ازەربايجان مەن ارمەنيانىڭ اسكەريلەرى قاقتىعىستى

استانا. 2 ءساۋىر. تاۋلى قاراباقتاعى قاقتىعىستان ازەربايجاننىڭ 200-دەن استام اسكەريلەرى قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. ازەربايجان قورعانىس مينيسترلىگى ارمەنيا تاراپىنان وق اتىلىپ جاتقانىن, ال ارميان اسكەري ۆەدومستۆوسى دا ازەربايجان اسكەريلەرىنىڭ شابۋىل جاساعانىن مالىمدەدى. سونداي-اق, ارمەنيا قورعانىس ءمينيسترى ءباسپاسوز حاتشىسىنىڭ ايتۋىنشا ەلدىڭ قارۋلى كۇشتەرى دە بۇل جانجالدا قارسى شابۋىلعا شىققان. ەكى جاقتان دا ادام شىعىنى بار. ازەربايجان قورعانىس ۆەدومستۆوسىنىڭ ءباسپاسوز حاتشىسى جاقىن ارادا بۇل ماسەلەگە قاتىستى رەسمي مالىمدەمە جاسالاتىنىن ايتتى. ايتا كەتەيىك, ازەربايجان مەن ارمەنيا اراسىنداعى جانجال 1988 جىلى تاۋلى قاراباق سەبەبىنەن باستالعان. ارمياندار كوپ قونىستانعان بۇل ايماق 1991 جىلى ازەربايجان قۇرامىنان شىعاتىنى تۋرالى مالىمدەمە جاسالعاننان كەيىن, مۇنىڭ سوڭى جانجالعا ۇلاسقان. سالدارىنان 30 مىڭعا جۋىق ادام قازا تاپتى. حالىقارالىق بىتىمگەرلەردىڭ قاتىسۋىمەن 1994 جىلى ارمەنيا مەن ازەربايجان اراسىندا قاقتىعىستى توقتاتۋ تۋرالى كەلىسىم جاسالعان. ايان ءابدۋالي. دەرەك, فوتو: ريا «نوۆوستي».