قىزمەت كورسەتۋ اياسى كەڭەيمەك

پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن كەزەكتى ءباسپاسوز ءماسليحاتى «بيزنەستىڭ جول كارتاسى-2020: بيزنەستى سەرۆيستىك قولداۋ» تاقىرىبىنا ارنالدى. وندا «اتامەكەن» ۇكپ باسقارما توراعاسىنىڭ ورىنباسارى تولەمىس شوتانوۆ بۇگىندە كاسىپكەرلىكتى دامىتۋعا بارىنشا مۇمكىندىك جاسالىپ جاتقاندىعىن ايتتى. ت.شوتانوۆتىڭ مالىمدەۋىنشە, «اتامەكەن» ۇكپ قولداۋىمەن بىلتىر 1600 جاڭا كاسىپورىن اشىلىپتى. 2015 جىلى ۇلتتىق كاسىپكەرلەر پالاتاسى شاعىن جانە ورتا بيزنەس وكىلدەرىنە 30 مىڭنان استام قىزمەت كورسەتكەن. بۇل 2014 جىلعى كورسەتكىشتەن ەكى ەسە كوپ بولىپ وتىر. «سونىڭ ارقاسىندا ءبىز 1600 جاڭا كاسىپورىننىڭ اشىلۋىنا قولداۋ جاسادىق. 2800 كاسىپكەرلىك سۋبەكتىسى بانكتەردەن قارجى الدى. 3600 كاسىپكەرگە جوبالارىن تولىقتاي جۇرگىزىپ بەردىك. وسىنىڭ ناتيجەسىندە ولار ءوز جوبالارىنا 30 ملرد. تەڭگە قارجى تارتتى», دەپ اتاپ ءوتتى ت.شوتانوۆ. ۇكپ توراعاسى ورىنباسارىنىڭ حابارلاۋىنشا, قىزمەت كورسەتۋ ماقساتتارىنا 5 جىلدىق مەرزىمگە 1,6 ملرد. تەڭگە بولىنگەن. «بۇگىندە قازاقستاندا بيز­نەستى قولداۋعا باعىتتالعان 10 مەم­لەكەتتىك باعدارلاما بار. ونىڭ ىشىندە ەڭ ءتيىمدىسى ءارى سۇرانىسقا يە دەپ «بيزنەستىڭ جول كارتاسى-2020» باعدارلاماسىن ايتۋعا بولادى. بۇل باعدارلامانىڭ ەكى كومپونەنتى بار, ياعني قارجىلىق جانە قارجىلىق ەمەس بولىگى. قارجىلىق جاعىنان «دامۋ» كاسىپكەرلىكتى دامىتۋ قورى كومەكتەسسە, قارجىلاي ەمەس كوم­پونەنتتەرىنە «اتامەكەن» ۇلت­تىق كاسىپكەرلەر پالاتاسى جاۋاپتى», دەدى ت.شوتانوۆ. ونىڭ ايتۋىنشا, قارجىسىز جۇزەگە اسىرىلاتىن «ىسكەرلىك بايلانىس­تار» جانە «اعا سەنورلار» دەپ اتالاتىن تاعى ەكى جوبا بار. «ىسكەرلىك بايلانىستار» كاسىپكەرلەردى شەتەلدە تاعىلىمدامادان وتكىزۋگە ارنالعان. ال, ەكىنشىسى «اعا سەنورلار», كەرىسىنشە, دامىعان ەلدەردىڭ تاجىريبەلى ماماندارىن قازاقستانعا شاقىرۋعا ارنالعان. جوعارىدا اتالعان 1,6 ملرد. تەڭ­گە وسى ەكى كومپونەنتتى جۇزەگە اسىرۋعا ءبولىنىپ وتىر. بەس جىل بويى جۇزەگە اسىرامىز دەپ جوس­پارلاپ وتىرمىز. قارجى كولەمى قارجىلىق داعدارىسقا قاراماستان وزگەرىسسىز بولادى», دەدى ۇلتتىق پا­لاتا وكىلى. سونداي-اق, ول كاسىپ­كەرلەر پالاتاسى ۇلتتىق ەكونوميكا مينيسترلىگىنە وتاندىق بيزنەسكە قىزمەت كورسەتۋ اياسىن كە­ڭەيتۋ باعىتىندا ۇسىنىستار ەنگ­ى­زىپ وتىرعاندىعىن اتاپ ءوتتى. «قازىرگى ۋاقىتتا ءبىزدىڭ تاراپىمىزدان كاسىپكەرلەرگە كورسەتىلەتىن 8 قىزمەت ءتۇرى بار: زاڭنامالىق, بۋحگالتەرلىك, كەدەندىك, مەملە­كەتتىك ساتىپ الۋ, مەنەدجمەنت, ماركەتينگ, ساپا دەڭگەيىن باعالاۋدىڭ مەنەدجمەنتتىك جۇيەسى جانە IT-تەحنولوگيالار. بۇل جەردە ساپا دەڭگەيىن باعالاۋدىڭ مەنەدج­مەنتتىك جۇيەسى ءبىزدىڭ ەلدە ۇلكەن سۇرانىسقا يە ەمەس ەكەندىگىن كورىپ وتىرمىز», دەدى ت.شوتانوۆ. ونىڭ ايتۋىنا قاراعاندا, كاسىپكەرلەر قازىر مەملەكەت-جەكەمەنشىك سە­رىكتەستىگى تەتىكتەرىنە قاتىستى اقپا­راتتارعا كوپ قىزىعادى. «ءما­­سەلەن, بىلتىر مەملەكەت-جە­كەمەنشىك سەرىكتەستىك تۋرالى زاڭ شىققان بولاتىن. بۇل كا­سىپ­كەرلەرگە قاراجاتتىڭ جەتىس­پەۋشىلىگى جاعدايىندا ۇلكەن مۇمكىندىكتەر اشىپ وتىر. كاسىپ­كەرلەر وسىنىڭ اياسىندا جوبانى قالاي دايىنداۋ قاجەتتىگىن, رەەسترگە قالاي كىرۋگە بولاتىنىن سۇراپ جاتىر. ءبىز ۇلتتىق ەكونوميكا مينيسترلىگىنە وتاندىق بيزنەسكە قىزمەت كورسەتۋ اياسىن كەڭەيتۋ باعىتىندا بىرقاتار ۇسىنىستار ەنگىزىپ وتىرمىز. سونىڭ ىشىندە مەملەكەت-جەكەمەنشىك سەرىكتەستىگى سالاسىندا بيزنەسكە كەڭەس بەرۋ قىزمەتىن ەنگىزۋ تۋرالى ماسەلەنى دە كوتەردىك», دەدى ت.شوتانوۆ. دينارا بىتىكوۆا, «ەگەمەن قازاقستان».