جۇمىسىن تىڭ سەرپىلىسپەن باستادى

«نۇر وتان» پارتياسىنىڭ كەڭسەسىندە پارتيا ساياسي كەڭەسىنىڭ بيۋرو مۇشەسى جانە الماتى قالالىق فيليالىنىڭ توراعاسى, قالا اكىمى باۋىرجان بايبەكتىڭ باسشىلىعىمەن قالالىق فيليال ساياسي كەڭەسى بيۋروسىنىڭ كەڭەيتىلگەن وتىرىسى بولىپ ءوتتى. بيۋرودا «نۇر وتان» پارتيا­سى الماتى قالالىق فيليالى توراعاسىنىڭ ءبىرىنشى ورىنباسارى كانديداتۋراسىن قاراۋ, VI شاقىرىلعان الماتى قالالىق ماسليحاتىنداعى «نۇر وتان» پارتياسىنىڭ فراكتسياسىن قۇرۋ, سونداي-اق, فراكتسيا جەتەكشىسىن ۇسىنۋ ماسەلەلەرى قارالدى. زاۋرەش امانجولوۆانىڭ قازاقستان رەسپۋبليكاسى پار­لا­مەنتى ءماجىلىسىنىڭ دەپۋتاتى بولىپ سايلانۋىنا بايلانىستى «نۇر وتان» پارتياسى قالالىق في­ليالى توراعاسىنىڭ ءبىرىنشى ورىن­باسارلىعىنا جۇلدىز ومار­بە­كوۆانىڭ كانديداتۋراسى ۇسىنى­لىپ, بيۋرو مۇشەلەرى ونى ءبىراۋىز­دان قولدادى. – 20 ناۋرىزدا وتكەن سايلاۋ ءناتي­جەسىندە VI شاقىرىلعان پارلامەنت ءماجىلىسىنىڭ قۇرا­مىنا ەنگەن 84 دەپۋتاتتىڭ 10-ى – الماتىلىق. سونىمەن قاتار, قا­لاداعى 37 وكرۋگتىڭ 35-ىندە سايلاۋ­شىلار «نۇر وتان» پارتياسىنىڭ وكىلدەرىنە قولداۋ كورسەتتى. بۇدان وزگە, تۇڭعىش رەت قالالىق ماسليحاتقا ءۇش پارتيانىڭ – «نۇر وتان», «اق جول» جانە «اۋىلدىڭ» وكىلدەرى ەنىپ وتىر. دەپۋتاتتار قۇرامى 65 پايىزعا جاڭارىپ, ايەلدەر مەن جاستاردان سايلانعان بەلسەندىلەرىمىز دە بار, – دەپ اتاپ ءوتتى قالا باسشىسى باۋىرجان بايبەك. پارتيانىڭ قالالىق فيليال توراعاسىنىڭ ءبىرىنشى ورىنباسارىن بەكىتكەننەن كەيىن, بيۋرو مۇشەلەرى مەن پارتيانىڭ فراكتسيا وكىلدەرى وزدەرىنىڭ العاشقى وتىرىسىن وتكىزدى. فيليال توراعاسى ءارى قالا باسشىسى باۋىرجان بايبەك جاڭا دەپۋتاتتىق فراكتسيا بۇگىنگى داعدارىستىق قيىنشىلىقتار كەزەڭىندە «نۇرلى جول» باعدارلاماسى مەن 5 ينستيتۋتتىق رەفورمانى جۇزەگە اسىرۋدىڭ «100 ناقتى قادام» ۇلت جوسپارىن جانە الماتى قالاسىن دامىتۋدىڭ 2020 جىلعا دەيىنگى باعدارلاماسىن جۇزەگە اسىرۋعا ەسەلەنگەن كۇش-جىگەرمەن كىرىسەتىنىنە سەنىم ءبىلدىردى. قانات ەسكەندىر, «ەگەمەن قازاقستان». الماتى.