ناقتى ءىستىڭ پارتياسى

اتىراۋدا «نۇر وتاننىڭ» وڭىرلىك فيليالىنىڭ توراعالىعىنا وبلىس اكىمى سايلاندى كەشە «نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ اتىراۋ وبلىستىق فيليالىنىڭ كەزەكتەن تىس كونفەرەنتسياسىنا قاتىستى. كونفەرەنتسيادا وبلىستىق فيليالدىڭ توراعالىعىنا وبلىس اكىمى نۇرلان نوعاەۆ سايلاندى. اسقار مىرزاحمەتوۆ پارلا­مەنت ءماجىلىسىنىڭ توراعاسى بولىپ سايلانعان باقتىقوجا ءىزمۇ­حام­بەتوۆتىڭ وبلىستىق فيليال توراعاسى رەتىندەگى ءۇش جارىم جىلدان استام ۋاقىت ىشىندە اتقار­عان ەڭبەگىنە ريزاشىلىعىن ءبىلدىردى. سول سەكىلدى نۇرلان نوعاەۆ­تىڭ باتىس قازاقستان وبلىس­تىق فيليالىنىڭ توراعا­لىعىندا تابىستى ەڭبەك ەتكەنىن, ەندى مۇنايلى وڭىردە دە ەلبا­سىنىڭ پارتيا الدىنا قويعان مىندەتتەردى ويداعىداي جۇزەگە اسىرۋ جولىنداعى جۇمىسىنا ساتتىلىك تىلەدى. پارتيا توراعاسى ءبىرىنشى ورىنباسارىنىڭ پىكىرىنشە, «نۇر وتان» – ءبىر كۇندىك نەمەسە تەك سايلاۋالدى ناۋقانىندا عانا كورىنەتىن پارتيا ەمەس. ول – حالىقپەن ۇنەمى تىعىز بايلانىس ورناتىپ كەلە جاتقان, سونىمەن بىرگە, سايلاۋالدى باعدارلامالىق تۇعىرناماسىن ۇدايى ورىندايتىن شىنايى ساياسي ۇيىم. سونىڭ جارقىن كورىنىسى بۇعان دەيىنگى كەزەڭدە دە, كەشەگى سايلاۋ بارىسىندا دا حالىقتىڭ قولداۋىنان كورىندى. ماسەلەن, بيىلعى ەلەكتوراتتى ناۋقان بارىسىندا ءار ءوڭىردى ارالاپ, سايلاۋ­شىلارمەن كەزدەسۋلەر وتكىزگەن رەسپۋبليكالىق سايلاۋالدى شتاب وكىلدەرىمەن قاتار, 16 ايماقتىق جانە 208 اۋماقتىق سايلاۋالدى شتابتاردا 30 مىڭنان استام پارتيا بەلسەندىسى جۇمىس ىستەدى. سونىڭ ىشىندە تەك اتىراۋ وبلىسىندا عانا 126 مىڭعا جۋىق كەزدەسۋ وتكىزىلدى. سايلاۋالدى ۇگىت-ناسيحات جۇمىستارىنىڭ ناتيجەسىندە مۇنايلى ءوڭىر سايلاۋشىلارىنىڭ 85 پايىزعا جۋىعى «نۇر وتان» پارتياسىن قولداپ داۋىس بەردى. مۇنى, ارينە, وڭىردەگى پارتيا بەلسەندىلەرىنىڭ اۋقىمدى جۇمىسىنىڭ جەمىسى دەۋ­گە بولادى. سونىمەن بىرگە, اسقار مىرزاحمەتوۆ ەلباسىنىڭ جۋىردا پارتيانىڭ ساياسي كەڭەسىندە پارتيا الدىنا قويعان مىندەتتەردى تابىستى جۇزەگە اسىرۋدىڭ ماڭىزدىلىعىنا ەكپىن ءتۇسىردى. ونىڭ پىكىرىنشە, «نۇر وتان» پارتياسى ۇكىمەتپەن بىرلەسە «قازاقستان-2021». بىرلىك. تۇراقتىلىق. جاسامپازدىق» سايلاۋالدى باعدارلاماسىنىڭ ساپالى ءارى ۋاقىتىندا ورىندالۋىن قامتاماسىز ەتكەلى وتىر. ويتكەنى, «نۇر وتان» حالىققا بەرگەن ۋادەسىن ورىنداۋدى, قۇر ءسوزدىڭ ەمەس, ناقتى ءىستىڭ پارتياسى ەكەنىن ودان ءارى جەتىلدىرۋدى باستى ماقساتى رەتىندە ۇستانادى. بۇعان