اۋەجايلار قىزمەتى تالاپقا ساي بولۋى ءتيىس

كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ ۇكىمەت ۇيىندە وتاندىق اۋەجايلاردى دامىتۋ ماسەلەسى  بويىنشا كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. قازىرگى ۋاقىتتا رەسپۋبليكادا 20 اۋەجاي جۇمىس ىستەيدى. ولاردىڭ 12-ءسى مەملەكەتتىك اۋەجايلار (8-ءى «Airport Management Group» جشس-ءنىڭ سەنىمدى باسقارۋىندا), 6-ۋى جەكەنىڭ مەنشىگىندە, 2-ءۋى كونتسەسسيادا. 2015 جىل ىشىندە اۋەجايلار شامامەن 12 ملن. جولاۋشىعا قىزمەت كور­­سەت­­تى. قازاقستاننان 82 باعىت بويىنشا حالىقارالىق تاسىمالدار ورىن­­دالادى. ولاردى 2 قازاقستاندىق («ەير استانا» جانە «سكات») جانە شەتەل­­دىك اۋە تاسىمالداۋشىلار جۇزەگە اسى­رادى. ىشكى اۋە رەيستەرىن 42 با­عىت بو­يىنشا 6 قازاق­ستاندىق اۋە كومپا­نيا­لارى ورىندايدى. رەسپۋبليكالىق بيۋدجەت قارجى­لارى ەسەبىنەن قازاقستاننىڭ 13 اۋەجايىنا جالپى سوماسى 97 ملرد. تەڭگەگە قايتا جاڭعىرتۋ جۇمىس­تارى جۇرگىزىلدى. ونىڭ سىرتىندا, 2015 جىلدىڭ قاڭتارىندا «نۇر­لى جول» مەملەكەتتىك باعدارلا­ماسى شەڭبەرىندە استانا قالاسى اۋەجايى­نىڭ جولاۋشىلار تەرمينالىنىڭ قۇرى­لىسى باستالدى. جوبادا قازىرگى جۇمىس ىستەپ تۇرعان تەرمينالدى كەڭەي­تۋ جانە وتكىزۋ قابىلەتىن جىلىنا 7 ملن. جولاۋشىعا دەيىن جەتكىزۋ قاراس­تىرىلعان. كەڭەس قورىتىندىسى بويىنشا با­قىتجان ساعىنتاەۆ وتاندىق مەملەكەتتىك ورگاندار مەن اۋەجاي باسشىلىعىنا اۆياتسيالىق قاۋىپسىزدىك ماسە­لە­لەرىنە نازار اۋدارۋدى, اتاپ ايت­قاندا, جولاۋشىلار تەر­مينال­دارىندا زا­ماناۋي تەكسەرۋ جابدىق­تارىن ورناتۋدى تاپسىردى. سول سياق­تى ارنايى تەحنيكامەن ء(ورت ءسوندى­رۋ ماشينالارى, قار جي­ناعىش جانە مۇز­داققا قار­سى تەحنيكا, باسپالداق­تار) جا­راق­تان­دىرۋعا ايرىقشا كوڭىل ءبولۋ قاجەت. ونىڭ سىرتىندا اۋە­جايلار قىزمەتىنىڭ  ەكونو­ميكالىق ءتيىم­دىلىگىن ۇلعاي­تۋ, مەنەدجمەنت دەڭ­گەيىن ارتتىرۋ, دامۋ ءۇشىن جاڭا قار­­جى كوزدەرىن تارتۋ جولدارىن ءىز­دەستىرۋ بويىنشا شا­رالار قابىلداۋ تاپسىرىلدى.