استانا. 3 ءساۋىر. قازاقستان پرەزيدەنتى نۇرسۇلتان نازارباەۆ كۋبا مەملەكەتتىك كەڭەسىنىڭ جانە مينيسترلەر كەڭەسىنىڭ توراعاسىمەن كەزدەستى. بۇل تۋرالى akorda.kz حابارلادى
كەزدەسۋ بارىسىندا مەملەكەتتەر باسشىلارى ەكىجاقتى ىنتىماقتاستىقتى, ساۋدا-ەكونوميكالىق ىقپالداستىقتى, ءبىلىم, مادەنيەت, سپورت, اۋىل شارۋاشىلىعى سالالارىنداعى بايلانىستاردى كەڭەيتۋ جانە ساياسي ديالوگتى جالعاستىرۋ ارقىلى نىعايتۋ جولدارىن تالقىلادى.
نۇرسۇلتان نازارباەۆ پەن راۋل كاسترو دەنساۋلىق ساقتاۋ, فارماتسەۆتيكا جانە بيوتەحنولوگيا سالالارىنداعى ءوزارا ءىس-قيمىل ماسەلەلەرىنە ارنايى توقتالدى. وسى سالادا قازاقستاندىق جانە كۋبالىق مامانداردىڭ تاجىريبە الماسۋ قاجەتتىلىگى اتاپ ءوتىلدى.
تاراپتار حالىقارالىق كۇن تارتىبىندەگى وزەكتى ماسەلەلەردى دە تالقىلادى. ەلباسى بىرىككەن ۇلتتار ۇيىمى قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسىن سايلاۋ بارىسىندا قازاقستاننىڭ كانديداتۋراسىن كۋبانىڭ قولداۋى تۇرعىسىنان قول جەتكەن ۋاعدالاستىققا قاناعاتتانۋشىلىق ءبىلدىردى.
ايان ءابدۋالي.
دەرەك, فوتو: akorda.kz.
