وسكەمەن. 1 ءساۋىر. وسكەمەن قالاسىندا تۇڭعىش رەت وبلىستىق ىشكى ىستەر دەپارتامەنتىنىڭ اقپاراتتىق ساراپتاۋ ورتالىعىنىڭ ارناۋلى مۇراعاتىندا «الاش وردا» پارتياسى مۇشەلەرىنىڭ قىزمەتى تۋرالى قۇجاتتار جۇرتشىلىق نازارىنا ۇسىنىلدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ءاليحان بوكەيحان مەن وزگە دە الاشوردالىقتاردىڭ قىزمەتى تۋرالى فوتوقۇجاتتىق كورمەدە «الاش» پارتياسى مۇشەلەرىنىڭ قىلمىستىق ىستەرىنەن ماتەريالدار العاش رەت كورسەتىلىپ وتىر.
«ءبىز وبلىستىق مەملەكەتتىك مۇراعاتتىڭ سۇراۋى بويىنشا شىعىس ءوڭىرىنىڭ اۋماعىندا رەپرەسسياعا ۇشىراعان «الاش» پارتياسىنىڭ 21 مۇشەسىنىڭ مۇراعاتتىق قىلمىستىق ىستەرىنەن مالىمەتتەردى ۇسىنىپ وتىرمىز», – دەيدى ىشكى ىستەر دەپارتامەنتىنىڭ اقپاراتتىق-ساراپتاۋ ورتالىعى مەملەكەتتىك مۇراعاتىنىڭ اعا ينسپەكتورى, پوليتسيا مايورى ءمادينا مولداقانوۆا.
ايتا كەتەيىك, 2014 جىلى ىشكى ىستەر ورگاندارى ۇلتتىق قاۋىپسىزدىك ورگاندارىنان رەپرەسسياعا ۇشىراعان ازاماتتارعا قاتىستى قىلمىستىق ىستەر قابىلداپ العان. قازىر وبلىستىق دەپارتامەنتتە اتالعان تاقىرىپتا 18 مىڭنان استام ءىس ساقتالۋدا.
دۋمان اناش.
دەرەك, فوتو: شىعىس قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
