مەملەكەت باسشىسى كارنەگي قورىنىڭ پرەزيدەنتىمەن كەزدەستى

استانا. 1 ءساۋىر. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ كارنەگي قورىنىڭ باسشىسى ۋيليام بەرنسپەن كەزدەستى. بۇل تۋرالى akorda.kz حابارلادى. كەزدەسۋگە اقش-تىڭ بۇرىنعى قورعانىس ءمينيسترى ۋ.پەرري, اقش-تىڭ بۇرىنعى سەناتورى س.نانن, كاليفورنيا شتاتىنىڭ گۋبەرناتورى دج.براۋن, CNN ارناسىنىڭ نەگىزىن قالاۋشى ت.تەرنەر, Gap كومپانياسىنىڭ بۇرىنعى باسشىسى ە.گاست قاتىستى. كەزدەسۋ بارىسىندا حالىقارالىق كۇن تارتىبىندەگى وزەكتى ماسەلەلەر, سونداي-اق, قازاقستان مەن اقش-تىڭ جاھاندىق انتيادرولىق قوزعالىس اياسىنداعى ىنتىماقتاستىعى تالقىلاندى. نۇرسۇلتان نازارباەۆ بۇرىنعى سەرىكتەستەرمەن كەزدەسىپ, ولارمەن  قازاقستان-امەريكا ىقپالداستىعىن ودان ءارى نىعايتۋ جولدارىن تالقىلاۋ مۇمكىندىگى تۋعانىنا ريزاشىلىق ءبىلدىردى. كارنەگي قورى – الەم ەلدەرى اراسىنداعى ىنتىماقتاستىقتى نىعايتۋ باستى مىندەتى بولىپ جاريالانعان كوممەرتسيالىق ەمەس جەكەمەنشىك ۇيىم. 1910 جىلى قۇرىلعان قور حالىقارالىق ساياسات سالاسىنداعى ءىرى ساراپتاۋ-تالداۋ ورتالىعىنىڭ ءبىرى بولىپ سانالادى. ايان ءابدۋالي. دەرەك, فوتو: akorda.kz.