وڭىرلىك حابتىڭ ونەگەلى ىستەرى

استاناداعى مەملەكەتتىك قىزمەت سالاسىنداعى وڭىرلىك حاب پەن ەكونوميكالىق ى­ن­تى­ماقتاستىق جانە دامۋ ۇيى­مى (ەىدۇ) اراسىندا ىنتى­ماقتاستىق تۋرالى رەسمي حات الماسۋ ءراسىمى بولدى. ۇيىم­دار «كاسىبي مەملەكەتتىك قىز­مەت تۇراقتى دامۋ ماق­سا­تىندا: ەىدۇ ستاندارتتارى مەن قاعيداتتارىن حابتىڭ ەكونوميكاسى قالىپتاسۋ ءۇستىن­دەگى قاتىسۋشى ەلدەر اراسىندا پايدالانۋعا قولداۋ كورسەتۋ» اتتى سەمينار وتكىزدى. ءراسىمنىڭ سوڭىندا ەىدۇ مەملەكەتتىك باسقارۋ جانە وڭىرلىك دامۋ ماسەلەلەرى بو­يىنشا ديرەكتورى رولف ال­تەر مەن مەملەكەتتىك قىز­مەت­ سالاسىنداعى وڭىرلىك حاب­ باسقارۋشى كوميتەت ءتور­اعا­­سى ءاليحان بايمەنوۆ ەىدۇ-عا مۇشە مەملەكەتتەر ءتا­جى­ريبەسىنىڭ حاب قاتىسۋشى ەل­دەر­دىڭ مەملەكەتتىك قىز­مەتىن جە­تىلدىرۋدەگى ماڭىزىن اتاپ ءوتتى. وسى كۇنگى شارالار بارى­سىندا استاناداعى مەملەكەتتىك قىزمەت سالاسىنداعى وڭىرلىك حاب باسقارۋشى كوميتەت ءتور­اعاسى ءاليحان بايمەنوۆ پەن مەملەكەتتىك باسقارۋ بو­يىن­­شا امەريكا قوعامىنىڭ (ASPA) اتقارۋشى ديرەكتورى ۋيليام شيلدس ءوزارا ءتۇسىنىس­تىك پەن ىنتىماقتاستىق تۋرا­لى مەموراندۋمعا قول قويدى. – بۇگىن بىرقاتار ىنتى­ماق­تاستىق قۇجاتىنا قول قوي­دىق. ەكونوميكالىق ىن­تى­ماقتاستىق جانە دامۋ ۇيى­مىمەن ىنتىماقتاستىق ءجونىن­دەگى حاتپەن الماستىق. بۇل ۇيىم الەمدەگى ەڭ دامىعان 34 مەم­لەكەتتى قامتيدى. سون­دىق­تان بۇل ەلدەردىڭ ءتاجى­ريبەسى قاي مەملەكەت ءۇشىن بولسا دا ماڭىزدى, – دەدى ءاليحان بايمەنوۆ. سونداي-اق, استانادا وتىزدان استام ەل وكىلدەرىنىڭ قاتىسۋىمەن مەملەكەتتىك قىز­­مەتتى جەتىلدىرۋدەگى ءارىپ­تەستىكتى نىعايتۋ ماسەلەلەرىن قاراعان جيىن بولدى. ونىڭ اياسىندا مەملەكەتتىك قىزمەت سالاسىنداعى وڭىرلىك حابتىڭ «ساپالى مەملەكەتتىك قىز­مەت ماقساتىنداعى ءارىپ­تەستىك» اتتى كونفەرەنتسياسى ءوتتى. جيىندا استاناداعى مەم­لەكەتتىك قىزمەت سالاسىنداعى وڭىرلىك حاب باسقارۋشى كو­ميتەتى توراعاسى ءاليحان باي­مەنوۆ, بۇۇ تۇراقتى ءۇي­لەس­تىرۋشىسى جانە بۇۇ «دامۋ» باعدارلاماسىنىڭ تۇراقتى وكىلى نوريماسا شيمومۋرا, مەملەكەتتىك قىزمەت ىستەرى ءمينيسترى تالعات دوناقوۆ جانە ەۋروپالىق وداق قا­زاق­­ستانداعى وكىلدىگىنىڭ باس­شىسى ترايان حريستەا ءسوز ءسوي­لەدى. كونفەرەنتسيا جۇ­مىسىنا 30-دان استام ەل وكىلدەرى, ونىڭ ىشىندە مەملەكەتتىك باس­قارۋ بويىنشا امەريكالىق قو­عامداستىق (اSPA) اتقارۋ­شى ديرەكتورى ۋيليام پ.شيلدس, سىبايلاسقان جەم­قور­­لىققا قارسى ەۋروپا كە­ڭە­سى مەملەكەتتەرى توبى (گرەكو) توراعاسى دراگو كوش, سين­گاپۋرداعى مەملەكەتتىك قىزمەتتى جەتىلدىرۋ جونىندەگى بۇۇ «دامۋ» باعدارلاماسى عا­لامدىق ورتالىعىنىڭ ديرەك­تورى ماكس ەۆەرەست-فيلليپس جانە قىتاي مەملەكەتتىك باس­قارۋ اكادەمياسىنىڭ قۇرمەتتى پروفەسسورى سون شيمين قا­تىستى. جيىن بارىسىندا قاتى­سۋ­شىلار مەملەكەتتىك قىزمەتتى جەتىلدىرۋ بويىنشا پىكىرلەسىپ, تاجىريبە الماستى, ايماقتىق ارىپتەستىكتى نىعايتۋ جانە ساراپ­شىلار جەلىسىن دامىتۋ جولدارىن تالقىلادى. سونىمەن بىرگە, وڭىرلىك حابقا مۇشە ەل­دەر وكىلەتتى ورگانداردىڭ جە­تەكشىلەرى: گرۋزيا مەملەكەتتىك قىزمەت بيۋروسى ديرەكتورى ەكاتەرينا كارداۆا, ۋكراينا مەملەكەتتىك قىزمەت بويىنشا ۇلتتىق اگەنتتىك جەتەكشىسى كوستيانتين ۆاششەنكو, پولشا پرەمەر-ءمينيسترى كەڭەسشىسى كشيشتوف باناس, موڭعوليا ازاماتتىق قىزمەت كەڭەسى تۇراق­تى وكىلى كحادكحۋ توگميدا, ارمەنيا ازاماتتىق كەڭەس ءتور­اعاسى مانۆەل باداليان مەم­لەكەتتىك قىزمەتتەگى ارىپتەستىكتى دامىتۋ جونىندەگى ويلارىن ور­تاعا سالدى. ايان ءابدۋالي, «ەگەمەن قازاقستان».