جۋرناليستەرگە ەركىندىك بەرەتىن زاڭ

ۋكراينا پارلامەنتى اقپاراتتىق سالادا رەۆوليۋتسيالىق رەتىندە سانالاتىن «اقپاراتتار تۋرالى» جانە «كوپشىلىك اقپاراتقا قولجەتىمدىلىك تۋرالى» زاڭداردى قابىلدادى. وسى اتالعان زاڭدارعا بيلىك وكىلدەرى دە, وپپوزيتسياداعى دەپۋتاتتار دا بىردەي داۋىس بەرگەن. قۇجات تسەنزۋرا دەگەننىڭ نە ەكەنىنە انىقتاما بەرە وتىرىپ, ونى قولدانۋعا تىيىم سالادى, اقپارات­تاردى الۋ, ولاردى الماسۋ, پىكىرلەر مەن سەنىمدەردى ءبىلدىرۋ ەركىندىگى قۇقىلارىنا كەپىلدىك بەرەدى. سول سياقتى ادامداردى ولاردىڭ جەكە باستارى مەن وتباسىلىق ومىرلەرىنە ارالاسۋدان قورعاۋ دا وسى قۇجاتتا قاراستىرىلعان. سونىمەن بىرگە قابىل­دانعان زاڭدار جۋرناليستەردىڭ كاسىبي قىزمەتىنە ارالاسۋعا, اقپاراتتاردىڭ مازمۇنىنا باقىلاۋ جاساۋعا جانە جەكەلەگەن تاقىرىپتاردى جازۋعا تىيىم سالادى. گۋمانيتارلىق كومەك جەتكىزىلۋدە اۆستراليانىڭ سۋ تاسقىنىنان زارداپ شەككەن بريسبەن قالاسىنىڭ حالقىنا ازىق-ت ۇلىك, سۋ, مەديكامەنتتەر ءتارىزدى العاشقى گۋمانيتارلىق كومەك جەتكىزىلدى. توقتاۋسىز جاۋعان نوسەر جاۋىننىڭ سال­دارىنان 25 مىڭنان استام بىرنەشە كۇننەن بەرى ەلەكتر جارىعى, اۋىز سۋ مەن ازىق-ت ۇلىك جوق, جارتىلاي سۋ باسقان ۇيلەردە قالۋدا, دەپ حابارلادى يتار-تاسس اگەنتتىگى. بريسبەن­نىڭ لورد-مەرى كەمپبەلل نيۋماننىڭ ايتۋىنشا, ءبىرىنشى كەزەكتە قاجەتتى زاتتاردى جەتكىزىپ بەرۋمەن قورعانىس ۆەدومستۆو­سى مەن پوليتسيا اينالىسۋدا. ىزدەۋ-قۇتقارۋ جۇمىستارىنا 1,2 مىڭ اسكەريلەر جۇمىل­دىرىلعان. سوڭعى مالىمەتتەر بويىنشا قۇربان بولعاندار سانى 15 ادامعا جەتكەن, تاعى 51 ادامنىڭ تاعدىرى ازىرگە بەلگىسىز كۇيىندە قالىپ وتىر. ۇشاق اپاتى ءۇشىن كىم كىنالى؟ سمولەنسك قالاسىنىڭ تۇبىندە وتكەن جىلدىڭ كوكتەمىندە بولعان ۇشاق اپاتى ءۇشىن پولشا جاعىنىڭ جاۋاپتى ەكەندىگى ايدان-انىق دەپ ەسەپتەيدى وسى ەلدىڭ بۇرىنعى پرەزيدەنتى لەح ۆالەنسا. پولشانىڭ قازىرگى باسشىسى برونيسلاۆ كوموروۆسكي دە حالىقارالىق اۆياتسيا كوميتەتىنىڭ قورىتىن­دىلارىنا ەش كۇمان كەلتىرمەيدى. تاياۋ  ۋاقىتتاردا ەل پرەزي­دەنتىنىڭ قازا تابۋىنا اكەلىپ سوقتىرعان سمولەنسك تۇبىندەگى اپاتتىڭ سەبەپتەرى مەن جاعدايلارىنا قاتىستى پولشالىق نۇسقا دا پايدا بولماق. بۇل جونىندە اۋە اپاتى تۋرالى حاك-ءتىڭ بايانداماسىن تولىققاندى ەمەس دەپ سانايتىن پولشا پرەمەر-ءمينيسترى دونالد تۋسك ۆارشاۆادا وتكەن ءباسپاسوز ءماسليحاتىندا حابارلادى. ال تەرگەۋ قورىتىندىلارى قايعىلى وقيعاعا ۇشاق ەكيپاجى كىنالى دەپ تاۋىپ وتىر. ينتەرنەت ماتەريالدارى نەگىزىندە دايىندالدى.