جەڭىمپازدارعا گرانت تابىستالدى

تاياۋدا تۇركىستانداعى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە كەزەكتى III رەسپۋبلي­كا­لىق «ياساۋي» پاندىك وليم­پياداسىنىڭ قورى­تىندىسى جاريالاندى. قازاقستان رەسپۋبليكاسى ءتاۋ­ەل­سىزدىگىنىڭ 25 جىلدىعىنا, احمەت ياساۋي ۋنيۆەرسيتەتىنىڭ 25 جىل­دىعىنا جانە «ياساۋي جىلىنا» وراي ۇيىم­داستىرىلىپ وتىرعان III رەس­پۋبليكالىق «ياساۋي» پاندىك وليم­پياداسىنىڭ نەگىزگى ماقساتى – دارىندى وقۋشىلاردىڭ ينتەللەكتۋالدى جانە شىعارماشىلىق قابىلەتتەرىن ايقىنداۋ. وليمپيادانىڭ قورىتىندى ناتيجەسىن حابارلاعان ۋنيۆەر­سي­تەتتىڭ ءبىرىنشى ۆيتسە-پرەزيدەنتى, پروفەسسور م.كۋتالمىش, وقۋ-ءادىس­تەمەلىك ءىسى جونىندەگى ۆيتسە-پرەزيدەنت ب.احمەتوۆ 59 جەڭىمپازعا ۋنيۆەرسيتەت گرانتىنىڭ سەرتيفيكاتىن تابىستادى. ەكىنشى كەزەڭنەن وتكەن ءبىلىم دوداسىنا باتىس قازاقستان, ماڭ­عىستاۋ, اتىراۋ, اقتوبە, قارا­عاندى, الماتى, قىزىلوردا, شى­عىس قازاقستان, اقمولا, پاۆلودار, قوس­تاناي, جامبىل, سولتۇستىك قا­زاق­ستان, وڭتۇستىك قازاقستان وب­لىس­تارىنان كەلگەن وقۋشىلار قاتىستى. سايىستىڭ ءبىرىنشى كەزەڭى 24, 25, 26 اقپان كۇندەرى online جۇيەسى بويىنشا جۇرگىزىلدى. العاشقى كەزەڭىنە ەلىمىزدىڭ بارلىق ورتا مەك­تەپتەرى مەن نازارباەۆ زيات­كەرلىك مەكتەپتەرىنەن, قازاق-تۇرىك ليتسەيلەرىنەن, «دارىن» مەك­تەپتەرىنەن 5545 وقۋشى قاتىسىپ,  ەكىنشى كەزەڭدە ىرىكتەلگەن 833 وقۋشى 29, 30, 31 ناۋرىز كۇندەرى ۋنيۆەرسيتەت بازاسىندا وتكەن قو­رى­تىندى كەزەڭدە بىلىمدەرىن ساراپتادى. ۇمىتكەرلەر 11 ءپان بويىنشا (فيزيكا, ماتەماتيكا, بيولوگيا, حيميا, ينفورماتيكا, گەوگرافيا, اعىلشىن ءتىلى, قازاقستان تاريحى, جالپى تاريح, قازاق ءتىلى (قازاق ءتىلدى سىنىپتار ءۇشىن), ورىس ءتىلى (ورىس ءتىلدى سىنىپتار ءۇشىن) سىناقتان ءوتىپ, ەڭ ءبىلىمدى 59 وقۋشى جەڭىمپاز دەپ تانىلدى. ەستەرىڭىزگە سالا وتەيىك, 2014 جىلى وليمپيادانىڭ ءبىرىنشى جىلىندا ەلىمىزدىڭ 14 وبلىسىنان 4000 وقۋشى قاتىسىپ 34 وقۋشى ۋنيۆەرسيتەت گرانتىنا يە بولعان بولاتىن. ال, وتكەن جىلى 5000-عا جۋىق وقۋشى باق سىناپ, بۇگىندە II رەسپۋبليكالىق «ياساۋي» پاندىك وليمپياداسىنىڭ جەڭىمپازى اتانعان 33 گرانت يەگەرى ۋنيۆەرسيتەتتە تەگىن ءبىلىم الىپ ءجۇر. قۇرىلعانىنا 25 جىل تولعان حالىق­ارالىق قازاق-تۇرىك ۋنيۆەر­سيتەتى بۇگىنگى تاڭدا 8 مىڭعا جۋىق شاكىرت وقىتۋدا. ەلىمىزدەگى بىرە­گەي ءبىلىم شاڭىراعى جىل سايىن قازاقستاندىق 500 تالاپكەر­گە گرانت ۇسىنۋدى داستۇرگە اي­­نال­دىرعان. قازاقستان جانە ءتۇر­كيا مەم­لەكەت­تەرىنىڭ قامقور­لى­عىنداعى وقۋ وردا­سىنىڭ ءبىلىم­گەرلەرى قازاق, تۇرىك, ورىس, اعىلشىن تىلدەرىندە ءدارىس تىڭدايدى. مارات تەمىربەكوۆ, ۋنيۆەرسيتەتتىڭ كاسىبي باعدار ءبولىمىنىڭ باسشىسى. تۇركىستان.