مامان دايارلاۋدىڭ ماڭىزدىلىعى تالقىلاندى

كەشە قازاقستان رەسپۋبليكاسىنىڭ مەملەكەتتىك حاتشىسى گ.ابدىقالىقوۆانىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ العاشقى وتىرىسى ءوتتى. كوميسسيا وتىرىسىن اشقان گۇلشارا ابدىقالىقوۆا مەملەكەت باسشىسى ن.ءا.نازارباەۆ «قازاق­ستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى جولداۋىندا قازاقستان ەكونوميكاسىن ءارتاراپتاندىرۋ جانە يندۋستريالاندىرۋ ءۇشىن داعدارىسقا قارسى جانە قۇرىلىمدىق قايتا قۇرۋلاردى ىسكە اسىرۋ بويىنشا مەملەكەتتىك مىندەتتەردى ورىنداۋعا قابىلەتتى, جوعارى بىلىكتى ماماندار­دى دايارلاۋ جۇيەسىن بارىنشا دامى­تۋدى تاپسىردى, دەپ اتاپ كورسەتتى. مەملەكەتتىك حاتشى ۇلت جوس­پارىندا ايقىندالعان مىندەتتەر بويىنشا حالىقارالىق دەڭگەيدەگى وتاندىق كاسىپقويلار شوعىرىن قالىپتاستىرۋ ۇدەرىسىندەگى ستيپەنديانىڭ ءرولىن اتاپ ءوتىپ, وسى­عان وراي, الداعى ۋاقىتتا كونكۋرستىق ىرىكتەۋ ساپاسىن جەتىل­دىرۋ بويىنشا بىرنەشە ءىس-شارالار وتكىزىلەتىنىن تىلگە تيەك ەتتى. بيىلدان باستاپ ستيپەنديا الۋعا ۇمىتكەرلەرگە قويىلاتىن تالاپتار كۇشەيتىلگەنى بەلگىلى. دالىرەك ايتساق, شەت ءتىلىن ءبىلۋ دەڭگەيىنە, ديپلومىنىڭ ورتاشا بالىنا, جۇمىس وتىلىنە قاتىستى ءبىرتالاي وزگەرىستەر ەنگىزىلگەن بولاتىن. سونىمەن قاتار, 163 پوزيتسيادان تۇراتىن باسىم ما­مان­دىقتار تىزبەسى جاڭارتىلدى, ونىڭ 41 پايىزى ينجەنەرلىك-تەح­ني­كالىق مامانداردى دايارلاۋعا باعىت­تالعان. كوميسسيا وتىرىسىندا «100 ناق­تى قادام» – ۇلت جوسپارىنىڭ جو­بالارى ءۇشىن ماقساتتى تاپسى­رىس­تار نەگىزىندە مامانداردى دايار­لاۋعا باعىتتالعان تاعىلىمداما باع­دارلاماسى بويىنشا قازاقستان رەس­پۋبليكاسى پرەزيدەنتىنىڭ «بو­لاشاق» حالىقارالىق ستيپەن­ديا­سىنىڭ كونكۋرسىنا قاتىسۋ ءۇشىن قىزمەتكەرلەر ساناتىنىڭ انىق­تال­عانىن دا ايتا كەتسەك دەيمىز. وتىرىستى قورىتىندىلاي كەلە, مەملەكەتتىك حاتشى گۇلشارا ءاب­دى­قالىقوۆا «بولاشاق» حالىقارالىق ستيپەندياسىن ىسكە اسىرۋ تەتىگىنىڭ تيىمدىلىگىن ودان ءارى جەتىلدىرۋ جانە ارتتىرۋ بويىنشا بىرقاتار تاپسىرمالار بەردى. راۋان قايدار, «ەگەمەن قازاقستان».