ورتاق ىسكە جۇمىلدىراتىن ساياسي كۇش

وبلىسقا جۇمىس ساپارىمەن كەلگەن «نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ پارتيانىڭ وبلىستىق فيليالىنىڭ كەزەكتەن تىس ءحىح كونفەرەنتسياسىنا قاتىستى. كونفەرەنتسيادا «نۇر وتان» پارتياسى وبلىستىق فيليالىنىڭ جاڭا توراعاسى بولىپ, وبلىس اكىمى بولات باقاۋوۆ سايلاندى. – ماعان وبلىس اكىمى لاۋازىمىمەن قاتار, تاعى ءبىر اسا جاۋاپتى مىندەت جۇكتەلىپ وتىر. بۇل مىندەتتى ءبارىمىز بىرلەسىپ, ابىرويمەن اتقارامىز دەگەن سەنىمدەمىن. ەلباسىمىز, پارتيا توراعاسى نۇرسۇلتان نازارباەۆتىڭ پارتيا الدىنا قويعان بارلىق مىندەتتەردى اتقارۋ جولىندا ناتيجەلى جۇمىس جاسايتىن بولامىز, – دەدى وبلىس اكىمى جيىندا. ال ا.مىرزاحمەتوۆ ءوز سوزىندە پارتيا جۇمىسىن نىعايتۋ جولىنداعى اتقارعان قىزمەتى ءۇشىن ەكى جىلدان استام ۋاقىت فيليالعا باسشىلىق ەتكەن بۇرىنعى وبلىس اكىمى قانات بوزىمباەۆقا نۇروتاندىقتاردىڭ اتىنان العىس ءبىلدىردى. فيليالدىڭ جاڭا توراعاسى بولات باقاۋوۆقا وسى ۋاقىتقا دەيىن ءتۇرلى باسقارۋ سالالارىندا جيناقتاعان مول تاجىريبەسى ارقىلى ءوڭىردى الەۋمەتتىك-ەكونوميكالىق تۇرعىدا دامىتۋدا, پارتيا توراعاسى العا قويعان مىندەتتەردى ورىنداۋدا تابىستى ناتيجەلەرگە قول جەتكىزۋگە كومەك بولاتىنىنا سەنىمدى ەكەنىن ايتتى. ءوندىرىستى وڭىردە ەلباسىنىڭ پارتيا الدىنا قويعان مىندەتتەردى ويداعىداي جۇزەگە اسىرۋ جولىنداعى جۇمىسىنا ساتتىلىك تىلەدى. سونىمەن قاتار, كونفەرەنتسيا بارىسىندا توراعانىڭ ءبىرىنشى ورىنباسارى جيىنعا قاتىسۋشىلاردى ەلىمىزدىڭ ومىرىندەگى ماڭىزدى وقيعا – جاقىندا عانا وتكەن ءماجىلىس پەن ءماسليحاتتار سايلاۋلارىنداعى جەڭىسپەن قۇتتىقتاپ, اتقارعان ەڭبەكتەرى ءۇشىن العىسىن جەتكىزدى. «جالپى, سايلاۋعا قاتىسۋشىلار سانىنىڭ 77 پايىزدان اسۋى, ونىڭ ىشىندە قازاقستاندىقتاردىڭ 82 پايىزدان استامىنىڭ «نۇر وتان» پارتياسىن قولداۋى – بۇل رەكوردتىق كورسەتكىش. ال پاۆلودار ءوڭىرى سايلاۋشىلارىنىڭ بەلسەندىلىگى بۇل جولى دا جوعارى بولدى, «نۇر وتانعا» سايلاۋشىلاردىڭ 82 پايىزعا جۋىعى داۋىس بەردى», – دەدى ا.مىرزاحمەتوۆ. ا.مىرزاحمەتوۆ اتاپ وتكەندەي, مۇنداي ەلەۋلى كورسەتكىشتەر ەڭ الدىمەن پارتيانىڭ وبلىستىق فيليالى مەن اۋماقتىق بولىمشەلەرى قىزمەتكەرلەرىنىڭ, باستاۋىش پارتيا ۇيىمدارىنىڭ جانە پارتيا بەلسەندىلەرىنىڭ تىنىمسىز ەڭبەگىنىڭ ناتيجەسى دەۋگە بولادى. ءماسليحات دەپۋتاتتارى سايلاۋىنىڭ قورىتىندىسى بويىنشا, وبلىس اۋماعىندا «نۇر وتان» پارتياسىنىڭ مۇشەلەرى 206 ورىننىڭ 197-سىنە يە بولدى. پارتيا توراعاسى ءبىرىنشى ورىنباسارىنىڭ پىكىرىنشە, «بۇل كۇندەرى «نۇر وتان» – حالىقپەن ۇنەمى تىعىز بايلانىس ورناتىپ كەلە جاتقان, سايلاۋالدى باعدارلامالىق تۇعىرناماسىن ناقتى ورىندايتىن ساياسي ۇيىم. بۇل سايلاۋعا دەيىن دە, كەشەگى وتكەن سايلاۋ بارىسىندا حالىقتىڭ بەرگەن باعاسىنان, شىنايى قولداۋىنان دا انىق كورىندى». «نۇر وتان» پارتياسى ەل سەنىمىن اقتاۋمەن قاتار, كۇردەلى ەكونوميكالىق جاعدايدا ءوز ماڭىنا جۇرتشىلىقتى توپتاس­تىراتىن پارتيا بولۋى كەرەك, دەگەن ەلباسىنىڭ تاپسىرماسىنا سايكەس, ەلدەگى جەتەكشى ساياسي كۇش رەتىندە ول قازاقستاندىقتاردى بەس ينستيتۋتتىق رەفورمانى جۇزەگە اسىرۋدى قامتاماسىز ەتەتىن «100 ناقتى قادام» ۇلت جوسپارىن ورىنداۋعا جۇمىلدىرۋدا باستى ءرول اتقارۋى ءتيىس. سوندىقتان مەم­لەكەتتىك باعدارلامالاردىڭ جۇزەگە اسىرىلۋىنا ءتيىمدى باقىلاۋ ورناتۋ, وسىعان بايلانىستى ەل اراسىندا ءتۇسىندىرۋ جۇمىستارىن جۇرگىزۋ سىندى مىندەتتەرگە باسىمدىق بەرىلىپ وتىر. كونفەرەنتسيا بارىسىندا پارتيانىڭ وبلىستىق فيليالى سايا­سي كەڭەسىنىڭ مۇشەلەرى, وبلىستىق ماسليحاتتاعى دەپۋتاتتىق فراكتسيا جەتەكشىسى, وبلىستىق پەريناتالدىق ورتالىقتىڭ باس دارىگەرى ا.وسپانوۆا, وبلىستىق ءماسليحاتتىڭ دەپۋتاتى, «گاليتسكوە» جشس-ءنىڭ ديرەكتورى ا.كاسيتسين جانە پاۆلودار قالالىق «ۋپنك-پۆ» جشس-ءنىڭ قىزمەتكەرى, «بولاشاق» باعدارلاماسىنىڭ تۇلەگى ۋ.ناۋرىزباي ءسوز سويلەدى. فاريدا بىقاي, «ەگەمەن قازاقستان». پاۆلودار وبلىسى.