فوتو: kaztag.kz
قاراجات 1:50 000 ماسشتابىنداعى ەكىنشى بۋىندى (گس2-50) 20 گەولوگيالىق ءتۇسىرىلىم جوباسىن جۇزەگە اسىرۋدى باستاۋعا باعىتتالادى. جۇمىستار شامامەن 100 مىڭ شارشى شاقىرىمدى قامتيدى, ءبىر ۋچاسكەنىڭ ورتاشا اۋدانى – شامامەن 5 مىڭ شارشى شاقىرىم. گس2-50 باعدارلاماسى زاماناۋي گەوفيزيكالىق, قاشىقتىقتان جانە گەوحيميالىق زەرتتەۋ ادىستەرىن, سونداي-اق دەرەكتەردى تەرەڭ تسيفرلىق وڭدەۋدى قولدانۋدى قاراستىرادى. بۇل وزەكتى گەولوگيالىق كارتالاردى قالىپتاستىرۋعا جانە پەرسپەكتيۆالى ۋچاسكەلەردى انىقتاۋعا مۇمكىندىك بەرەدى.
بيىل اەروگەوفيزيكالىق جانە دالالىق جۇمىستار, سونىڭ ىشىندە گەوحيميا, بۇرعىلاۋ جانە ارىقتار قازۋ جوسپارلانعان. دالا جۇمىستارى ماۋسىمىنىڭ قورىتىندىسى بويىنشا سىنامالارعا الدىن الا زەرتحانالىق تالداۋ جۇرگىزىلەدى.
شىمكەنت فارماتسەۆتيكاسىنا 39,5 ملرد تەڭگە ينۆەستيتسيا قۇيىلادى
بولجامدى رەسۋرستاردى ناقتىلاي وتىرىپ, انىقتالعان جانە بۇرىن بەلگىلى كەن ايماقتارى مەن پەرسپەكتيۆالى الاڭداردى مامانداندىرىلعان زەرتتەۋگە, سونداي-اق بولجامدى رەسۋرستاردى ەسەپتەي وتىرىپ, كەن القاپتارىن باعالاۋعا ەرەكشە نازار اۋدارىلادى. الىنعان ناتيجەلەر ەگجەي-تەگجەيلى ىزدەۋ جانە بارلاۋ جۇمىستارىن جۇرگىزۋگە نەگىز بولادى. گەولوگيالىق ءتۇسىرىلىم اقمولا, اقتوبە, الماتى, شىعىس قازاقستان, قاراعاندى, قوستاناي, سولتۇستىك قازاقستان, ماڭعىستاۋ, تۇركىستان وبلىستارىنىڭ, سونداي-اق اباي, ۇلىتاۋ وبلىستارىنىڭ اۋماقتارىن قامتيدى.
سونداي-اق شۋ-سارىسۋ جانە سولتۇستىك تورعاي اۋماقتارىندا زەرتتەلمەگەن مۇناي-گاز پەرسپەكتيۆالى شوگىندى باسسەيندەردىڭ 2D سەيسميكالىق بارلاۋ جۇمىستارىنىڭ 6 جوباسىن جۇزەگە اسىرۋ كوزدەلگەن. قازىرگى ۋاقىتتا ولاردىڭ گەولوگيالىق زەرتتەۋ دەڭگەيى كومىرسۋتەكتەردىڭ مۇناي-گازدىڭ جەتكىلىكتى مولشەرى مەن رەسۋرستىق الەۋەتىن سەنىمدى باعالاۋدى قامتاماسىز ەتپەيدى. سەيسميكالىق بارلاۋدى جۇرگىزۋ مۇناي مەن گاز كەن ورىندارىن لوكاليزاتسيالاۋ ءۇشىن پەرسپەكتيۆالى قۇرىلىمداردى انىقتاۋعا, سونداي-اق ولاردىڭ الەۋەتتى كولەمىن باعالاۋعا مۇمكىندىك بەرەدى.
ۇكىمەتتىڭ ءباسپاسوز قىزمەتىنىڭ مالىمەتىنشە, بارلىق جوبانى 2028 جىلدىڭ سوڭىنا دەيىن اياقتاۋ جوسپارلانىپ وتىر. جالپى, ءۇش جىلدىق كەزەڭدە مەملەكەتتىك گەولوگيالىق زەرتتەۋگە شامامەن 240 ملرد تەڭگە قاراستىرىلعان.
ولجاس بەكتەنوۆ: ازاماتتاردىڭ تابىسىن ارتتىرۋعا باسا نازار اۋدارىلادى
وسى ءىس-شارالاردى جۇزەگە اسىرۋ ەل اۋماعىن گەولوگيالىق زەردەلەۋ دەڭگەيىن ارتتىرۋعا, ودان ءارى زەرتتەۋ ءۇشىن پەرسپەكتيۆالى ۋچاسكەلەردى انىقتاۋعا جانە قازاقستاننىڭ مينەرالدىق-شيكىزات بازاسىن تولىقتىرۋ ءۇشىن جاعدايلار جاساۋعا مۇمكىندىك بەرەدى.