قوسا, ەلباسى ۇسىنعان 5 ينستيتۋتتىق رەفورما مەن ۇلت جوسپارىندا ايقىندالعان «100 ناقتى قادام» باعدارلاماسىنىڭ جۇزەگە اسىرىلۋىن دا زاڭنامالىق تۇرعىدان قامتاماسىز ەتۋدى كوزدەيدى. ال قوس پالاتالى پارلامەنت قابىلداعان 59 زاڭ تالاپتارىنىڭ ساقتالۋى مەن ورىندالۋىنا پارتيالىق مونيتورينگ جانە ەل تۇرعىندارى اراسىندا ءتۇسىندىرۋ جۇمىستارى جۇرگىزىلمەك. پارتيا تاراپىنان باقىلاۋ پارمەنى ارتادى. اسىرەسە, پارتيالىق باقىلاۋ «نۇرلى جول» باعدارلاماسىن ورىنداۋعا بايلانىستى كۇشەيتىلگەلى وتىر. وسى ورايدا اسقار مىرزاحمەتوۆ: «پارتيا فراكتسيالارى وزەكتى ماسەلەلەردى تۇراقتى تالقىلاپ, باعدارلاما بويىنشا بولىنگەن قاراجاتتى ءتيىمدى جۇمساۋدىڭ تەتىكتەرىن جەتىلدىرۋ شارالارىن قابىلدايدى. بارلىق مۇمكىندىكتەر مەن تەتىكتەردى پايدالانا جانە فراكتسيالار مەن باستاۋىش ۇيىمداردى جۇمىلدىرا وتىرىپ, ەلدەگى بىرلىك, بەيبىتشىلىك پەن كەلىسىمدى قامتاماسىز ەتۋ ءۇشىن قولايلى جاعداي جاسالادى», – دەدى. «نۇر وتاننىڭ» سىبايلاس جەمقورلىققا قارسى ءىس-قيمىل جونىندەگى پارتيالىق باعدارلاماسى دا بار. بۇل باعدارلامانىڭ ناقتى ىسكە اسىرىلۋى دا قوعامدى جەگى قۇرتتاي كەۋلەيتىن كەسەلگە قارسى بىتىسپەس كۇرەس تۇرىندە جالعاسىن تابا بەرەدى. پارتيا باسشىلىعى سىبايلاس جەمقورلىقتى بولدىرماۋ ماقساتىنداعى الدىن الۋ شارالارىنا ايرىقشا نازار اۋدارماق. سول سەكىلدى ورتالىقتاعى جانە جەرگىلىكتى جەرلەردەگى فراكتسيالارعا حالىقتى تولعاندىراتىن ەڭ ءتۇيىندى ماسەلەلەردى انىقتاۋ, ولاردىڭ وڭ شەشىلۋى باعىتىنداعى جۇمىستارعا باسا كوڭىل ءبولۋ مىندەتى بۇرىنعىدان كۇشەيتىلە تۇسپەك. سول سەبەپتى تۇرعىندارمەن جۇيەلى تۇردە كەزدەسۋلەر جانە قوعامدىق قابىلداۋلار ۇيىمداستىرۋ ارقىلى ماقساتتى الەۋمەتتىك توپتارمەن تۇراقتى بايلانىس جولعا قويىلادى. «بۇل مىندەتتەردى ويداعىداي اتقارۋدا بارشا ايماقتىق جانە اۋماقتىق پارتيا فيليالدارىنىڭ, پارلامەنت ءماجىلىسى مەن بار­لىق دەڭگەيدەگى ءماسليحاتتار دەپۋتاتتارىنىڭ ورنى ەرەكشە بولعالى تۇر», – دەدى «نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ. ايتقانداي, اتىراۋ وبلى­سىنداعى ەل-جۇرتتىڭ «نۇر وتان» پارتياسىنا ىقىلاسى ايرىق­شا دەيتىندەي دەرەكتەردى سارالاساق, قازىر اتالعان ساياسي ۇيىم قۇرامىندا 32 مىڭنان استام مۇشە بار. ون كۇن بۇرىن وتكەن سايلاۋدا جەرگىلىكتى ءماسلي­حاتتارداعى 134 ورىننىڭ 132-سىنە, ياعني 98 پايىزدان استامىنا «نۇر وتان» پارتياسىنىڭ ءمۇ­شە­لەرى سايلاندى. جولداسبەك شوپەعۇل, «ەگەمەن قازاقستان». اتىراۋ.