ءۇندىستاندا كوپىر قۇلاپ, 22 ادامنىڭ ءومىرىن ج ۇلىپ كەتتى

استانا. 31 ناۋرىز. ءۇندىستاننىڭ شىعىسىنداعى باتىس بەنگاليا شتاتىنا قاراستى كالكۋتتە قالاسىندا سالىنىپ جاتقان كوپىر قۇلاپ, قازا تاپقاندار سانى 22 ادامعا جەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. قۇتقارۋشىلار توبى وقيعا ورنىندا ىزدەۋ جۇمىستارىن جۇرگىزىپ جاتىر. ولار قازا تاپقانداردان بولەك 150-دەن استام ادامدى ءۇيىندى استىنان امان الىپ شىقتى. الايدا, 78 ادام قاتتى جاراقات العان كۇيدە اۋرۋحانالارعا جەتكىزىلدى. دارىگەرلەر ولاردىڭ جاعدايى تىم اۋىر دەپ باعالاپ وتىر. قازا تاپقانداردىڭ سانى ارتۋى مۇمكىن دەگەن دە بولجام بار. ال قيراندى استىندا ءالى 100-گە جۋىق ادام بار. ماماندار كوپىر جۇمىسىن جوبالاۋدا نەمەسە قۇرىلىس جۇمىسىندا اقاۋلار بولعان دەگەن شەشىم شىعاردى. الدىن الا تەكسەرۋ بويىنشا, كەم دەگەندە ەكى تىرەۋىش اۋىر سالماققا شىداماعان. سونداي-اق, اپات ورنىندا ءورت شىققان. اسپالى كوپىر قۇلاعان كەزدە جانارماي اكەلە جاتقان جۇك كولىكتەرىنىڭ بولعانى انىقتالدى. ايان ءابدۋالي. دەرەك, فوتو: تاسس.