بيزنەستى ترانسفورماتسيالاۋ – بۇگىنگى زامان تالابى

«قازاقستان تەمىر جولى» ۇك» اق-تا بيزنەستى ترانسفورماتسيا­لاۋ باعدارلاماسى جەمىستى جۇرگىزىلىپ جاتىر. بۇل جونىندە ۇلتتىق كومپانيانىڭ كەڭەيتىلگەن جيىنىندا ايتىلدى. شاراعا تەمىرجولشىلار مەن «سامۇرىق-قازىنا» ۇاق» اق-تىڭ باسقارما توراعاسى ومىرزاق شوكەەۆ جانە بىرقاتار مەملەكەتتىك ورگانداردىڭ قىزمەتكەرلەرى قاتىستى. ۇلتتىق كومپانيادا بيز­نەس­تى ترانس­­فورماتسيالاۋ باعدار­لاماسىنا ارنالعان كەڭەيتىلگەن جيىندا كومپانيا پرەزيدەنتى اسقار مامين مەم­لەكەت باسشىسى سالادا اتقارىلۋعا ءتيىس مىندەتتەمەلەردى انىق بەلگىلەپ بەر­گەنىن ايتتى. «ول تاپسىرمالاردىڭ ەڭ ماڭىزدىسى سالاداعى بيزنەستى زامان تالابىنا ساي ترانسفورماتسيالاۋ بولاتىن. بۇل باعىتتا «سامۇرىق-قازىنا» مەن قۇرىلىمنىڭ وزگە دە ەنشىلەس كومپانيالارىندا وتكەن جىلدىڭ كوكتەمىندە باستالعان بيزنەستى ترانس­فورماتسيالاۋ جۇمىسىن «قازاق­ستان تەمىر جولى» ۇلتتىق كومپانياسى دا باعدارلاماعا ساي ناقتى جۇرگىزىپ كەلەدى. اتقارىلعان جۇمىستار از ەمەس. بۇگىنگى جيىندا وسىناۋ ورىندالعان ءىستىڭ ناقتى ناتيجەلەرىن اڭگىمەلەيمىز», دەدى. باعدارلامانى ىسكە اسىرۋ بارىسىندا ۇلتتىق كومپانيادا ءار سالا ۋا­قىت تالابىنا ساي جەتىلدىرىلىپ, الەم­دىك كومپانيالارمەن ينتەگراتسيالانۋ ۇدەرىسى جۇرگىزىلگەنىن ايتىپ ءوتتى. سونداي-اق, كومپانيانى باسقارۋدىڭ جاڭا جۇيەلەرى ەنگىزىلگەنىنە توقتالدى. ءسويتىپ, «قتج» ۇك» اق وزگەرىستەرىن ۇيىم­داستىرۋ كومپانيانىڭ نا­رىق­تاعى ورنىن ايقىنداۋ ءۇشىن تاپ­سىرىس بەرۋشىلەر سۇرانىسىن قاناعاتتاندىرۋعا ىڭعايلانۋىن تالاپ ەتەتىنىن ءبىلدىردى. كەڭەيتىلگەن وتىرىستا «سامۇرىق-قازىنا» ۇاق» اق باس­قارما توراعاسى ءو.شوكەەۆ الەمدىك نارىقتاعى جانە تەحنولوگيالىق ءتۇ­بەگەيلى وزگەرىستەر تالاپقا ساي بولىپ, ىشكى رەزەرۆتەردى تاۋ­ىپ, باسەكەلەستىكتە قولايلى, وڭ­تايلى جولداردى قاراستىرۋ كەرەكتىگىن اتاپ ءوتتى. «الەمدىك جەتەكشى كومپانيالارداعى ىشكى اينالىم ازايدى. نارىقتا وتە قاتال باسەكەلەستىك قالىپتاستى. تەمىرجول سالاسىندا دا سولاي بولىپ وتىر», دەگەن ول قوردىڭ بيزنەستى