ايەلدەر بيزنەسىندەگى «جاسىل» تەحنولوگيالار

قازاقستان رەسپۋبليكاسى پرەزيدەن­تى جانىنداعى ايەلدەر ىستەرى جانە وتباسىلىق دەموگرافيالىق سايا­سات جونىندەگى ۇلتتىق كوميسسيا مەن قازاق­ستانداعى بۇۇ دامۋ باعدار­لاماسى «ايەلدەردىڭ قۇقىقتارى مەن مۇمكىنشىلىكتەرىن كەڭەيتۋ» جوباسى اياسىندا, «Expo&Women» حالىقارالىق ۇيىمى جانە «اقبوتا» قوعامدىق ۇيىمىمەن بىرلەسىپ «جاسىل تەحنولوگيالاردىڭ ۇلتتىق اكادەمياسى» ءبىلىم تاراتۋ ورتالىعىندا «ايەلدەر بيزنەسىن دامىتۋعا ارنالعان جاسىل تەحنولوگيالار» تاقىرىبىندا سەمينار-ترەنينگ وتكىزدى. ونىڭ جۇمىسىنا اقمولا وبلىسىنىڭ وتىزدان استام ىسكەر ايەلدەرى قاتىستى. سەميناردىڭ اشىلۋ راسىمىندە پارلامەنت ءماجىلىسىنىڭ ءىV-V شاقىرى­لىمىنىڭ دەپۋتاتى ايگۇل سولوۆەۆا, «EXPO&WOMEN» حالىقارالىق ۇيىمىنىڭ تورالقا ءتورايىمى سالتانات راقىمبەكوۆا, پرەزيدەنت جانىنداعى ايەلدەر ىستەرى جانە وتباسىلىق دەموگرافيالىق ساياسات جونىندەگى ۇلت­تىق كوميسسيا حاتشىلىعىنىڭ مەڭگە­رۋشىسى ەرلان رايعانيەۆ, «اقبوتا» قوعامدىق قورىنىڭ ديرەكتورى تاتيانا نەمتسان قۇتتىقتاۋ ءسوز سويلەپ, «جاسىل تەحنولوگيالاردىڭ ۇلتتىق اكادەميا­سى» ورتالىعى ۇلگىسىندەگى «جاسىل كە­شەندەردى» قۇرۋ مەن پايدالانۋدىڭ ارتىقشىلىعى تۋرالى اڭگىمەلەدى. ارناساي اۋىلىندا وتكەن ماڭىزدى شارانىڭ نەگىزگى ماقساتى ايەلدەردى ەكسپو-2017 كورمەسىنىڭ جۇمىسىنا جۇمىلدىرۋ, اقمولا وبلىسىنداعى كاسىپكەر ايەلدەرگە «جاسىل» كاسىپكەر­لىكتى ۇيىمداستىرۋدى ۇيرەتۋ, جەكە كا­سىپكەرلىكتى دامىتۋدا جانە ەكولوگيالىق تازا اۋىلشارۋاشىلىق ونىمدەرىن وندىرۋدە «جاسىل» تەحنولوگيالاردى قولدانۋدى ناسيحاتتاۋ بولىپ تابىلادى. وسى رەتتە ءبىلىم تاراتۋ ورتالىعى 2015 جىلدىڭ 4 قىركۇيەگىندە ۇلتتىق كوميسسيا مەن بۇۇ دامۋ باعدارلاماسىنىڭ قولداۋىمەن اشىلعانىن ايتا كەتكىمىز كەلەدى. جارتى جىل ىشىندە ورتالىقتا رەسپۋبليكانىڭ بارلىق وڭىرلەرىنەن جانە تاجىكستان, قىرعىزستاننان 500-دەي ادام وقۋ دارىستەرىنە قاتىستى. ورتالىق پيروليز پەشى, كۇن پانەلى مەن كوللەكتورلارى, قۇدىعى جانە سورعىشتارى, جارىقديودتى جانە فيتوديودتى جارىقتاندىرۋ, سەنسورلى كوتەرگىش, ەنەرگوتيىمدى تەرەزەلەر جانە ت.ب. تەحنولوگيالارمەن جابدىقتالعان. سونىمەن قاتار, مۇندا قازاقستاننىڭ قۇبىلمالى اۋا رايى جاعدايىندا بيوگۋمۋس تەحنولوگياسىندا جىل بويى كوك­ونىستەر وسىرىلەتىن بيوۆەگيتاري جى­لى­جايى, اقش ماماندارىنىڭ نۇس­قاۋ­لىعىمەن وسىرىلەتىن ارنايى ءدارۋ­مەندەندىرىلگەن جاسىل كوك وسىرەتىن جانە تامشىلاتىپ سۋارۋ جۇيەسى ەنگىزىلگەن فيتوديودتى جىلىجايى ورنالاسقان. سەميناردىڭ العاشقى كۇنىندە وعان قا­تىسۋشىلار اتالعان ەرەكشە نىسانداردى ارالاپ, وزىق تەحنولوگيانى قولدانۋ تاجىريبەسىمەن تانىستى. سپيكەرلەر «جاسىل» ەكونوميكانى قولداۋ جانە G-Global-دى دامىتۋ كواليتسياسى» زتب اتقارۋشى ديرەكتورى اسحات سۇلەيمەنوۆ, نازارباەۆ ۋني­ۆەرسيتەت تەحنوپاركىنىڭ ديرەكتورى دياز بايسەيىتوۆ, «بايتەرەك» كورپوراتسياسى» جشس مەنەدجەرى رادميلا ۆاسيلچۋك, حالىقارالىق دەڭگەيدەگى بيزنەس-كەڭەسشى ولەگ مەتسيك, «KunTech» جشس دامۋ جونىندەگى ديرەكتورى ا.قاليەۆ كوپسالالى تەحنولوگيانىڭ زاماناۋي ەرەكشەلىكتەرى تۋرالى شەبەرلىك سىنىپتارىن وتكىزدى. سونىمەن قاتار, ءىس-شارادا ەڭ ۇزدىك «جاسىل» تەحنولوگيالار دەرەكقورىنىڭ تۇساۋكەسەرى وتكىزىلىپ, وتاندىق جاڭاشىل­داردىڭ جەتىستىكتەرى جايلى, الەمدەگى «جاسىل» كاسىپكەرلىكتىڭ دامۋى, الەۋ­مەتتىك كاسىپكەرلىكتىڭ ەكولوگيالىق برەندى, ەرىكتى ەكوتاڭبا جانە نارىقتاعى «جا­سىل» تاۋارلاردىڭ ءوسۋى جايلى ماسە­لەلەر تالقىلاندى. سەمينار-ترەنينگ اياسىندا, انتونيو تسەريللو باسقارعان يتاليالىق دەلەگاتسيا «اۋىل شارۋاشىلىعىنداعى يننوۆاتسيالىق «جاسىل» تەحنولوگيالار» تاقىرىبىندا دوڭگەلەك ۇستەل ءماجىلىسىن وتكىزدى. يتاليالىق «جاسىل» كاسىپكەرلىك وكىلدەرى «LTMBULLLtd» كومپانياسىنىڭ باسشىسى انتونيو لاتەللا, «ارچەنەردجيگرۋپەسكو» باس­شىسى فابريتسيو سەرسانتە ءوز ءتاجىري­بەلەرى مەن مەملەكەتتەرىندە «جاسىل» تەحنولوگيالاردى قولدانۋدىڭ بارىسى جايلى ايتىپ بەرەدى. باقبەرگەن امالبەك, «ەگەمەن قازاقستان».  اقمولا وبلىسى, ارشالى اۋدانى.