تىنىشتىق. جۇرەككە تىم ىستىق!

الەمنىڭ بەدەلدى مەملەكەت باسشىلارىن استانا قالاسىندا ءبىر شاڭىراق استىنا جيناپ ەقىۇ ءسامميتىن ۇلكەن تابىسپەن وتكىزۋ بارلىق قازاقستاندىقتاردىڭ ماقتانىشىنا اينالدى. كەڭ اۋ­قىم­دى القالى جيىننىڭ ءساتتى وتۋىنە ەلوردامىزدىڭ ساقشىلارى دا بار كۇش-قۋاتىن جۇمسادى. ناتيجەسىندە ولاردىڭ بىرقاتارى مەملەكەتتىك ناگراداعا يە بولدى. سولاردىڭ ىشىندە ءىى-ءشى دارەجەلى داڭق وردەنىمەن استانا قالالىق ىشكى ىستەر دەپارتامەنتىنىڭ باستىعى, پوليتسيا گەنەرال-مايورى مارات دەمەۋوۆ تە ماراپات­تال­دى. وسى ورايدا ەلوردامىزدىڭ باس ساق­شىسىنا جولىعىپ, قا­لا­داعى كريمينوگەندىك جاعداي تۋرالى سۇراۋدىڭ ءساتى دە تۇسكەن ەدى. – مارات عان ۇلى, وتكەن جى­لى الەم كوز تىككەن ەقىۇ ءسامميتىن ويداعىداي وتكىزۋدە استانا قالالىق ءىىد قىزمەتكەرلەرى قاجىرلى قايرات تانىتا ءبىلدى. ەندى الدا تۇرعان كوپتەگەن ءىرى شارالارعا دايىندىق تاعى باس­تالىپ كەتتى. جالپى بۇگىنگى تاڭ­دا قالاداعى قىلمىستىق احۋال قانداي؟ – ەلباسىنىڭ نۇسقاۋىنا سايكەس قۇقىق قورعاۋ سالاسىن جەتىلدىرۋ, قىلمىسپەن كۇرەس جانە ونى بول­دىرماۋ مەن قوعامدىق قاۋىپسىزدىكتى قامتاماسىز ەتۋ ماقساتىندا ءجۇ­رىپ جاتقان رەفورما ءوز جەمىسىن بەرە باستادى. ەلوردا اۋماعىندا قىل­­مىستىق احۋال تۇراقتى. اسا اۋىر, ونىڭ ىشىندە ادام ءولتىرۋ, دەنەگە اۋىر زاقىم كەلتىرۋ جانە بوپسالاۋ قىلمىستارىنىڭ سانى ءوت­كەن جىلمەن سالىستىرعاندا, از­اي­دى. قىلمىستاردىڭ بارلىق ءتۇ­رىن اشۋ دەڭگەيى جوعارىلادى. 2 ۇيىم­داس­قان قىلمىستىق توپتىڭ كوزى جويىلدى. – قوعامدىق قاۋىپسىزدىكتى قام­تاماسىز ەتۋگە قانشالىقتى كۇش تارتىلۋدا؟ – استانادا قوعامدىق قاۋىپسىز­دىك­تى قامتاماسىز ەتۋ ءۇشىن پوليتسيا ناريادى مەن قوعامدىق كومەك­شىلەردىڭ جۇمىسىنا باسا نازار اۋدارىلادى. كۇن سايىن كوشەگە مىڭنان استام قىزمەتكەر مەن 200 اسكەريلەر شىعىپ, تۇرعىنداردىڭ تىنىشتىعىن قامتاماسىز ەتەدى. وسىنىڭ ارقاسىندا كوشە مەن قوعامدىق ورىندارداعى زاڭ بۇزۋ­شىلىق ەداۋىر تومەندەدى. – قىلمىستىڭ الدىن الۋدا وعان حالىقتىڭ اتسالىسۋى قالاي؟ – قىلمىستىڭ الدىن الۋعا جانە اشۋعا حالىقتىڭ تىكەلەي ات­سا­لىسۋى, قوعامدىق كومەكشىلەردىڭ پوليتسەيلەرگە قولعابىس بەرۋى– قو­عامدىق ءتارتىپتى قامتاماسىز ەتۋدە وتە ءتيىمدى جول. بۇنى باسىم باعىت رەتىندە مەملەكەت باسشىسى دا جولداۋدا قاداپ كورسەتتى. ەلوردادا 500-دەن استام كونسەرج جۇمىس ىستەيدى. وتكەن جىلى ولاردىڭ كومەگىمەن 158 قىلمىستىڭ بەتى اشىلدى. بۇعان قوسا قالامىزداعى 10-نان استام جوعارى وقۋ ورىن­دارىندا قوعامدىق كومەكشىلەر بار. ولار كەز-كەلگەن ۇرلىق, توناۋ نەمەسە الىمجەتتىك وقيعالارى كەزدەسە قالسا, پوليتسياعا حابار بەرىپ, قىلمىستىق ارەكەتتىڭ الدىن-الۋعا نەمەسە تەز ارادا اشىلۋىنا سەپتىگىن تيگىزەدى. – قوعام تاراپىنان پوليتسيا جۇمىسىن باقىلاپ, ولارعا كە­ڭەس بەرىپ وتىراتىندار بار ما؟ – ارينە, بار. بۇگىندە استانا قالالىق ءىىد جانىنان قۇرىلعان قوعامدىق كەڭەس جۇمىس ىستەپ جا­تىر. بۇل ينستيتۋت پوليتسەيلەرگە دەگەن قوعام كوزقاراسىن تۇپكى­لىكتى وزگەرتۋ ۇستىندە. قوعامدىق كەڭەستە ءاربىر شاعىم, ءاربىر ارىز تىڭ­عىلىقتى تەكسەرىلەدى, ورىندى پىكىرلەر, قىلمىسپەن كۇرەسۋدىڭ ءتيىمدى تاسىلدەرى ايتىلادى. كەڭەس­كە بەلگىلى قوعام قايراتكەرلەرى, زاڭ­گەرلەر مۇشە بولعاندىقتان ولار قوعامداعى وزەكتى تاقى­رىپ­تاردى قوزعاپ, ىشكى ىستەر ورگان­دارى جۇ­مىسىن وڭتايلاندىرۋعا اسەر ەتۋدە. ءبىز بۇل باستامالارمەن شەكتەلىپ قالمايمىز. الداعى كۇن­­دەرى ۋچاسكەلىك ينسپەكتورلار­دىڭ جۇمى­سىن جانداندىرۋ ءۇشىن رەسپۋب­ليكالىق «مەن ءسىزدىڭ ۋچاسكەلىك ينسپەكتورىڭىزبىن» اتتى شارا­نىڭ كەزەكتى كەزەڭى باستا­لا­دى. وسى شا­راعا قوعامدىق كومەك­شى­لەردى كوپ­تەپ تارتۋدى جوسپارلاپ وتىرمىز. اڭگىمەلەسكەن الەكساندر تاسبولاتوۆ.