ترانسفورماتسيالاۋ تۋرالى باستاماشىلىعى دەر كە­زىندە باستالىپ, بۇل ىستە قتج-نىڭ وتە اۋقىمدى جۇمىستار اتقار­عاندىعىن اتاپ ءوتتى. وعان قوسا, ترانس­فورماتسيا ۇدەرىسى – بۇل تەوريا ەمەس, بۇل جۇمىستى پراك­تيكالىق ىستەرمەن دايەكتەي ءتۇسۋ ەكەنىن قاداپ ايتتى. كومپانيا جاڭا وپەراتسيالىق مودەلگە كوشۋدىڭ ءتيىستى ازىرلىك قۇجاتتارىن دايىندادى. 2015 جانە 2016 جىلدارى كومپانيا ستراتەگياسى جاساقتالدى. پايدالى اسەر كوەففيتسيەنتى ستراتەگياسى بەكىتىلدى. پاك بۇتاعىنىڭ جاي-جاپسارى مەن يت جاڭا ارحيتەكتۋراسى جاسالدى. «ترانزيتتىك تاسىمالداعى با­لا­مالى باعدارلارداعى ءبا­سەكە­لەستىكتىڭ جوعارىلىعى تاپسىرىس بەرۋشىلەردىڭ سۇرا­نى­سىن قاناعاتتاندىرۋ ءۇشىن نا­رىقتاعى ۇدەرىستەردى جانە تەحنولوگيالاردى جاڭعىرتىپ, تۇبەگەيلى قۇرىلىمدىق وزگەرىستەردى قاجەت ەتەدى. وسىعان بايلانىستى, «قتج» ۇك» اق-تى ترانسفورماتسيالىق قۇرىلىمداۋدىڭ ۋاقىتى كەلىپ وتىر», دەدى ا.مامين. كومپانيا باسشىسى تەمىرجول سالاسىن مەملەكەتتىك جوسپارعا باي­لانىستى ينستيتۋتتىق ءتۇر­لەن­دىرۋ مەن زاڭدىلىق تالاپتا­رىنا ءساي­كەستەندىرىپ, قايتا قۇ­رى­لىمداۋ بارىسى جونىندە دە ايتتى. «سامۇرىق-قازىنا» بەكىت­كەن 2016 جىلعى جول كارتاسىنا سايكەس, كومپانيا ءوزىنىڭ نەگىزگى قىزمەتىندەگى وزگەرىستەردى ەنگىزۋگە كىرىستى. بۇگىنگى تاڭدا, جاڭا وپە­­راتسيالىق مودەلگە ءوتۋ ءۇشىن ءتيىس­تى دايىندىق قۇجاتتارى ازىرلەندى. ترانس­فور­ماتسيالاۋ اياسىنداعى ناقتى ىسكە كىرىسۋدىڭ ۇيىمداستىرۋ شارالارىن باستاۋ قاجەت. سەبەبى, عالامدىق ەكو­نوميكاداعى قۇرىلىمدىق ءوز­گەرىستەر مەن دامۋ ۇدەرىسى كوم­پانيا بيزنەسىندەگى ءوسىم كوزدەرىن ايقىنداۋعا ىقپال ەتەدى. كومپا­نيا مۋلتيمودالدىق جانە تران­زيتتىك تاسىمالداعى سەگمەنتىن يەم­دەنىپ, سونىمەن قاتار, تاسىمالداۋ جۇمىسىنداعى ساپالىق كورسەتكىش تيىمدىلىگىن كوتەرۋدە», دەدى ا.مامين. ۇلتتىق كومپانيا باسشىسى ەلى­مىزدەگى جانە الەمدەگى جۇك تاسۋ ۇدەرىس­تەرىنە توقتالىپ, بۇدان بىلاي كۇن سايىن جاڭا قىزمەتكە, جاڭا تالاپقا ساي جۇمىس ىستەۋگە ارۋاقىت دايىن بولۋ كەرەكتىگىن قاداپ ايتتى. نۇرباي ەلمۇراتوۆ, «ەگەمەن قازاقستان».