەپىلدىكتەر بەرۋگە ارنالعان يادرولىق وتىن جەتكىزۋدى قامتاماسىز ەتۋ تەتىكتەرىنىڭ ءبىرى رەتىندە تومەن بايىتىلعان ۋران (تبۋ) بانكىن قۇرۋدىڭ ماڭىزدىلىعىن اتاي وتىرىپ; اتوم ەنەرگياسى جونىندەگى حالىقارالىق اگەنت­تىكتىڭ (اەحا) قازاقستاندا اەحا-نىڭ تبۋ بانكىن قۇرۋداعى اسا ماڭىزدى كۇش-جىگەرىن اتاي وتىرىپ; قازاقستاننىڭ يادرولىق قارۋدى تاراتپاۋعا جانە حالىقارالىق بەيبىتشىلىككە قاتىستى كەرەمەت قىزمەتتەر اتقارعانىن اتاي وتىرىپ; بارلىق دونورلاردىڭ – «يادرولىق قاۋىپ-قاتەردى ازايتۋ جونىندەگى باستامانىڭ», امەريكا قۇراما شتاتتارىنىڭ, ەۋروپالىق وداقتىڭ, قازاقستاننىڭ, كۋۆەيتتىڭ, نورۆەگيانىڭ, بىرىككەن اراب امىرلىكتەرىنىڭ جانە دۇنيەجۇزىلىك يادرولىق تاسىمالداۋ ينستيتۋتى اتوم ەنەرگەتيكاسى جونىندەگى حالىقارالىق اگەنتتىگىنىڭ تبۋ بانكىنە ەلەۋلى قارجىلىق جارنا قوسقانىن اتاي وتىرىپ; ۆاشينگتوندا يادرولىق قاۋىپسىزدىك جونىندەگى 4-ءشى سامميتكە بايلانىستى جينالعان اقش-تىڭ, ءباا-ءنىڭ, گەرمانيانىڭ, جاپونيانىڭ, يوردانيانىڭ, يسپانيانىڭ, قازاقستاننىڭ, كانادانىڭ, قىتايدىڭ, ماجارستاننىڭ, نورۆەگيانىڭ, وڭتۇستىك كورەيانىڭ, ۇلىبريتانيانىڭ, ءفيليپپيننىڭ, فينليانديانىڭ, فرانتسيانىڭ, چەحيانىڭ جانە شۆەتسيانىڭ كوشباسشىلارى تومەندەگىدەي مالىمدەمەنى قولدايدى:

• اتوم ەنەرگەتيكاسى جونىندەگى حالىقارالىق اگەنتتىكتىڭ تبۋ بانكى – اشىق نارىق نەمەسە تومەن بايىتىلعان ۋران جەتكىزۋدىڭ وزگە دە تەتىكتەرى تۇراقسىزدانعان جاعدايدا ەلدەرگە يادرولىق وتىن جەتكىزۋ كەپىلدىگىن قامتاماسىز ەتۋ جونىندەگى جاھاندىق كۇش-جىگەردىڭ ءبىر ناتيجەسى ەكەنىن اتاپ وتكىمىز كەلەدى;
• وتكەن بىرنەشە اي ىشىندە اتوم ەنەرگەتيكاسى جونىندەگى حالىقارالىق اگەنتتىكتىڭ تبۋ بانكىن قۇرۋعا قاتىستى ەلەۋلى ىلگەرىلەۋگە قول جەتكىزىلگەنىن, سونىڭ ىشىندە:

– 2015 جىلعى ماۋسىم ايىندا اتوم ەنەرگەتيكاسى جونىندەگى حالىقارالىق اگەنتتىك پەن رەسەي فەدەراتسياسى اراسىنداعى اەحا تومەن بايىتىلعان ۋرانىن جانە جابدىقتاردى رەسەي اۋماعى ارقىلى اەحا تبۋ بانكىنە جانە ودان كەرى ترانزيت بويىنشا وتكىزۋ تۋرالى كەلىسىمگە قول قويىلعانىن; – 2015 جىلعى 27 تامىزدا قازاقستاننىڭ سىرتقى ىستەر ءمينيسترى ە.ىدىرىسوۆ جانە اەحا باس ديرەكتورى يۋ.امانو اراسىندا اەحا تبۋ بانكىن قۇرۋ تۋرالى ەلدىك كەلىسىمگە قول قويىلعانىن اتاپ وتەمىز. اتوم ەنەرگەتيكاسى جونىندەگى حالىقارالىق اگەنتتىكتىڭ تومەن بايىتىلعان ۋران بانكىن قۇرۋ جونىندەگى قۇقىقتىق ماسەلەلەر قازاقستان تاراپىنان تولىق شەشىم تاپقانىن راستايمىز جانە ونى كەڭ اۋقىمدى جۇزەگە اسىرۋ ىسىنە كىرىسەمىز دەپ ۇمىتتەنەمىز. اتوم ەنەرگەتيكاسى جونىندەگى حالىقارالىق اگەنتتىكتىڭ تومەن بايىتىلعان ۋران بانكى ءوز قىزمەتىن قاۋىپسىزدىك پەن سەنىمدىلىك جاعدايىندا جۇزەگە اسىرادى دەپ ۇمىتتەنەمىز.