كارتوپتىڭ باعاسى 170 تەڭگەگە جەتتى!

ماسساعان! اينالاسى ءبىر اپتانىڭ ىشىندە قوس­تا­نايدىڭ ورتالىعىنداعى كوكبازار مەن  كوكونىس دۇكەندەرىندە  كارتوپتىڭ  ءبىر كيلوسىنىڭ با­عاسى 170 تەڭگەگە كوتەرىلدى. ودان  ءسابىز, قىزىلشا, كاپۋستا دا قالعان جوق, ولاردىڭ باعاسى دا 150 تەڭگەگە جەتىپ جىعىلدى. وتكەن جىلدىڭ وسى مەرزىمىمەن سالىستىرعاندا باعا ءۇش ەسەگە قىمباتتاعان. تەك وبلىس ورتا­لىعىندا عانا ەمەس, ليساكوۆ, ارقالىق جانە بىرقاتار اۋدانداردىڭ تۇرعىندارى دا قىم­باتشىلىقتى سەزىنىپ وتىر. وبلىستاعى كوكونىس وسىرەتىن جانە ساقتايتىن كاسىپورىندار باس­شىلارىنىڭ ايتۋىنشا, كارتوپقا باعانىڭ شا­رىقتاۋى وعان دەگەن سۇرانىستىڭ كۇشەيۋىنەن بولىپ وتىر. وبلىستا كوكونىس وسىرەتىن  ءىرى سەرىكتەستىڭ ءبىرى «يۆولگا-حولدينگ»  كارتوپ پەن كوكونىستىڭ باسقا تۇرلەرىن سۇرانىس بىلدىرگەندەرگە كوتەرمە  ارتۋدان باس تارتتى. قوي­مادا ازىق-ت ۇلىكتىڭ بۇل ءتۇرى تاۋار جەتكىلىكتى بولعانمەن ونى سۇراعاندارعا كوتەرمە بەرە بەرسە,  كوكتەمگە جەتپەي تاۋسىلادى. تەك «يۆولگا-حولدينگ» قانا ەمەس, كارتوپ مەن كوكونىس وسىرەتىن باسقا  كاسىپورىندار دا وسىنداي  ۇستانىمدا وتىر. بۇرناعى جىلدارى قوستاناي بازارى رەسەيدەن  اكەلىنگەن كارتوپپەن دە مولىعاتىن. ال بىلتىر قۋاڭشىلىققا بايلانىستى وبلىستا كارتوپتىڭ شىعىمى  اسا ءماز بولعان جوق. بيىل تۇتىنۋشىلارعا تەك  وبلىس اۋىل­شارۋاشىلىق تاۋارىن وندىرۋشىلەر وسىرگەن  كوكونىس قانا ۇسىنىلعاندىقتان ونىڭ  تاپ­شىلىعى بىلىنبەي قالعان جوق, سوعان وراي باعانىڭ الدە دە ءوسۋى ابدەن مۇمكىن. ءنازيرا جارىمبەتوۆا, قوستاناي.