سپورت – وتانشىلدىق دانەكەرى

تاۋەلسىزدىك الاردان ءبىر جىل بۇرىن قاراعاندى پەدينس­تيتۋ­تىنىڭ دەنە تاربيەسى فاكۋلتەتىن ءبى­تىر­گەننەن كەيىنگى شيرەك عاسىر­لىق جۇمىس تاجىريبەمدە ۇققان ءبىر ۇلا­عاتتى جاعداي سول, سپورت ادام­نىڭ بويىندا كوپشىلدىك, ەلشىل­دىك, جولداستىق, وتانشىلدىق سياق­تى جاقسى قاسيەتتەردى تاربيە­لەيدى ەكەن. قاراپ وتىرسام, مەنىڭ ەڭ­بەك ءوتىلىمنىڭ ءوزى تاۋەلسىزدىكپەن قۇر­داس. ولاي بولسا, وسى جىلداردا ءوز ءپانىم ارقىلى قانشاما ەلجان­دى, ىزگىلىككە قۇمار, جاقسى­لىققا قۇشتار بالالاردى مەكتەپ قابىر­عاسىنان تاربيەلەپ شىعار­عانىمدى كوزىمە ويشا ەلەس­تەت­سەم, ماقتانىش سەزىمىنە بولە­نە­مىن. مىسالى, انا ءبىر جىلداردا الماتىداعى ش.ءۋاليحانوۆ اتىن­دا­عى №12 قازاق مەكتەپ-گيمنازياسىندا دەنەشىنىقتىرۋ ءپانىن جۇرگىزگەن ەدىم. كەيىنگى بىرنەشە جىلدا تالعاردا ورنىعىپ, ۇستازدىق ەتىپ جۇرسەم, سونداعى تالاپتى شاكىرتىم دارمەنيار قىدىربەك ۇلى اۋدان اكىمىنىڭ ورىنباسارى بولىپ الدىمنان شىقتى. وقۋشى كەزىندە سپورتتى جاقسى كورۋشى ەدى, سەرگەك تە ەلگەزەك بولاتىن, مىنە, جاس تا بولسا جارقىن بەلەسكە جەتىپ, ەل يگىلىگى جولىنا ۇلەس قوسىپ جۇرگەنىنە مەرەيلەنىپ قالدىم. ەلباسىمىزدىڭ ءبىلىم-وقۋ سالاسىنا ەرەكشە كوڭىل ءبولىپ, قامقورلىق جاساۋىنىڭ ارقاسىندا قازىر قاي مەكتەپتىڭ بولسىن سپورتپەن اينالىسۋ, دەنەشىنىقتىرۋ ءپانىن ماز­مۇندى جۇرگىزۋ ورايىنداعى ماتەريالدىق بازاسى جاقسى. سەكسەن جىلدىق تاريحى بار, قازاقتىڭ تالاي يگى جاقسىلارىن تۇلەتكەن ءبىزدىڭ مەكتەبىمىزدە دە سولاي. سپورت زالىمىز تالاپقا ساي. ءار سپورت سالاسىمەن اينالىسۋعا مۇمكىندىك بەرەتىن قۇرال-جابدىقتار, باس­قاداي دا جان-جاقتى جاعدايلار بارشىلىق. ءيا, قازىرگى وزگەرگەن زاماندا جاس ۇرپاق كوڭىلىنىڭ قالاۋى دا وسكەلەڭ. ولار عالامتور, تەلەديدار ارقىلى سپورت جونىندەگى اقپاراتتارعا قانىق. اتا-انالارى دا كەلىپ, بالاسىنىڭ بەيىمىنە وراي قاي سپورت تۇرىمەن شۇعىلدانۋى كەرەكتىگىن اقىلداسىپ تۇرادى. مىنە, وسى كەزدەردە مۇعالىم دە بىلىكتىلىك تانىتۋى ءتيىس. سوندايدا دۇرىس جول سىلتەپ, باعىت-باعدار بەرگەن وقۋشىلارىمىز سپورتتىڭ ءار تۇرىندە وزىندىك جەتىستىكتەرگە جەتىپ تە ءجۇر. ءبىزدىڭ باستى مىندەتىمىز – دەنى ساۋ, قوعامعا قىزمەت ەتۋگە قابى­لەتتى, ساناسىنا سالاماتتىلىق سال­تىن سىڭىرگەن ساليقالى ۇرپاق تاربيە­لەۋ. ولاردىڭ ءبارى بىردەي كەرە­مەت سپورتشى بولىپ شىعۋى شارت ەمەس. بىراق ەلىن سۇيەتىن, شىمىر دا شىنىققان, ومىرگە قۇشتار, سەر­گەك تە سەرپىندى ازاماتتار بولىپ وسسە, ەلى­مىزدىڭ بولاشاعى جارقىن بول­ماق. بۇگىن وسى ۇرپاقتى ەلجىرەي ءسۇيىپ ءبىز تاربيەلەسەك, ەرتەڭ ولار دا ەلىم دەگەندە ەمىرەنىپ تۇرار دار­قان ءجۇ­رەكپەن وردا بۇزىپ, قامال الارى حاق. مىنە, وسى ورايدا سپورت التىن دانەكەر, دەنەشىنىقتىرۋ ءپانى ەل­جاندىلىققا تاربيەلەۋدىڭ قۇرالى ەكەنىنە كوزىم بارعان سايىن جەتە تۇسۋدە. ءار ساباقتا بالالاردىڭ سپورتقا دەگەن قىزىعۋشىلىعىن وياتۋعا تىرىسامىن, ۇلكەن ومىردە ۇلكەن تابىستارعا جەتۋ جولىنداعى سپورت پەن سالاماتتىلىقتىڭ پايداسىن تاپتىشتەپ تۇسىندىرەمىن. نەلىكتەن «ءتانى ساۋدىڭ جانى ساۋ» بولاتىنىنىڭ تەرەڭ ماعىناسىنا ۇڭىلدىرەمىن. وقۋشىلارىمدى ۇلتتىق سپورت ويىندارىنا ىنتالان­دىرامىن, ول جايىندا اۋەلى اڭگى­مەلەپ ايتامىن. ءار توقسان­دا 2-3 ساعاتتان ۋاقىت ءبولىپ, توعىز­قۇمالاق, اسىق اتۋ, ارقان تارتۋ, اۋدارىس­پاق سياقتى ءداستۇرلى ۇلت­تىق سپورت تۇرلەرىنە باۋليمىن. بالا­لاردىڭ كوزدەرى وسىندايدا جانىپ-اق كەتەدى. وسىنداي قىزىق­تى, ماعىنالى داستۇرلەرى بار تۋعان حالقىن, ەلىن سۇيەتىن سەزىمدەرى ويانىپ جاتقانىن ءار ءسات سايىن بايقاپ, ءوزىم دە سۇيىنەمىن. البەتتە, سىنىپتان تىس ۋاقىتتاردا ۆولەيبول, باسكەتبول, فۋتبولمەن اينالىسۋعا دا ۇلكەن كوڭىل بولەمىز. ءبىر ايتارلىعى, ءبىزدىڭ تالعاردا ارمرەستلينگ, ياعني قول كۇرەستىرۋ سپورتى جاقسى دامىعان. بۇل رەتتە تالعارلىق سپورتشىلار الەمدىك, حالىقارالىق جارىستاردىڭ دا تالاي مارتە جەڭىمپازدارى مەن جۇلدەگەرلەرى بولىپ كەلەدى. سولار­دىڭ اراسىندا مەكتەپ وقۋشىلارى دا بار. قول كۇرەستىرۋ سپورتىن ءبىزدىڭ مەكتەپتىڭ ورەندەرى دە سوڭعى ۋاقىتتا جاقسى مەڭگەرە باستادى. مەكتەپتەر مەن كوللەدجدەر وقۋشىلارى اراسىنداعى VIII جازعى سپارتاكيادادا شاكىرتتەرىم كاميلا جاڭاباتىر مەن اداس ەلدار جۇلدەلى ەكىنشى ورىندى ەنشىلەدى. ءوزىم تاۋەلسىزدىكتىڭ 25 جىلدىعىنا ارنالىپ وسكەمەندە وتكەن رەسپۋبليكا چەمپيوناتىنان كۇمىس جۇلدەمەن ورالدىم. بۇعان مەكتەپ ۇجىمى دا مەرەيلەنىپ, وقۋشىلارىم دا ءماز. تۇيىندەپ ايتارىم, مەكتەبىمىزدە دەنەشىنىقتىرۋ ءپانىنىڭ ءمار­تە­بەسى جوعارى. سەبەبى, ونىڭ وسكە­لەڭ ۇر­پاقتى وتانشىلدىققا, سالا­مات­تى­لىق­قا تاربيەلەۋدەگى ۇلەسى زور. ەلى­مىز وسىعان جاعداي جاساپ وتىر. ال سپورت­تى سۇيگەن ادام ءوزىنىڭ ەلىن, كوك بايراعىن دا ءسۇيىپ وسەتىنى ءشۇباسىز. ارمان وتارباي, تالعار قالاسىنداعى ساكەن سەيفۋللين اتىنداعى №2 قازاق ورتا مەكتەبى دەنەشىنىقتىرۋ ءپانىنىڭ مۇعالىمى. الماتى وبلىسى.